2111-р сар, 2026Бямба гараг

Эрчим хүчний салбарынхан энэ сарын 30-наас эхлэн АЖИЛ ХАЯЛТ зарлахаар болжээ

6 сар 19. 13:193 мин унших

Эрчим хүчний салбарынхан энэ сарын 30-наас эхлэн АЖИЛ ХАЯЛТ зарлахаар болжээ

Монголын эрчим хүч, геологи, уул уурхайн үйлдвэрчний эвлэлийн холбооноос тэмцлийн эцсийн хэлбэр болох ажил хаялтыг улс орон даяар зохион байгуулах болсон талаараа өнөөдөр мэдээлнэ. 

Тус холбооноос 2026 оны нэгдүгээр сарын 8-ны өдөр эрчим хүчний салбарын 2026-2027 оны хамтын хэлэлцээрийг эхлүүлжээ. Эрчим хүчний яамнаас цалин хөлс нэмэгдүүлэх ямар ч боломжгүй талаар удаа дараа байр сууриа илэрхийлсэнтэй холбоотойгоор тэд дөрөвдүгээр сарын 16, 17-ны өдөр Сүхбаатарын талбайд тайван замаар жагсаал цуглаан зохион байгуулж, яам, Засгийн газарт шаардлага хүргүүлсэн байна. 

 Гэвч одоогийн байдлаар эрчим хүчний салбарт цалин хөлс нэмэгдүүлэх хэлцэл хийгдээгүй байгаа аж. 

2025 оны дөрөвдүгээр сард эрчим хүчний 2023-2024 оны хэлэлцээрт нэмэлт өөрчлөлт оруулж 2026 оны цалингийн нэмэгдлийг 2025 оны аравдугаар сарын 30-ны дотор хэлэлцээрээр тохирно гэж заасан байна. Иймд Хөдөлмөрийн хуулийн 20.1.4-т заасны дагуу зуучлагчийн шатанд талууд тохиролцоонд хүрээгүй гэх үндэслэлээр ажил хаялт зохион байгуулах нөхцөл нь бүрдсэн байна. 

Улмаар Монголын эрчим хүч, геологи, уул уурхайн үйлдвэрчний эвлэлийн холбоо хуралдаж эрчим хүчний салбарын хэмжээнд ажил хаялтыг 2026 оны зургаадугаар сарын 30-ны өдрийн 08:00 цагаас эхлэн зарлахаар болжээ. 

Эрчим хүчний салбарын 6,600 ажилтны 95 хувь нь ажил хаялтыг дэмжжээ 

Эрчим хүчний салбарын нийт 35 байгууллагын 9,317 ажилтнаас 28 байгууллагын 6,600 ажилтан ажил хаялтын санал асуулгад оролцож 94.9 хувь нь дэмжсэн талаар  Холбооны Эрчим хүчний эдийн засгийн хүрээлэнгийн үйлдвэрчний эвлэлийн хорооны дарга Д.Эрдэнэбат мэдээллээ. 

Хуулийн дагуух нөхцөл бүрдсэн учраас ажил хаялт зарлах шийдвэрээ гаргаад байгаагаа илэрхийлэв. 

"Ажил хаялтад хөндлөнгөөс нөлөөлөхгүй шүү"

Монголын Үйлдвэрчний Эвлэлийн Холбооны ерөнхийлөгч Э.Тамир "Эрчим хүчний салбарын ажилчдын цалин хөлс, нийгмийн баталгааны асуудал орхигдоод буй талаар Монгол Улсын Засгийн газар, Эрчим хүчний яамтайгаа маш олон удаа хэлэлцээ хийх гэж оролдож, асуудлыг зөвшилцлийн аргаар шийдвэрлэх гэж маш их хичээсэн. Харамсалтай нь ажил хаялтын түвшинд очихоос өөр аргагүй нөхцөлд хүрч байгаа нь харамсалтай байна. 

Монгол Улсын Засгийн газар энэ хаврын чуулганаар улсын төсвийн тодотголыг оруулж ирэх боломж нь байгаа. 

МҮЭ-ийн холбоо, холбооны гишүүн байгууллагууд олон улсын Хөдөлмөрийн байгууллагын 87-р конвенцын хүрээнд ажилладаг. Мөн ҮЭ-үүдийн эрхийн тухай хууль болон Хөдөлмөрийн тухай хуулиар үйл ажиллагаагаа явуулж байгаа. Иймд хууль тогтоомжийн хүрээнд зохион байгуулагдаж буй ажил хаялтад ямар нэгэн эрх бүхий албан тушаалтан, төрийн захиргааны зарим байгууллагууд хөндлөнгөөс нөлөөлөх оролдлого хийхгүй шүү.

Ажил хаялтыг зохион байгуулж байгаа албан тушаалтнуудад аливаа хэлбэрээр нөлөөлөх оролдлого хийвэл ҮЭ-ийн холбооноос шаардлагатай арга хэмжээг авна" гэв. 

Шийдвэр гаргах тодорхой хэдэн хоног байна. Энэ хугацаанд Эрчим хүчний яам ямар гарц гаргалгаа байгаа талаараа танилцуулах хэрэгтэй. Ямар ч боломжгүй гээд сууж байгаа нь төр үүргээ гүйцэтгэж чадахгүй байна гэсэн үг гэдгийг онцлов. 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.