2111-р сар, 2026Бямба гараг

Хоёр сая хүртэлх хувийн орлого дээр татвар төлөх заалт 2028 оноос хэрэгжинэ

6 сар 19. 11:354 мин унших

Хоёр сая хүртэлх хувийн орлого дээр татвар төлөх заалт 2028 оноос хэрэгжинэ

УИХ-ын чуулганы нэгдсэн хуралдаанаар Татварын ерөнхий хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг явууллаа.  Энэ үеэр гишүүд хууль санаачлагчаас асуулт асууж хариулт авав.

 

УИХ-ын гишүүн С.Эрдэнэболд:

-Татварын ерөнхий хуульд нэмэлт, өөрчлөлт оруулахтай холбогдуулан хэдэн асуулт асууя. Нэгд, мөнгө угаах гэмт хэрэг гэж байна. Эдийн засгийн харилцааг эрүүлжүүлэхийн тулд татвартай холбоотой асуудлаас эхэлдэг. Энэ харилцааг олон улсын жишигт нийцүүлж чадаж байна уу. Эдийн засгийн харилцааг маш их улстөржүүлдэг. Улстөрчид бизнес эрхлэгчдийн дансыг хааж, хууль хүчний байгууллагуудаар дамжуулан мэдэгдэл, мэдээллийг сонгуулийн үеэр их хийдэг. Татварын байгууллагыг ашигладаг. Улс төрийн зорилгоос хамгаалах ямар зохицуулалт хийсэн бэ?

УИХ-ын гишүүн, Ажлын хэсгийн ахлагч Х.Ганхуяг:

-Засгийн газраас НӨАТ-ын босгыг 50 байсныг 400 сая болгох хуулийн төсөл өргөн барьсан. Ажлын хэсэг дээр буцаагаад 50 сая болгох зарчмын зөрүүтэй санал гаргаж байгаа. Үндсэн шалтгаан нь татвараас зайлсхийдэг, нуун дарагдуулах боломж бий болох юм байна гэж үзсэн. Яагаад вэ гэхээр, чөлөөт бүсүүдээс архи тамхи онцгой  татвартай бүтээгдэхүүнүүдийг баяр болгоны өмнө зохион байгуулалттайгаар улс орон даяар зардаг. Тэрийгээ дандаа хувь хүмүүсийн дансаар орлогыг нь авдаг. Энэ нь эргээд НӨАТ биш онцгой албан татвар, бүтээгдэхүүнд тавигдах хяналт шалгалт гээд олон асуудлыг хөндөнө. НӨАТ өөрөө бүртгэлийн систем болохоор алдагдах юм байна. Татварын тогтолцоонд сөрөг үр дагавар авч ирэх юм байна гэж үзээд 50 сая төгрөгийн босго хэвээр байлгах санал оруулж ирж байна. Хоёрт, өнгөрсөн 2023, 2024 онд ААН-үүдийн данс хаах асуудлууд тавигддаг байсан. Жишээлбэл, "Монполимет"  компанийн дансыг сонгуулийн үеэр хааж байсан. Одоо шинэ хуулиар данс хаахыг хориглож, тодорхой хэмжээний татвар авч, компани үйл ажиллагаагаа явуулах боломж бүхий мөнгийг нь үлдээдэг болгож байна.

УИХ-ын гишүүн А.Ариунзаяа: 

-Эцсийн хэлэлцүүлэг учраас зарчмын зөрүүтэй санал гаргах боломжгүй байдаг. Бид 64 гишүүнээрээ батлах нь ээ. Олон нийтэд үр дүн нь юу байна вэ гэдгийг Х.Ганхуяг ахлагчаас хүсч байна. Багц хууль хэзээнээс хэрэгжиж эхлэх вэ. Данс хаана, гэхдээ 30 хувийн үлдэгдлийг нь үлдээх юм байна. Энийгээ тодорхой хэлж өгөөч. НӨАТ-ын босгыг 50 сая хэвээр үлдээх юм байна. Орон сууц борлуулалтын хоёр хувийн татварыг цуцалж байгаа гэж байна лээ. Анхны орон сууц бөгөөд таваас доошгүй жил амьдарсан орон сууцны татвараа чөлөөлж байгааг хэлэх шаардлагатай байна. Мөн шаталсан татвартай холбоотойгоор хэдэн хувийн татвар тавигдаж байна вэ?

УИХ-ын гишүүн, Ажлын хэсгийн ахлагч Х.Ганхуяг:

 -Татварын багц хуулийн нэмэлт, өөрчлөлтөөр 2027, 2028 онд эдийн засгийн өсөлт 0.7 пунктаар нэмэгдэхээр тооцоолж байна. Өрхийн орлого гурван хувиар нэмэгдэх боломж бүрдэнэ. Татварын багц хуулиар ХХОАТ хоёр шатлалаар нэмэгдсэн. Нэгд, 0-792 мянган төгрөгийн орлоготой бол тэг хувийн татвар ногдоно. Энэ нь 2027 оны нэгдүгээр сарын 1-нээс хэрэгжинэ. Харин 792-2 сая төгрөгийн орлого дээр нэг хувийн татвар төлөх заалт нь 2028 оны нэгдүгээр сарын 1-нээс хэрэгжинэ. Зарим нь зөвхөн хоёр сая төгрөгийн орлоготой иргэдэд үйлчилнэ гэж ташаа ойлгож байна. Бүх иргэдийн гар дээр ирж байгаа орлого нэмэгдэнэ гэсэн үг. ААНОАТ дээр 15 хувийн шатлал орж ирж байгаа. Уул уурхайн бус компаниудын орлогыг хамгаалж, 10-25 хувиар өсдөг байсныг 15 болгож байгаа юм. Мөн ААНОАТ-ын 22.9 заалт дээр Азийн наадмын спортын төрлийг нэг хувийн татварын хөнгөлөлт эдлэх боломжийг олгож байгаа. НӨАТ-ын хуульд НӨАТ төлөх хугацааг нь хойшлуулж байгаа. НӨАТ-ын тайлан гаргаж, шууд татварын өртэй байдаг байсан бол хоёр сарын дотор компанийн үйл ажиллагаанд үнэлгээ хийж, мөнгө орж ирсний дараа НӨАТ-ын татвар төлөх боломж бүрдэнэ. Эргэлтийн хөрөнгөд эерэг дүн гарч, зээл авах шаардлагагүй болно. Мөн тендерт ороход өртэй гэдэг байдал харьцангуй багасна. Хувь хүний орлогын албан татвар дээр анхны орон сууцаа тусгай хамгаалалттай газар дээр биш л бол зарвал хоёр хувийн татвараас хөнгөлөх өөрчлөлт оруулж байгаа. ААН-үүдийн дансыг шууд хаахгүй 70/30 хувьтай үлдээдэг болно.

УИХ-ын гишүүн О.Батнайрамдал:

-Оюутолгой 2013 оноос хойш үйлдвэрлэлээ явуулж, орлого олж эхэлснээр нэг ч маргаангүй жил байхгүй. Нэг ч маргаан эцэслэгдээгүй байна. Тэр татварыг нь төлсөн юм шиг пи-ар хийж болохгүй. Тэр мөнгө арбитрын шийдвэр эцэслэгдэж байж Монголын талд очих эсэхийг шийднэ. Засгийн газар тэр мөнгийг үрж болохгүй мөнгө.

УИХ-ын дарга С.Бямбацогт:

-Энэ олон жил даамжирсан татварын маргааныг хэрхэн шийдвэрлэх вэ гэдэг дээр албаныхан мэдээлэл өгөх хэрэгтэй. Үл ойлголцлыг үнэн мэдээлэл өгөхгүй байгаагаас үүсдэг.

ТЕГ-ын дарга Б.Цогтнаран:

-Оюутолгой компанид татварын албанаас 2009-2022 оныг дуустал нийт зургаан удаагийн хяналт шалгалтыг хийсэн. Мөн 2013-2020 оныг дуустал 2018, 2020, 2023 онд хийсэн татварын актуудын төлбөрийг төлсөн ч татварын маргааныг өнөөдөр арбитрын шүүхээр хэлэлцээд явж байна. Бүрэн эцэслэн шийдэгдээгүй байна. Харин 2026 оны хувьд 2021-2022 оны татварын үйл ажиллагаанд шалгалт хийж, тодорхой төлбөр тавигдаж төлсөн ч Татварын маргаан таслах зөвлөлд гомдол гаргасан байгаа.

Эх сурвалж: “Зууны мэдээ” сонин

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.