2111-р сар, 2026Бямба гараг

Сангийн сайд З.Мэндсайханаас асуусан онцлох асуултууд

5 сар 25. 12:574 мин унших

“Татварын хуулийн шоу эхэллээ”


УИХ-ын чуулганы баасан гарагийн хуралдаанаар Татварын багц хуулийн төслийг хэлэлцлээ.  Хуулийн төслийг Засгийн газраас тавдугаар сарын 7-нд өргөн барьсан юм.   Хуулийн төслүүдтэй холбоотойгоор Сангийн сайд З.Мэндсайхан гишүүдийн асуултад хариулав.

“НӨАТ-ыг таван хувь болгож бууруулбал төсвийн тогтвортой орлогогүй болно”

УИХ-ын гишүүн Б.Пүрэвдорж: Татварын хуулийн өөрчлөлттэй хамт өргөн баригдаж буй НӨАТ-ын тухай хууль дээр тодорхой байр суурь илэрхийлэх шаардлагатай гэж үзэж байна. Нэг талаас, Монгол Улс хөдөө аж ахуйн орон. Газар тариалан эрхлэгчид, малчид бүтээгдэхүүнээ зах зээлд нийлүүлэхдээ НӨАТ төлөгчөөр бүртгэгдсэн компаниудад нийлүүлдэг. Гэтэл тухайн компаниуд нь дараагийн шатанд бүтээгдэхүүнээ худалдахдаа НӨАТ-ын баримт авах уу, үгүй юу гэхээр НӨАТ-гүй авъя гээд хямдхан авчхаж байгаа. Үүний улмаас зах зээлд байгаа бараа бүтээгдэхүүний дор хаяж 30 хувь нь НӨАТ-ын баримтгүй эргэлдэж байна.Нөгөө талаас Монгол Улс хэрэглэгч орон. Манай хэрэглэж буй нийт бараа бүтээгдэхүүний 90 орчим хувь нь БНХАУ-аас импортлогдож байна. Гэтэл эдгээр барааны ихэнх нь гаалиар орж ирэхдээ жин ихтэй, үнэ багатай барилгын материал гэх мэтээр буруу мэдүүлэгдэн орж ирдэг. Дараа нь тэр бараанууд Нарантуул зах дээр төвлөрч, улмаар 330 сум руу тархдаг.Анхнаасаа бичиг баримтгүй орж ирсэн бараанууд улс даяар НӨАТ-ын баримтгүй худалдаалагдаж байгаа учраас худалдаа, үйлчилгээний бодит бүртгэл хийх ямар ч боломжгүй болж байна.

Сангийн сайд З.Мэндсайхан: НӨАТ-ын татвар төсвийн орлогын 20-оос дээш хувийг бүрдүүлж байгаа гол тогтвортой татвар. Дэлхий дахинд аваад үзэх юм бол НӨАТ-ын системтэй 175 орны дунд Монгол Улсын 10 хувийн хэмжээ харьцангуй доогуур тооцогдож байгаа. Манайхаас доош НӨАТ-ын татвартай есөн орон л байгаа. НӨАТ-ын татварыг таван хувь болгож бууруулбал төсвийн тогтвортой орлогогүй болно.

“Татварын хуулийн шоу эхэллээ”

УИХ-ын гишүүн О.Цогтгэрэл: Татварын багц хуулийг олон жил уншиж, тэр хэмжээгээр олон Засгийн газраар дамжиж нэлээн шоудаж пиардаж олон юм болж байж хэлэлцүүлэг эхэллээ. Орж ирж байгаа хуулиудыг харахад үнэхээр хангалтүй. Нүглийн нүдийг гурилаар хуурсан ийм л хууль орж ирсэн байна. Аж ахуй нэгж дээр шатлалууд гаргаж байгаа юм байна. Энэ нь явсаар аж ахуй нэгжүүдийг жижгэрэхэд чиглэсэн өөрчлөлт. Татварын багц хуулийн бодлогууд яг хаана очиж үндсэн чиглэлд нөлөөлөх вэ. Энэ зүйл их сонирхолтой байна. Үүн дээр тооцоо баримт дүгнэлт байна уу. Засгийн газраас явуулж буй татварын бодлого явсаар байгаад иргэдийн бодит орлогод, үнийн өсөлтөд яаж нөлөөлөх юм. Өмнө нь НӨАТ-ын хууль дээр дэвшилттэй зарим зүйл яригдаж байсан. Тэр нь хэрэгжиж эхлээгүй байтал хүчингүй болохоор боллоо. Аж ахуй нэгжүүдийг жижигэрхэд чиглэсэн бодлого байна. Та нарт үүнээс өөр бодлогын сонголт байсангүй юу. Үнэхээр харамсалтай л бодлого орж ирлээ.

Сангийн яам З.Мэндсайхан: Дотоодод инфляц үүсэж байна. Булангийн оронд үүсээд буй газрын тостой холбоотой асуудлаас болж үнийн өсөлт үүсэж байна. Иймээс богино хугацаанд аж ахуй нэгжүүдийнхээ үйл ажиллагааг тогтвортой явуулах бодлогыг авч хэрэгжүүлэх хүрээнд оруулж ирсэн нэмэлт өөрчлөлт. Энэ батлагдсанаар богино хугацаанд аж ахуй нэгжүүд иргэддээ дэмжлэг өгнө. Хуулийн төслийн хүрээнд татварын ачааллыг 2.2 их наяд төгрөгөөр бууруулна.  Ажил эрхэлж байгаа иргэдээ дэмжье гэж байгаа юм.

“Оюутан, нас, хүйс мэргэжлээс хамаарсан ялгаатай татвар байж болохгүй”

УИХ-ын гишүүн Ө.Шижир: Татварын хуулиар  нэг цаг хөдөлмөр эрхэлсэн ч нэг удаагийн ажил хийсэн ч хоол, унааны мөнгө өгсөн ч бүгдээс нь татвар авдаг. Давхар нийгмийн даатгалын шимтгэл авдаг тогтолцоо. Бүгдээс нь яаж хуу хамах вэ гэдэг бодолтой. Иргэдийн бодит орлого буцаад өөрт нь үлдэх нь бага. Иймээс эдгээрийг зайлшгүй хэлэлцэх хэрэгтэй. Төлж болох бүх зүйл нь татвар болчихоод байна. Татварын багц хуулиудыг харахаар нэг удаагийн шинжтэй хийж буй гүйцэтгэл буюу нэг өдөр ажил хийсэн оюутныг ямар нэгэн байдлаар татвараас хөнгөлж чөлөөлсөн юм алга.

Сангийн сайд З.Мэндсайхан: Татварын багц хуулийн өөрчлөлтийг цогц сууриар нь оруулж ирсэн. Түүнээс биш оюутны  хөдөлмөр эрхлэлт ч гэдэг юм уу нас хүйс мэргэжлээс хамаарсан ялгаатай татвар байж болохгүй. Хөдөлмөрийн тухай хуулийн 66 дээр бүтэн биш ажлын эрх зүйн  орчныг тодорхойлсон байдаг. Та тэндээс хараарай, би ч харъя. Энэ удаагийн өргөн барьсан хууль бол богино хугацаанд бизнес, эдийн засаг болон хөдөлмөр эрхэлж буй иргэдэд бодитой дэмжлэг үзүүлэх зорилгоор оруулж ирсэн нэмэлт хууль юм.

 

 

Т.БАТСАЙХАН

Эх сурвалж: “Зууны мэдээ” сонин

2026 ОНЫ ТАВДУГААР САРЫН 25. ДАВАА ГАРАГ. № 99 (7841)

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.