2111-р сар, 2026Бямба гараг

Статистикийн дундаж үнэ лангуун дээрх үнэтэй хэр нийцэж байна вэ?

8 сар 12. 10:134 мин унших

Өргөн хэрэглээний хүнсний бүтээгдэхүүний үнийн өсөлтөд эрэлт, нийлүүлэлт, үйлдвэрлэл, тээвэр,


Монголын Үндэсний Статистикийн Хороо долоо хоног бүр өргөн хэрэглээний бараа, бүтээгдэхүүний үнийг тодорхой худалдааны цэгүүдээс цуглуулж, дундаж үнийг мэдээлдэг. Зах зээл дээрх үнэ нь бүтээгдэхүүний төрөл, худалдааны цэг, нийлүүлэлт зэрэг олон хүчин зүйлээс шалтгаалан харилцан адилгүй байдаг. Иймээс статистикийн дундаж үнэ тухайн худалдааны цэгүүдийн лангуун дээрх үнэтэй хэр нийцэж байгааг тодруулъя.

ҮСХ-ны статистикчид даваа гараг бүр иргэдийн өргөнөөр үйлчлүүлдэг худалдааны төвүүдээс мэдээллээ авдаг. Үүнд Барс, Саруул, Бөмбөгөр зэрэг зах, худалдааны төвүүд болон Номин, Оргил, И-Март зэрэг сүлжээ дэлгүүрийн 13 төлөөлөл багтдаг. Эдгээр газраас ижил савлагаа, хэмжээтэй хүнсний бүтээгдэхүүний үнийг авч, дундаж үнийг гаргадаг. ҮСХ-ны 1212.mn сайтад наймдугаар сарын 3-ны мэдээлсэнээр нэг килограмм цагаан будаа 5000 төгрөг, нэг ширхэг өндөг 616 төгрөгийн дундаж үнэтэй байв. Нэг килограммын савлагаатай “Алтан тариа” дээд гурил 3512 төгрөг, I зэргийн гурил 2521 төгрөг. Үхрийн гуяны цул махны дундаж үнэ нэг килограмм нь 37767 төгрөгийн үнэтэй байна.

Наймдугаар сарын 7-нд Барс, Саруул, Бөмбөгөр, Хархорин, Их наяд зах болон Оргил, Emart, Carrefour, Номин гэсэн есөн байршилд худалдаалагдаж буй ижил брэндийн барааны үнийг судалж, харьцууллаа. Судалгаанд өндөг, үхрийн гуяны цул мах, цагаан будаа, “Улаанбаатар” болон “Алтан тариа” брэндийн гурилын үнийг хамрууллаа. Тухайлбал, үхрийн гуяны цул махны үнэ Барс захад нэг килограмм нь 36000 төгрөг байсан бол Саруул захад 42000 төгрөг хүрч, худалдааны хоёр цэгийн хооронд 6,000 төгрөгийн зөрүүтэй байв. Харин Монголд үйлдвэрлэсэн өндөгний үнэ 530-660 төгрөгийн хооронд хэлбэлзэж байсан бөгөөд дундаж үнэ нь 617 төгрөг байлаа. Гурилын бүтээгдэхүүний хувьд “Улаанбаатар” дээд гурилын дундаж үнэ 3951 төгрөг, “Алтан тариа” дээд гурилынх 3621 төгрөг байв. Мөн “Алтан тариа” 1 дүгээр гурилын дундаж үнэ 2,534 төгрөг байгаа нь “Улаанбаатар” 1 дүгээр гурилын дундаж үнээс бага зэрэг хямд байлаа.

Эдгээр хүнсний бүтээгдэхүүний үнийн зөрүүтэй байдлын талаар иргэдийн байр суурийг тодрууллаа.

Барс худалдааны төвөөр үйлчлүүлэгч Б.Баясгалан: -Сүүлийн үед хүнсний бүтээгдэхүүний үнэ илт нэмэгдэж байгааг анзаарсан. Өмнө жилүүдэд цаг хугацаагаа хэмнээд өөрт хамгийн ойр байгаа дэлгүүр, худалдааны төвүүдээс хүнсээ цуглуулдаг байсан. Харин одоо мах, ногоо хаана хамгийн хямд үнэтэй байна, тэндээс зорьж худалдан авалт хийдэг болсон. Тэр тусмаа мах, махан бүтээгдэхүүн авахдаа аль болох хямд газраас авахыг хичээдэг. Өнгөрсөн жилүүдэд Үндэсний их баяр наадмын дараагаас махны үнэ буурдаг байсан ч энэ жилийн хувьд хангалттай хэмжээнд буурсангүй. Уг нь манай улсад мал, махнаас их юм байхгүй шүү дээ. Гэтэл одоогийн хамгийн үнэтэй хүнсний бүтээгдэхүүн нь мах болчихсонд би хувьдаа нэлээд гайхаж байгаа. Сошиал, мэдээгээр олон үнийн мэдээлэл гардаг ч очоод худалдаж авъя гэхээр зарим үед илүү үнэтэй байх тохиолдол байдаг.

Бөмбөгөр худалдааны төвд худалдаа эрхлэгч Г.Сүхболд: -Өмнө нь дотооддоо үйлдвэрлэдэг гурил, сүү, мах зэрэг хүнсний бүтээгдэхүүний үнэ нэмэгдэх тохиолдол олон байсан. Гэхдээ сүүлийн хэдэн жилийн хувьд иргэдийн нуруун дээр хэтэрхий их ачаа болох хэмжээнд үнэ нь өссөн. Би олон жилийн турш худалдаа наймаа эрхэлж байна. Энэ хугацаанд бараандаа аль болох нэмэлт өртөг шингээхгүй, боломжийн үнээр бараагаа заръя гэж боддог байсан ч нийлүүлэлтийн шат дамжлага бүрд барааны үнэ, өртөг нэмэгдсэн. Түүнчлэн инфляц өсөхтэй зэрэгцээд түрээс, тээврийн үнэ өссөн болохоор үнэ нэмэхээс өөр аргагүй болсон. Надтай адилхан олон худалдаа эрхлэгч, нийлүүлэгч иймэрхүү нөхцөл байдалд байгаа. Одоо шатахуун, түлшний хомсдол, зам засвар гэх мэт шалтгаанаас болж барааны үнэ ахиад л өсөх байх. Адилхан амьдрах гэж хичээж байгаагийн хувьд үнэ ахиад нэмэхээс өөр аргагүй болох байх даа. .

 шатахууны үнэ зэрэг олон хүчин зүйл нөлөөлдөг. Монголбанкны Мөнгөний бодлого, судалгааны газрын захирал Н.Ургамалсувд 2026 оны тавдугаар сарын 14-нд өгсөн ярилцлагадаа дөрөвдүгээр сард жилийн инфляц 10.1 хувьд хүрч, өмнөх сараас 2.7 нэгж хувиар өссөн нь голчлон нийлүүлэлтийн шалтгаантай байсныг тайлбарласан.

Тухайлбал, мах, махан бүтээгдэхүүний үнэ жилийн өмнөхөөс 38 орчим хувиар өсөж, инфляцыг дангаараа 1.3 нэгж хувиар нэмэгдүүлсэн байна. Мөн Ойрх Дорнодын нөхцөл байдалтай холбоотойгоор шатахууны дундаж үнэ дөрөвдүгээр сард өмнөх сараас 11 хувиар өсөж, жилийн өмнөхөөс 17 орчим хувийн өсөлттэй гарсан нь инфляцыг жилийн дүнгээр нэг нэгж хувиар нэмэгдүүлэх нөлөө үзүүлжээ. Ийнхүү тухайн сарын инфляцын 2.7 нэгж хувийн өсөлтийн хоёр нэгж орчим нь мах, шатахууны үнийн өсөлтөөс шалтгаалсан байна.

Тиймээс статистикийн дундаж үнэ болон лангуун дээрх үнэ хоорондоо зөрж байгаа нь аль нэг нь буруу гэсэн үг биш. ҮСХ тодорхой худалдааны цэгүүдээс цуглуулсан үнийг нэгтгэн дундаж үзүүлэлт гаргадаг бол хэрэглэгч тухайн өдөр, тухайн худалдааны цэгт байгаа бүтээгдэхүүний үнийг төлдөг. Харин энэ хоёр үнийн хоорондын зөрүүг нийлүүлэлт, тээвэр, түрээс, шатахуун зэрэг зардал, бүтээгдэхүүний төрөл, чанар болон худалдааны цэгийн ялгаа тайлбарлаж байна.

 

 

Н.ТҮШИГ

Эх сурвалж: “Зууны мэдээ” сонин

2026 ОНЫ НАЙМДУГААР САРЫН 12. ЛХАГВА ГАРАГ. № 149 (7891)

Энэ мэдээ танд ямар мэдрэмж төрүүлж байна?

Санал болгох

Хэрэглээний бараа, үйлчилгээний үнэ улсын хэмжээнд 13.4 хувиар нэмэгджээ

Монгол Улсын нийгэм, эдийн засгийн 2026 оны эхний 10 сарын голлох үзүүлэлтүүдийг ҮСХ-ны Дотоод аудит, хяналт, шинжилгээ-үнэлгээний газрын дарга Н.Мөнхбаяр өнөөдөр /2026.11.17/ танилцууллаа. Хэрэглээний бараа, үйлчилгээний үнэ улсын хэмжээнд 13.4 хувиар өсөж, инфляцын түвшин өмнөх оны мөн үеэс нэмэгдсэн үзүүлэлттэй гарчээ. Инфляцад хүнсний бараа, ундаа, усны бүлгийн үнийн өсөлт хамгийн их нөлөөлсөн бөгөөд тус бүлгийн үнэ 19.8 хувиар өссөн байна. Мөн зочид буудал, нийтийн хоол, дотуур байрны үйлчилгээний үнэ 19.8 хувь, тээврийн бүлгийн үнэ 19.3 хувь, согтууруулах ундаа, тамхины үнэ 16.5 хувиар нэмэгджээ. Түүнчлэн боловсролын үйлчилгээний үнэ 17.7 хувь, даатгал, санхүүгийн үйлчилгээ 17.1 хувь, хувцас, бөс бараа, гутлын үнэ 8.5 хувь, гэр ахуйн тавилга, барааны үнэ 7.7 хувь, эм, тариа, эмнэлгийн үйлчилгээний үнэ 6.9 хувиар өссөн байна. Харин орон сууц, ус, цахилгаан, түлшний бүлгийн үнэ 5.9 хувь, амралт, чөлөөт цаг, соёлын бараа, үйлчилгээний үнэ 8.4 хувь, холбооны хэрэгсэл, шуудангийн үйлчилгээний үнэ 1.2 хувиар тус тус нэмэгдсэн үзүүлэлттэй гарчээ. Инфляцын түвшнийг бараа, үйлчилгээний бүлгээр авч үзвэл барааны бүлгийн үнэ 14.3 хувь, үйлчилгээний бүлгийн үнэ 11.1 хувиар өссөн байна. Монгол Улсын гадаад худалдааны нийт бараа эргэлт 2026 оны эхний 10 сарын байдлаар өмнөх оны мөн үеэс өссөн үзүүлэлттэй гарчээ

769

ҮНЭ ХАНШ: Үхрийн махны үнэ нэмэгджээ

Үндэсний статистикийн хорооноос /ҮСХ/ долоо хоног тутамд гол нэрийн бараа бүтээгдэхүүний зах зээлийн үнийг судалж гаргадаг. Энэхүү судалгаагаар бараа бүтээгдэхүүний үнэ өмнөх сараас хоёр хувиар өсөж, өмнөх долоо хоногоос 0.4 хувиар тус тус өссөн үзүүлэлттэй гарчээ

1 304

Оюу толгойн ногдол ашгийг ард түмэн бид ам.доллараар авъя!

“Алаагүй баавгайн арьсыг арав хувааж булаацалдана” гэж ярьдаг шиг аваагүй байгаа Оюу толгойн ногдол ашгийг бэлнээр авъя, хуримтлалдаа хийе, томоохон төсөл, хөтөлбөрөө санхүүжүүлье гэсэн санал дээр нийгэм талцаж байна. Нийгэм ч юу байхав дээ, ард түмний хувьд дийлэнх нь санал нэгтэйгээр уг ногдол ашгийг хувь, хувийнхаа дансанд авъя л гэж байгаа юм

1 252

Хэрэглээний зээлээ 48 сар хүртэл сунгах боломжтой боллоо

Санхүүгийн хүндрэлд орсон иргэд хэрэглээний зээлийнхээ хугацааг нийт 48 сар хүртэл сунгах боломжтой боллоо. Монголбанкны Мөнгөний бодлогын хороо арваннэгдүгээр сарын 3-ны хуралдаанаараа эл шийдвэрийг гаргасан. Сунгалт нь банк нэмэлт зээл олгохгүйгээр зээлд бүтцийн өөрчлөлт хийх тохиолдолд хамаарна. Ийм үед өр, орлогын харьцааны хязгаарлалтыг мөрдөхгүй гэв. Өөрөөр хэлбэл, орлого нь буурсан зээлдэгч сарын төлбөрөө бууруулж, хугацаагаа уртасгах боломж нээгдэх юм байна. Мөн хуралдаанаар бодлогын хүүг 12.5%-д хэвээр үлдээсэн

1 370400256365b9db8d707224

ҮНЭ ХАНШ: Гурил, сүү, өндөг, төмс, лууван, ногоон цай, шатахуун, дизелийн үнэ нэмэгджээ

Улаанбаатар хотод 2026 оны аравдугаар сарын 26-ны байдлаар гол нэрийн зарим барааны үнэ өмнөх сараас 4.2 хувиар, өмнөх 7 хоногоос 2.0 хувиар тус тус өссөн хэмээн ҮСХ-ноос мэдээллээ. Үнийн өсөлтөд гурил, сүү, өндөг, ногоон цай, төмс, лууван, шатахуун, дизель үнэ нэмэгдсэн нь голлон нөлөөлжээ. Захуудад үхрийн мах ястай нь нэг килограмм нь 27,000-37,800 төгрөгийн үнэтэй байгаа бол ясгүй цул нь 29,000-42,800 үнэтэй байна

1 621


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.