2111-р сар, 2026Бямба гараг

ВАШИНГТОНД COP17 БОЛОН ТАЛ ХЭЭРИЙН ТӨЛӨВЛӨГӨӨНИЙ ТАЛААР ӨНДӨР ТҮВШНИЙ ХЭЛЭЛЦҮҮЛЭГ БОЛЛОО

6 сар 12. 18:132 мин унших

Монгол Улсын Засгийн газар, Олон улсын байгаль хамгаалах холбоо

АНУ-ын Вашингтон хот дахь Монгол Улсын Элчин сайдын яаманд Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17) болон Монгол Улсын санаачлан хэрэгжүүлж буй Тал хээрийн төлөвлөгөө (STEPPE Action Agenda)-ний талаар өндөр түвшний хэлэлцүүлэг зохион байгуулагдав.

Арга хэмжээнд Монгол Улсын Засгийн газар, Олон улсын байгаль хамгаалах холбоо (IUCN), Дэлхийн банкны бүлэг, Даян дэлхийн байгаль орчны сан (GEF), Бэлчээр ба нүүдлийн мал аж ахуйн олон улсын жил (IYRP)-ийн Нарийн бичгийн дарга нарын газар, The Nature Conservancy (TNC) болон бусад байгууллагын төлөөлөл оролцов.

Монгол Улсын Байгаль орчин, уур амьсгалын өөрчлөлтийн дэд сайд Б.Мөнхтамир COP17-ын бэлтгэл ажил, зохион байгуулалт, Монгол Улсын тэргүүлэх зорилт, хүлээгдэж буй үр дүнгийн талаар танилцуулж, оролцогч талуудын нэгдсэн ойлголтыг бүрдүүлэхэд чиглэсэн мэдээлэл өглөө.

COP17 Үндэсний хорооны Бодлого, хамтын ажиллагаа, хөрөнгө оруулалтын газрын дарга А.Жавхлан COP17-ийн бодлогын өв болох Тал хээрийн төлөвлөгөөг танилцуулж, газрын доройтол, цөлжилт, ган, биологийн олон янз байдлын алдагдал зэрэг харилцан уялдаатай сорилтуудыг шийдвэрлэхэд чиглэсэн Бэлчээрийн тэргүүлэх санаачилга, Ус-газрын нэгдсэн менежментийн санаачилга, Байгальд суурилсан шийдэл бүхий тогтвортой дэд бүтцийн санаачилга зэрэг тэргүүлэх хөтөлбөрүүдийн талаар мэдээлэл өгч, олон улсын хамтын ажиллагаа, хөрөнгө оруулалтыг нэмэгдүүлэх уриалга дэвшүүлэв.

Хэлэлцүүлгийн үеэр оролцогчид газрын доройтолтой тэмцэх, бэлчээрийн экосистемийг хамгаалах, нөхөн сэргээх, орон нутгийн иргэдийн амьжиргааг дэмжих чиглэлээр хамтын ажиллагааг бэхжүүлэхийн ач холбогдлыг онцолж, Тал хээрийн төлөвлөгөөний хүрээнд хэрэгжүүлэх санаачилгуудыг дэмжих, хөрөнгө төвлөрүүлэх чиглэлээр хамтран ажиллахаар санал нэгдлээ.

Арга хэмжээний төгсгөлд оролцогчид 2026 оны наймдугаар сард Улаанбаатар хотноо зохион байгуулагдах Цөлжилттэй тэмцэх тухай НҮБ-ын конвенцын Талуудын 17 дугаар бага хурлыг амжилттай зохион байгуулах, түүний бодлогын өвийг бодит үр дүн, хөрөнгө оруулалт, урт хугацааны түншлэлээр баталгаажуулахын төлөө хамтран ажиллахаа илэрхийлсэн байна.

 

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

545

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 362

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.