2111-р сар, 2026Бямба гараг

Ц.Гантулгыг даргаараа сонгосон нь ШИНЭ намынхны хамгийн том алдаа

6 сар 22. 10:584 мин унших

Ц.Гантулгыг даргаараа сонгосон нь ШИНЭ намынхны хамгийн том алдаа

​​​​​​​

ШИНЭ нам нь УИХ-ын даргаар ажиллаж байсан М.Энхболдыг огцруулахын төлөөх “Шударга таван гишүүний” хэмээн нэрлэгдэж байсан улс төрийн тэмцлийн МАН-ын гишүүн бус хэсгээс үүсэлтэй. Тухайн үед УИХ-ын гишүүн байсан Лу.Болд, Ж.Батзандан нарын манлайллаар 2019 оны есдүгээр сарын 12-нд байгуулагдсан тус нам улс төрийн хуучин тогтолцоог өөрчлөх, шударга ёсыг тогтоох, шинэ үеийн улс төрийн хүч болох зорилго дэвшүүлж байлаа.

 

ШИНЭ нам анхны том сорилт болох 2020 оны УИХ-ын сонгуульд БНН, МҮАН, Үнэн ба Зөв намтай хамтран ШИНЭ эвсэл байгуулан оролцсон. Тухайн сонгуулиар тус эвсэл сонгогчдын 5.28 хувь буюу 210,668 иргэний саналыг авч, Монголын улс төрийн тавцанд өөрийн гэсэн байр суурьтай болж чадсан юм. Энэ нь цаашид зөв стратеги, зөв менежментээр явсан тохиолдолд тус намд улс төрийн том боломж байсныг харуулж байлаа.

 

Гэвч 2021 оны арванхоёрдугаар сарын 20-нд болсон ШИНЭ намын ээлжит II Их хурлаар Ж.Батзанданг намын даргын албан тушаалаас чөлөөлж, Цэндсүрэнгийн Гантулгыг намын даргаар сонгосон нь тус намын түүхэн дэх хамгийн том эргэлтийн цэг болсон юм. Үүнээс хойш ШИНЭ намын улс төрийн нөлөө тогтмол буурч, олон нийтэд хүрэх бодлого, стратеги нь тодорхой бус болж эхэлсэн. Хамгийн гол нь улс төрийн нөхцөл байдлыг зөв үнэлэх, цаг үеэ мэдрэх чадвар дээр дараалсан алдаа гаргасан нь тус намын уналтын гол шалтгаан болсон гэж үзэх хүмүүс олон байна. Ялангуяа 2024 оны УИХ-ын сонгуулийн өмнөх улс төрийн нөхцөл байдлыг авч үзэхэд ардчиллын чиг баримжаатай намууд хүчээ нэгтгэх шаардлагатай байсан нь тодорхой байлаа. Монголын улс төрийн бодит орчинд жижиг намууд тус тусдаа өрсөлдөхөөс илүүтэйгээр өргөн хүрээний нэгдэл, эвсэл байгуулж байж, МАН-ыг ялж амжилтад хүрэх боломжтой болсон үе байсан.

 

Энэ нөхцөл байдлыг ойлгож, ШИНЭ намын анхдагчдын нэг хэсэг болох Ж.Батзандан, Б.Мөнхжаргал нар тус намыг Ардчилсан намтай нэгтгэх чиглэлд эцсээ хүртэл ажилласан. Улмаар тэд УИХ-ын 2024 сонгуулийн өмнө АН-д элссэн нь улс төрийн бодит тооцоолол хийсэн алхам байв.

 

Харин Ц.Гантулга тэргүүтэй хэсэг нь энэ байр суурийг эсэргүүцэж, “МАНАН-д орсон хүмүүстэй агаар хуваалцаж чадахгүй” гэх мэт тайлбар хийж байсан. Гэвч улс төр бол зөвхөн өнгөрсөн үеийн гомдол, үзэл суртлаар биш, ирээдүйн боломж, бодит нөхцөл байдлын тооцоогоор шийдвэр гаргах талбар байдаг. Энэ утгаараа тухайн үеийн шийдвэр нь улс төрийн стратегийн том алдаа болсон гэж шүүмжлэгддэг. Үүний дараа Ц.Гантулга тэргүүтэй удирдлагын гаргасан дараагийн том алдаа нь 2024 оны УИХ-ын сонгуульд олонд танигдсан ШИНЭ нам нэрээрээ оролцохын оронд МУНН-тай хамтран “ШИНЭ нэгдсэн эвсэл” байгуулж оролцсон явдал байлаа. ШИНЭ Нам гэдэг нэр тухайн үед аль хэдийн сонгогчдын дунд тодорхой танигдсан байсан. Харин шинэ бүтэц, шинэ эвслийн нэр дор сонгуульд орсноор өмнө нь бий болгосон улс төрийн танил байдлаа сулруулсан төдийгүй хамгийн гол нь УИХ-д суудалтай болох босгыг өндөр болгочихсон юм. Энэ шийдвэр нь тус намын УИХ-д суудал авах боломжийг бараг бүрэн үгүй хийсэн алхам болсон гэхэд болно.

 

Мөн ШИНЭ нэгдсэн эвслийн сонгуулийн кампанит ажил, сурталчилгаа, зохион байгуулалт үнэхээр хангалтгүй байв. Өмнө нь тодорхой хэмжээний дэмжлэгтэй байсан улс төрийн хүчин сонгуулийн үеэр өөрийгөө хангалттай таниулж чадаагүй нь сонгогчдын анхаарлаас улам холдуулахад хүргэсэн юм.

 

Харин 2024 оны сонгуулийн дараа Ц.Гантулга болон түүний талынхан Ж.Батзандан нарын байр суурь зөв байсныг үйлдлээрээ хүлээн зөвшөөрч, АН-д нэгдэх шийдвэр гаргасан. Гэвч улс төрд цаг хугацаа хамгийн чухал хүчин зүйл байдаг. Зөв шийдвэрийг хэтэрхий орой гаргавал өмнө нь алдсан боломж эргэн ирдэггүй гэдгийг энэ үйл явдал харууллаа. Өнөөдөр ШИНЭ нам хуульд заасан хугацаанд хурлаа хийж, үйл ажиллагаагаа хэвийн үргэлжлүүлж чадаагүйн улмаас идэвхгүй намын ангилалд орох нөхцөл үүсээд байна. Энэ нь нэгэн цагт улс төрийн шинэ давалгаа үүсгэж байсан намын хувьд маш том ухралт юм. Нөгөө талаас Ц.Гантулгыг Л.Оюун-Эрдэнэ, Х.Нямбаатар зэрэг эрх баригч хүчний улс төрчдийн нөлөөлөлд байдаг гэх шүүмжлэлийг УИХ-ын гишүүн асан Л.Гүндалай болон зарим улс төрчид өмнө нь илэрхийлж байсан. Гэхдээ аливаа улс төрчийн талаарх дүгнэлт эцсийн дүндээ гаргасан шийдвэр, хийсэн үйлдлээр нь хэмжигддэг.

 

Үнэхээр ч ШИНЭ намын имиж УИХ-ын 2024 оны сонгуулийн үеэр МАН-ын ялалтын төлөө зүтгэсэн тоглоомын намын шинжтэй байсан нь нууц биш.

 

Товчхондоо, ШИНЭ намын түүх бол улс төрийн боломж зөвхөн сайн санаа, зөв уриагаар бий болдоггүй, харин зөв цаг үед зөв шийдвэр гаргах чадвар хамгийн чухал гэдгийг харуулсан сургамж юм.

Олон мянган хүний итгэл, хөдөлмөр, цаг хугацаагаар босгосон улс төрийн төслийг хэдхэн хүний буруу тооцоолол, буруу алхам богино хугацаанд сулруулж болдогийг ШИНЭ намын замнал харууллаа. Тиймээс Ц.Гантулгыг намын даргаар сонгосон шийдвэр нь ШИНЭ намын түүхэн дэх хамгийн том алдаа байсан гэх дүгнэлт Монголын улс төрийн түүхэнд нэгэн том сургамж болон үлдэж байна.

 

Э.Солонго

sonin.mn

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

395

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

599

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

783400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

569


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.