2111-р сар, 2026Бямба гараг

Том төслүүдийн худалдан авалтыг “нууцаар” хийхийг хуулиар хориглоно

6 сар 10. 10:134 мин унших

Төрийн нууцын тухай хуулийн шинэчилсэн найруулгын төслийг хэлэлцжээ

Аюулгүй байдлын байнгын хорооны өчигдрийн хуралдаанаар Төрийн нууцын тухай хуулийн шинэчилсэн найруулгын төслийг хэлэлцжээ.  Байнгын хорооны хуралд хуулийн төслийг ЗГХЭГ-ын дарга Б.Энхбаяр танилцуулав. Хуралдаанаас тоймлон хүргэе.

ЗГХЭГ-ын дарга Б.Энхбаяр:

-Одоогийн эрх зүйн зохицуулалтаар төрийн нууцын жагсаалтыг Засгийн газар баталдаг бол цаашид ард түмнээс сонгогдсон төрийн эрх барих дээд байгууллага болох Улсын Их Хурал баталдаг эрх зүйн үндэс бүрдэнэ. Шинэ зохицуулалтын хүрээнд төрийн байгууллага, албан тушаалтан, дэд бүтцийн томоохон төсөл болон бусад мэдээллийг үндэслэлгүйгээр төрийн нууцад хамааруулдаг байдлыг таслан зогсоож, авлига, албан тушаалын гэмт хэрэг гарах нөхцөл мөн буурна.  Мөн төрийн үйл ажиллагааны ил тод байдал нэмэгдэж, иргэдийн төрд итгэх итгэл бэхэжнэ гэж үзэж байна. Түүнчлэн албаны нууцад хамаарч буй 882 мэдээллийг ил болгож, төрийн нууцад хамаарахаас бусад төрийн байгууллагын мэдээллийг олон нийтэд нээлттэй болно. Ингэснээр Монгол Улсын Үндсэн хуулиар баталгаажсан, төр болон түүний байгууллагаас хуульд зааснаас бусад асуудлаар мэдээлэл хайх, хүлээн авах иргэдийн эрхийг хангах нөхцөл бүрдэнэ.  Мөн Засгийн газрын 2017 оны 247 дугаар тогтоолоор баталсан салбар байгууллагын хэмжээнд төрийн нууцад хамаарах 574 мэдээллийн тоо 200 болж буурна.

УИХ-ын гишүүн Д.Ганбат: 

-Төрийн болон албаны нууцын халхавч дор авлига, албан тушаалын хэрэг нуугдах ёсгүй. Засгийн газар байгуулагдаад 100 хоногт дөхөж байна.  Өмнө нь  өөрөө “Халуухан хавар болно” гэж мэдэгдэж байсан нь авлига, албан тушаалын гэмт хэрэгтэй тэмцэх, нууцын нэрийн дор халхавчлагдсан асуудлуудыг ил болгож, хариуцлага тооцох алхмууд хийгдэх байх гэсэн хүлээлт төрүүлсэн. Гэвч өнөөдрийн байдлаар энэ чиглэлд бодит үр дүн хангалтгүй байгаа нь иргэдийн хүлээлтэд хүрэхгүй байна. Авлига, албан тушаалын хэрэгтэй тэмцэхгүй, хууль бус үйлдлүүдэд хариуцлага тооцохгүй байгаа нь эцсийн дүндээ ард иргэдийг хохироож байна. Сүүлийн хоёр сарын хугацаанд бараа бүтээгдэхүүний үнэ өсөж, инфляц хоёр оронтой тоонд хүрсэн нь авлига, албан тушаалын асуудал, мэдээллийн хаалттай байдалтай тодорхой хэмжээнд холбоотой. Харбины гэрээтэй холбоотой мэдээллийн тодорхой хэсэг өнөөдөр хүртэл нууцын зэрэглэлд байгаа бөгөөд уг асуудал нүүрсний үнэ болон улсын ашиг сонирхолд сөргөөр нөлөөлсөн. Мөн “ногоон автобус”-ны хэрэгт холбоотой зарим гэрээ, баримт бичиг тухайн үедээ нууцын зэрэглэлтэй байсан нь асуудлыг олон нийтээс далд байлгах нөхцөл болсон. Тиймээс төрийн болон албаны нууцын хүрээг хумьж, үндэслэлгүйгээр нууцалсан мэдээллийг ил тод болгохын зэрэгцээ хууль зөрчсөн албан тушаалтнуудад бодит хариуцлага тооцдог тогтолцоог бүрдүүлэх шаардлагатай байна.

ЗГХЭГ-ын дарга Б.Энхбаяр:

 -Нэг талаасаа улс төрийн, нөгөө талаасаа хууль зүйн шинжтэй асуулт асууж байна. Төрийн болон албаны нууцын тухай хууль батлагдаж хэрэгжээд 10 жил болжээ. Энэ хугацаанд байгууллагын нууцад мэдээлэл хамааруулах асуудлыг тухайн салбар хариуцсан сайд, агентлагийн дарга, төрийн өмчит компанийн захирал өөрийн үзэмжээр шийдэж, нууцын тамга дардаг байсан. Ингэснээр сүүлийн 10 жилийн хугацаанд иргэдийн мэдэх эрхийг хязгаарласан олон асуудал гарсан. Нөгөө талаас авлига, хулгайн шинжтэй үйлдлүүдийг нууцын тамганы цаана халхалж, иргэдийн мэдэх эрхийг хааж байсан нь өнөөдөр олон баримтаар нотлогдож байна. Энэ асуудлыг ил болгохын төлөө Ганбат гишүүн бид хоёр ч нэлээдгүй хугацаанд ажилласан. Хөгжлийн банк, нүүрсний сонсголын үеэр олон гэрээ хэлцэл, асуудлыг ил тод болгож байсан. Нүүрсний асуудал дээр холбогдсон хүмүүс маш хүчтэй эсэргүүцэж байсан. Гэвч олон асуудал илэрч, 20 сая ам.долларын байр савтай холбоотой асуудал, нүүрс болон бор тээгийн хулгай зэрэг олон хэрэг баримтаар нотлогдон хууль, шүүхийн байгууллагад шилжсэн. Үүнтэй холбоотойгоор амь тэмцэж, очих газаргүй болсон хүмүүс Хууль зүйн сайдыг ямар ч үнээр хамаагүй гүтгэж, нэр төрд нь халдаж, албан тушаалаас нь зайлуулах ажиллагаа явуулсан гэж би харж байгаа. Энэ ажиллагаанд манай О.Цогтгэрэл дарга мэдээд оролцсон уу, мэдэлгүй оролцсон уу, эсвэл зүгээр л нэр нь холбогдоод явж байна уу гэдгийг сайн мэдэхгүй байна. Хөгжлийн, дэд бүтцийн том төслүүдийн худалдан авалтыг нууц хэлбэрээр хийхийг хуулиар шууд хориглож байгаа. Туулын хурдны зам тэр чигээрээ гэмт. Том төслийн ард том хулгай байна гэдэг нь өдөр тутам харагдаж байгаа” гэлээ.

 

Төмөрбаатарын БАТСАЙХАН

Эх сурвалж: “Зууны мэдээ” сонин

2026 ОНЫ ЗУРГААДУГААР САРЫН 10. ЛХАГВА ГАРАГ. № 109 (7851)

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.