2111-р сар, 2026Бямба гараг

АҮЭБ-ийн сайд Г.Дамдинням: АИ-92-ыг Оросын дотоодынх нь үнээс хоёр дахин хямдхан авч байна

6 сар 20. 12:293 мин унших

АҮЭБ-ийн сайд Г.Дамдинням: АИ-92-ыг Оросын дотоодынх нь үнээс хоёр дахин хямдхан авч байна

Аж үйлдвэр, Эрдэс Баялгийн Сайд Г.Дамдинням сэтгүүлчдийн асуултад хариулжээ. 

Газрын тосны нөөц хир их байгаа вэ? 

 

Ер нь бид газрын тосны нөөцөө өөрийн байгаа сав, агуулахын хэмжээнд хангалттай хадгалж байгаа. Иргэддээ хэлэхэд одоогоор сандарч, тэвдэх нөхцөл байдал байхгүй. Гэхдээ дэлхий нийтийн нөхцөл байдал, тэр дундаа манай хойд хөршийн дайны нөхцөлөөс шалтгаалаад шатахууны хангамжийг тогтвортой хангах асуудал амаргүй байгаа.Гэсэн хэдий ч манай хойд хөрш олон жилийн хамтын ажиллагаатай, найрсаг хөршийн хувьд шатахууны нийлүүлэлтийг тасалдуулахгүй явж ирсэн.

 

Дотоодын хязгаарлалттай холбоотой асуудал сүүлийн хэдэн жил яригдаж байгаа ч бидний хувьд нийлүүлэлт хэвийн үргэлжилж байна.

 

Дизель түлшний хувьд дэлхийн зах зээл, нийлүүлэлтийн нөхцөл байдлаас шалтгаалсан асуудлууд гарсан ч ОХУ-ын дотоодын үнэд ойролцоо нөхцөлөөр авах зохицуулалтыг хийсэн. Одоогоор харьцангуй тогтвортой байгаа. АИ-92 шатахууныг бид ОХУ-ын дотоодын үнээс хоёр дахин хямд үнээр авч байгаа. Энэ нь Засгийн газрын хийсэн гэрээ, хэлэлцээрийн үр дүн юм. Гэхдээ шатахууны үнэ өндөр байгаа, дотоодын хомсдол үүсэх эрсдэлтэй холбоотой асуудал цаашид яригдаж магадгүй.

 

Бид одоогоор байгуулсан гэрээний хүрээнд ажиллана гэсэн байр суурьтай байгаа. Гэрээнд гурван сар дараалан үнэ өөрчлөгдвөл үнийн асуудлыг дахин хэлэлцэх боломжтой гэсэн зохицуулалт бий.

 

Манай улс дотооддоо шатахуун үйлдвэрлэдэггүй цөөн орны нэг. Гэсэн хэдий ч өнөөдрийн байдлаар бид дэлхийн хэмжээнд харьцангуй хямд үнээр бензин хэрэглэж байгаа. ОХУ-тай хамтын ажиллагаагаа үргэлжлүүлж, асуудлыг хэлэлцээрийн замаар шийдвэрлэж байна. Одоогоор сандарч, тэвдэх шаардлагагүй. Гэхдээ эргэн тойрны нөхцөл байдал амаргүй, дэлхийн хэмжээнд маш хүнд нөхцөл байдал үргэлжилж байна.

 

– Дизель түлшний хэд хоногийн нөөц байгаа вэ? Шатахуун түгээх станцууд хязгаарлалт хийж байгаа гэсэн мэдээлэл байна?

 

– Тийм хязгаарлалт хийсэн асуудал байхгүй. Оочер, дараалал үүссэн зүйл ч байхгүй. Харин сав, агуулахын асуудал бий. Өнгөрсөн 36 жилийн хугацаанд үе үеийн Засгийн газрын мөрийн хөтөлбөрт шатахууны 3–6 сарын нөөц бүрдүүлэх зорилт байсан ч бодит хэрэгжилт хангалттай байгаагүй. Өнгөрсөн оны Засгийн газраас энэ асуудлаар тусгай хууль санаачилж, энэ онд аж ахуйн нэгжүүдэд хөнгөлөлттэй зээл олгон, 150 мянган куб метрийн багтаамжтай сав барих ажлыг эхлүүлсэн. Цаашид энэ хэмжээг нэмэгдүүлж, 2028 он гэхэд улсын хэмжээнд 3 сарын нөөц хадгалах боломжтой хүчин чадал бүрдэнэ. Энэ бол өмнө нь байгаагүй том хэмжээний бодлого хэрэгжиж байгаа гэсэн үг.

 

– ОХУ-д шатахууны үнэ 3 сар дараалан өссөн асуудал байгаа юу? Манайд үнийн өөрчлөлт хэзээ нөлөөлөх вэ?

 

– Он гарснаас хойш үнэ өндөр байгаа. Гэхдээ Засгийн газрын идэвхтэй хэлэлцээрийн үр дүнд үнийг тогтвортой барих ажлууд хийгдэж байна. Хойд хөршийн талд нөхцөл байдлыг ойлгуулж, хэлэлцэж ажиллаж байгаа. Мөн газрын тос боловсруулах үйлдвэрээ барьж байгуулан, дотоодын газрын тосоороо шатахуунаа хангах нөхцөлийг бүрдүүлэх ажлыг үргэлжлүүлж байна.

 

Сошиал орчинд Хятад, Казахстан зэрэг бусад орноос авах талаар их ярьдаг. Гэхдээ бодит нөхцөл байдлыг харах хэрэгтэй. Зарим орон өөрсдөө дотоодын хязгаарлалттай, экспортлох боломжгүй байдаг.

 

Төр засаг улс орны нөхцөл байдал, дэлхийн зах зээлийн мэдээллийг харж, боломжит бүх хувилбараар ажиллаж байгаа. Төрийн байгууллагад мэргэжлийн хүмүүс ажиллаж, асуудлыг шийдэхийн төлөө ажиллаж байна.

 

– Томоохон компаниудад заавал хөнгөлөлттэй зээл өгч сав бариулах шаардлагатай байсан уу? Өөрсдийн хөрөнгөөрөө барих боломжгүй байсан уу?

 

– Төр, олон нийтийн зүгээс ийм шаардлага тавьж ирсэн. Өнөөдрийн байдлаар богино хугацаанд нөөц хадгалах боломжийг нэмэгдүүлж чадсан. Өмнөх бодлого хангалтгүй байсан гэж үзэж болно. Шатахуун бол төр, хувийн хэвшил хамтарч авч явах ёстой стратегийн салбар. Монгол Улс өмнө нь нөөцийн сав, агуулахтай байх оролдлого хийж байсан ч хяналт, зохион байгуулалтын асуудлаас болж алдагдал, зөрчил гарч байсан түүхтэй. Тиймээс энэ удаа илүү зөв тогтолцоогоор хэрэгжүүлэх шаардлагатай.

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.