2111-р сар, 2026Бямба гараг

КОП17 бага хуралд оролцохоор 4500 гаруй гадаадын төлөөлөгч бүртгүүлээд байна

7 сар 27. 16:372 мин унших

Цөлжилттэй тэмцэх тухай НҮБ-ын Талуудын 17 дугаар бага хурлын (COP17) бэлтгэл ажлыг эрчимжүүлэх зорилготой "COPTIME 22" хурлыг төслийн талбайд зохион байгууллаа.

Хурлыг Байгаль орчин, уур амьсгалын өөрчлөлтийн сайд, КОП17-ыг зохион байгуулах Үндэсний хорооны дарга Ц.Сандаг-Очир даргалав.

Хурлын эхэнд сайд Ц.Сандаг-Очир КОП17 бага хурал эхлэхэд ердөө 20 хоног үлдсэнийг онцолж, бүх дэд хороо болон холбогдох байгууллагуудад хариуцсан ажлаа эрчимжүүлж, үлдсэн хугацаанд бэлтгэлээ бүрэн хангаж ажиллахыг үүрэг болголоо.

Тэрбээр өнөөдрийн байдлаар гадаадын 4500 гаруй төлөөлөгч КОП17-д оролцохоор бүртгүүлээд байгаа бөгөөд энэ тоо цаашид ч өсөх төлөвтэй байгааг мэдээлэв.

Хурлын үеэр Үндэсний хорооны Ажлын алба болон 12 дэд хороо бэлтгэл ажлын явц, хэрэгжилт, тулгамдсан асуудал, цаашид авч хэрэгжүүлэх арга хэмжээний талаар танилцууллаа.

Мөн бодлого, төлөвлөлт, хөрөнгө оруулалт, дээд болон өндөр түвшний арга хэмжээ, олон улсын хамтын ажиллагаа, Ногоон бүсийн зохион байгуулалт, харилцаа холбоо, хэвлэл мэдээлэл, соёл, аялал жуулчлал, зочид буудал, зам тээвэр, логистик, барилга байгууламж, үйлчилгээ, хоол хүнс, эрүүл ахуй, аюулгүй байдал, виз зэрэг бүх чиглэлээр хэрэгжиж буй ажлын явцыг хэлэлцэж, үлдсэн хугацаанд салбар хоорондын уялдаа холбоог сайжруулах, тулгамдсан асуудлыг шуурхай шийдвэрлэн, бэлтгэл ажлыг эрчимжүүлэхэд анхаарч ажиллахаар санал нэгдэв.

Хурлын төгсгөлд оролцогчдын санал, асуултыг хэлэлцэж, Байгаль орчин, уур амьсгалын өөрчлөлтийн сайд, Үндэсний хорооны дарга Ц.Сандаг-Очир, Үндэсний хорооны дэд дарга, дэд сайд Б.Мөнхтамир нар холбогдох байгууллагуудад хэрэгжилтийг эрчимжүүлэх үүрэг, чиглэл өглөө.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

544

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 362

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.