2111-р сар, 2026Бямба гараг

Өсвөр үеийнхний 60.5% нь сэтгэл хөдлөл, зан үйлийн хувьд эрүүл байна

6 сар 19. 16:452 мин унших

Өсвөр үеийнхний 60.5% нь сэтгэл хөдлөл, зан үйлийн хувьд эрүүл байна

“Монгол Улс дахь сэтгэл зүйн тусламж, үйлчилгээний өнөөгийн байдал, эрх зүйн орчин ба шийдэл” анхдугаар чуулганыг Төрийн ордонд зохион байгуулж байна. 

Чуулганаар:

  • Монгол Улс дахь сэтгэл зүйн зөвлөгөө, үйлчилгээний өнөөгийн нөхцөл байдал, тулгамдсан асуудал
  • Сэтгэл зүйн тусламж, үйлчилгээний хүртээмж, чанарыг сайжруулах бодлогын чиглэл, шийдэл
  • Сэтгэл зүйн зөвлөгөө, үйлчилгээ үзүүлж буй мэргэжилтнүүдийн ёс зүй, мэргэжлийн хариуцлагыг бэхжүүлэх асуудал
  • Иргэдийн сэтгэл зүйн сайн сайхан байдлыг дэмжих чиглэлээр төрийн байгууллага, мэргэжлийн холбоод, эрдэмтэн судлаачид, үйлчилгээ үзүүлэгчдийн хамтын ажиллагааг өргөжүүлэх талаар санал, зөвлөмж боловсруулах зэрэг үндсэн асуудлыг хэлэлцэн шийдэл гарцыг эрэлхийлэн тодорхойлж санал, зөвлөмж боловсруулах аж. 

Сүүлийн жилүүдэд Монгол Улсад сэтгэл зүйн зөвлөгөө, тусламж үйлчилгээ авах хэрэгцээ эрчимтэй нэмэгдэж байгааг сэтгэл зүйчид хэлж байлаа. 

Ялангуяа нийт хүн амын 25 хувийг эзэлдэг 10-24 насны өсвөр үеийнхний 60.5% нь сэтгэл хөдлөл, зан үйлийн хувьд эрүүл ч 30.5% нь асуудалтай байгаа нь (UNICEF Mongolia, 2022) энэ чиглэлийн эрэлт улам өссөнийг илтгэжээ. 

Үүнтэй зэрэгцэн хүүхэд, өсвөр үеийнхэн, насанд хүрэгчид, ахмад настан болон байгууллага хамт олны дунд сэтгэл зүйн дэмжлэг шаардлагатай иргэдийн тоо нэмэгдэж, харин сургуулийн орчин дахь дэмжлэг, мэргэжлийн үйлчилгээний хүртээмж хангалтгүй хэвээр байгаа тул сэтгэл зүйн тусламж үйлчилгээний хүртээмж, чанар, мэргэжлийн стандарт, ёс зүй, хариуцлагын асуудал нийгмийн анхаарлын төвд байсаар байна. 

Чуулганаар Монголын сэтгэл судлалын шинжлэх ухааны холбооны ТУЗ-ийн дарга Б.Жавзан “Сэтгэл зүйн тусламж үйлчилгээний нэгдсэн тогтолцооны хэрэгцээ шаардлага, үүрэг оролцоо ба цаашдын чиг хандлага” сэдвээр илтгэл хэлэлцүүлэв

Тэрбээр "Сэтгэл зүйн тусламж, үйлчилгээний тухай хууль нь зөвхөн нэг мэргэжлийн эрх ашгийг хамгаалах хууль биш. Харин иргэдийн эрхийг хамгаалах, үйлчилгээний чанар, хүртээмжийг баталгаажуулах, салбар хоорондын уялдаа холбоог хангах хүний хөгжлийн суурь хуультай байх шаардлагатай.

Энэ бол хүний хөгжил, гэр бүлийн тогтвортой байдал, хүүхдийн аюулгүй байдал, хөдөлмөрийн бүтээмж, шударга ёс, үндэсний аюулгүй байдлыг дэмжих суурь нийгмийн үйлчилгээ юм" хэмээв. 

Тус чуулганаас гарах санал, зөвлөмж, шийдэл нь Монгол Улсын хүн амын сэтгэл зүйн сайн сайхан байдлыг дээшлүүлэх, чанартай, хүртээмжтэй сэтгэл зүйн зөвлөгөө, үйлчилгээг хөгжүүлэхэд чухал хувь нэмэр оруулах ач холбогдолтойг салбарынхан онцоллоо. 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.