2111-р сар, 2026Бямба гараг

БИЧЛЭГ: Наадмын өдрүүдэд ихэнх нутгаар бороо орж, үерийн эрсдэл нэмэгдэнэ

7 сар 9. 15:412 мин унших

дуу цахилгаантай аадар бороо орж, сэрүүсэх төлөвтэй байгаа

Үндэсний их баяр наадмын өдрүүд буюу долдугаар сарын 9-18-ны хооронд нутгийн ихэнх хэсгээр бороо, дуу цахилгаантай аадар бороо орж, сэрүүсэх төлөвтэй байгааг Цаг уур, орчны шинжилгээний газраас мэдээллээ.

Тодруулбал, долдугаар сарын 10-нд нутгийн төв хэсгээр, 11-нд Хангай, Хэнтийн уулархаг нутгаар аадар бороо орно. Ялангуяа Хөвсгөл, Архангай, Булган аймагт 10-нд, харин 11-нд Булган, Сэлэнгэ, Төв, Хэнтийн нутгаар их хэмжээний бороо орох тул үер, мөндөр, аянга цахилгаан, хүчтэй салхины аюулаас сэрэмжтэй байхыг анхааруулжээ.

Мөн долдугаар сарын 9-ний байдлаар Монгол орны гол мөрний 60 орчим хувь нь олон жилийн дунджаас бага, 30 орчим хувь нь дунджаас ахиу урсацтай байна. Харин Алтайн нуруунаас эхтэй Ховд гол Мянгад сум орчимд, Хэнтийн нуруунаас эхтэй Сэлбэ гол Санзай, Дамбадаржаа орчмоор үерийн түвшинг 5-10 сантиметрээр давсан байна.

Цаашид Хөвсгөл, Хангай, Хэнтийн уулсаас эхтэй голуудын усны түвшин нэмэгдэж, үерлэх эрсдэлтэй байгаа тул голын сав дагуу аялж, амарч буй иргэдийг голын эргээс зайтай буудаллах, бага насны хүүхдэд тавих хараа хяналтаа сайжруулах, зориулалтын бус хөвөгч хэрэгсэл ашиглахгүй байхыг онцгойлон зөвлөжээ.

Улаанбаатар хотод долдугаар сарын 10-ны үдээс хойш, 10-наас 11-нд шилжих шөнө, 11-ний өглөө, мөн 12, 13-нд бороо орж, зарим үед дуу цахилгаантай аадар бороо орох төлөвтэй байна. Энэ хугацаанд агаарын температур шөнөдөө +6…+11, өдөртөө +18…+23 градус хүртэл сэрүүсэх бөгөөд 14-нөөс дулаарч шөнөдөө +10…+15, өдөртөө +20…+25 градус дулаан байх төлөвтэй байна.

Цаг уурчдын мэдээлснээр ихэнх хугацаанд салхи секундэд 5-10 метр байх боловч борооны өмнө түр зуур ширүүсэх тул наадамчин олон, орон нутагт зорчих иргэд цаг агаарын мэдээг тогтмол авч, аюулгүй байдлаа хангахыг зөвлөж байна.

 

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.