2111-р сар, 2026Бямба гараг

“Тусгай замын автобус /BRT/” төслийн нарийвчилсан ажлын зураг болон үйл ажиллагааны төлөвлөлтийн зөвлөх үйлчилгээний тендерийг зарлалаа

6 сар 22. 10:502 мин унших

“Тусгай замын автобус /BRT/” төслийн нарийвчилсан ажлын зураг болон үйл ажиллагааны төлөвлөлтийн зөвлөх үйлчилгээний тендерийг зарлалаа

“Тусгай замын автобус (BRT)” төсөл нь тусгай замаар автобус зорчих нийтийн тээврийн дэвшилтэт систем юм. Өөрөөр хэлбэл, тусгай замыг авто замын гуравдугаар эгнээнд төлөвлөсөн нь гэрлэн дохиотой уулзваруудад автомашины эргэх хөдөлгөөнд саад учруулахгүй, замын хөдөлгөөний урсгалыг хэвийн хадгалах давуу талтай.

Энэхүү BRT системийг Ард Аюушийн өргөн чөлөө–Их тойруу–Намьянжүгийн гудамж–Нийслэл хүрээ өргөн чөлөө чиглэлд нийт 12.9 км урттай, 19 буудал бүхий коридор дагуу төлөвлөж байна. Төслийг 2025-2030 онд хэрэгжүүлэхээр ТЭЗҮ-д тусган, Зам, тээврийн яамны Авто тээврийн дэд зөвлөлийн хурлаар 2025 оны есдүгээр сард хэлэлцэн дэмжсэн. Мөн төслийн нарийвчилсан ажлын зураг төсөл болон нарийвчилсан үйл ажиллагааны төлөвлөлтийн зөвлөх үйлчилгээний олон улсын тендерийг нийслэлийн Худалдан авах ажиллагааны газраас Азийн хөгжлийн банкны журмын дагуу зарласан юм.

 

Эхний шатны тендерийг 2026 оны зургаадугаар сарын 10-ны өдөр хааж, нийслэлийн Худалдан авах ажиллагааны газрын даргын тушаалаар байгуулагдсан Үнэлгээний хороод хуралдан богино жагсаалт гаргаж, тендерийн хоёрдугаар шатыг эхлүүлэхээр бэлтгэл ханган ажиллаж байна. Төслийн урьдчилсан бэлтгэл ажлын хүрээнд газар чөлөөлөлт, нүүлгэн шилжүүлэлтийн асуудлаар нарийвчилсан төлөвлөлтийг боловсруулж байгаа бөгөөд холбогдох баримт бичгийг Азийн хөгжлийн банкны шаардлагын дагуу батлуулж, хянуулсны дараа хэрэгжүүлж эхэлнэ. 

BRT системийн нэг онцлог нь автобусны шал болон буудлын тавцан ижил түвшинд байх шийдэл юм. Ингэснээр хөгжлийн бэрхшээлтэй иргэд, өндөр настан, хүүхдийн тэрэг болон тэргэнцэртэй иргэд автобусанд саадгүй, аюулгүй зорчих боломж бүрдэнэ.

 

Төслийг хэрэгжүүлснээр нийтийн тээврийн үйлчилгээний хурд, хүртээмж эрс сайжирч, тухайн чиглэлийн автобусны хөдөлгөөний хурд өнөөгийн түвшнээс 4-5 дахин нэмэгдэн, дундаж хурд нь 20-25 км/цагт хүрэх тооцоо гарсан байна. Энэ нь зорчих хугацааг богиносгож, иргэдийн ая тухтай, найдвартай зорчих нөхцөлийг бүрдүүлэх чухал ач холбогдолтой юм.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.