2111-р сар, 2026Бямба гараг

Ц.Сандаг-Очир: COP17 ба COP31 хурлын уялдаа нь Риогийн гурван конвенцын нэгдсэн хэрэгжилтийг ахиулах чухал алхам болно

8 сар 7. 11:332 мин унших

Ц.Сандаг-Очир: COP17 ба COP31 хурлын уялдаа нь Риогийн гурван конвенцын нэгдсэн хэрэгжилтийг ахиулах чухал алхам болно

Байгаль орчин, уур амьсгалын өөрчлөлтийн сайд, НҮБ-ын Цөлжилттэй тэмцэх тухай конвенцын Талуудын 17 дугаар бага хурал (UNCCD COP17)-ыг зохион байгуулах Үндэсний хорооны дарга Ц.Сандаг-Очир өнөөдөр /2026.08.07/ Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд Башак Гэнч Юксэлийг хүлээн авч уулзлаа.

 

Уулзалтын үеэр энэ сарын 17-28-ны өдрүүдэд Улаанбаатар хотноо болох UNCCD COP17, ирэх арваннэгдүгээр сард Турк Улсад зохион байгуулагдах UNFCCC COP31 хурлуудын залгамж холбоо, Риогийн гурван конвенцын уялдаа холбоог бэхжүүлэх, цаашдын хамтын ажиллагааг өргөжүүлэх асуудлаар санал солилцов.

 

Сайд Ц.Сандаг-Очир хэлэхдээ, Монгол, Турк хоёр улс дэлхийн байгаль орчин, тогтвортой хөгжлийн асуудлыг хэлэлцэх олон улсын томоохон хурлуудыг дараалан зохион байгуулж байгаа нь дэлхийн байгаль орчны засаглалыг илүү уялдаа холбоотой хөгжүүлэх чухал боломж болж байгааг онцоллоо. Тэрбээр өнгөрсөн дөрөвдүгээр сард Франц Улсын Парис хотноо болсон Их долоогийн Байгаль орчны сайд нарын уулзалтын үеэр Турк Улсын Байгаль орчин, хот байгуулалт, уур амьсгалын өөрчлөлтийн сайдтай COP17 болон COP31 хурлыг бодлогын түвшинд уялдуулах, Риогийн гурван конвенцын хэрэгжилтийг харилцан дэмжих чиглэлээр хамтран ажиллахаар тохиролцсоныг дурдав.

 

сонин mn

Энэхүү тохиролцоог Засгийн газрын түвшинд үргэлжлүүлэн баталгаажуулж, бодит үр дүнтэй хамтын ажиллагаа болгохоор ажиллаж байгаагаа илэрхийллээ. Мөн Монгол, Армени, Турк Улс нь 2026 онд Риогийн гурван конвенцын Талуудын бага хурлыг даргалж буй орнуудын хувьд конвенцуудын нэгдмэл хэрэгжилтийг ахиулах зорилгоор Сайд нарын түвшний тусгай арга хэмжээг хамтран зохион байгуулахаар ажиллаж байгааг онцлов. Монгол Улс COP17 хурлын хүрээнд газрын доройтлыг бууруулах, газрын нөхөн сэргээлтийг эрчимжүүлэх, бэлчээрийн тогтвортой менежмент, ус ба газрын нэгдсэн менежмент, ган гачгийг даван туулах чадавхыг нэмэгдүүлэх чиглэлээр олон улсын шинэ санаачилгуудыг дэвшүүлж буй мөн танилцууллаа.

 

сонин mn

Уулзалтын үеэр Элчин сайд Башак Гэнч Юксэл ирэх арваннэгдүгээр сард Турк Улсад болох COP31 бага хуралд сайд Ц.Сандаг-Очирыг биечлэн оролцохыг урьж, албан ёсны урилгаа гардууллаа. Тэрбээр дэлхийн хэмжээнд цөлжилт, газрын доройтол, уур амьсгалын өөрчлөлтийн сорилтыг даван туулахад улс орнуудын хамтын ажиллагаа урьд өмнөхөөсөө илүү чухал болсныг онцолж, стратегийн түнш Монгол Улсаас COP17 хурлын хүрээнд дэвшүүлж буй санаачилгуудыг бодит ажил хэрэг болгоход бүх талаар дэмжин ажиллахаа илэрхийлэв. Талууд байгаль орчныг нөхөн сэргээх, хамгаалахад чиглэлээр хамтарсан төсөл, хөрөнгө оруулалтыг өргөжүүлэхийн зэрэгцээ COP17 хурлаас COP31 хурал хүртэлх хамтын ажиллагааг тасралтгүй үргэлжлүүлэхээр санал нэгдлээ.

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.