2211-р сар, 2026Ням гараг

Х.Болормаа: Иргэдээ сонсож байж дараагийн хийх ажил, санаачлах хуулийн төслүүд тодорхой болно

8 сар 13. 14:062 мин унших

УИХ-ын гишүүд иргэдтэй биечлэн уулзаж, санал, хүсэлтийг нь хүлээн авах сувгийг нэмэгдүүлэх зорилгоор “Нээлттэй парламент” танхимыг зургаадугаар сарын 30-ны өдөр нээсэн. Тэгвэл тус танхимд УИХ-ын гишүүн Х.Болормаа өчигдөр ажиллаж, иргэд олон нийттэй уулзсан юм. Энэ үеэр түүнээс дараах тодруулгыг авлаа.


-Таны хувьд өнөөдөр/өчигдөр/ “Нээлттэй парламент” танхимд ажиллаж байна. Сэтгэгдлээсээ хуваалцахгүй юу?

-Би бүр олзуурхаж, энэ өдрийг сонгон “Нээлттэй парламент” танхимд ажиллах хүсэлтээ өгөөд өнөөдөр/өчигдөр/ энд ажиллаж байна. Энэ танхимыг нээн ажиллуулж, УИХ-ын гишүүдийг иргэд, олон нийттэй биечлэн уулзах боломжоор хангаж байгаа УИХ-ын дарга С.Бямбацогт, Тамгын газрынхандаа талархаж буйгаа илэрхийлье. Учир нь миний бие анхан шатнаас нь эхлээд Сүхбаатар дүүрэгтээ хориод жил ажилласан хүн. Тийм болохоор иргэдтэйгээ хамгийн ойр байсан.

-Тэгэхээр дүүргийн тань иргэдээс танд нэлээд ханддаг уу?

-Тэгж хэлж болно. Тийм ч болохоор баяр наадмын үеэр энэ танхимыг нээснийг хараад ер нь энд нэг уулзалт хийх нь зөв юм байна гэж бодсон. Яагаад гэхээр над руу олон нийт маань дандаа хувь чат, мессежээр уулзах хүсэлт тавьдаг юм. Яг ингээд уулзалтаа хийгээд суусан чинь хүмүүс нэлээд идэвхтэй оролцож байгаад баяртай байна.

-Ямар насны хүмүүс ирж байна. Тэдний тавьж байгаа асуулт, хүсэлт ер нь юу байна вэ?

-Өглөөнөөс хойш ирсэн хүмүүсийн маань ихэнх нь ахмадууд байлаа. Тийм болохоор нөгөө л тэтгэвэр, тэтгэврийн зээлийн асуудлыг голчлон ярьж байна. Тэтгэврийг нэмэх, 2024 оны сонгуульд өгсөн амлалтаа биелүүлээч. Танай нам хүчтэй сөрөг хүчин байж яагаад энэ ажлыг хөндөхгүй байгаа юм гэдэг зүйлсийг ярьж байна. Биечилж уулзаж байгаа учраас тэр хүмүүстээ аль болох зөв талаас нь тайлбарлах, боломжит хувилбаруудын тооцоо, судалгааг хийж байгаа гэдгээ хэллээ. Мөн Сүхбаатар дүүргийн иргэд бас нэлээд ирлээ. Тэрийгээ дагаад дүүргийн Газрын албатай холбоотой асуудлууд, СӨХ-дын талаар ч хүсэлт тавьлаа. Ер нь иргэдээ сонсож байж дараа дараагийн хийх ажил, хуулиудын санаачилга, ямар хуульд нэмэлт оруулах гээд олон зүйлээ тодорхойлно. Тиймээс ингэж уулзалт хийх нь маш чухал ажил боллоо гэж хувьдаа харж байна.

 

Т.ДАРХАН

ӨДРИЙН СОНИН

Энэ мэдээ танд ямар мэдрэмж төрүүлж байна?

Санал болгох

Монгол Улсын прокуроруудаа, хэзээнээс эхлээд жагсаал цуглаан хийх нь хууль бус болчихсон юм бэ

Эрдэс баялгийн сайд Г.Дамдинням ажлаа хийж чадахгүй байна. Түүнийг огцруулах ёстой хэмээн шаардсан. Уг жагсаал дээр “Херо” студийн “Монгол хаан” жүжгийн хувцаснаас санаа авсан “Монгол хаан” цувралын малгайтай залуу байж таарсан байна. Тиймээс “Туйлдаж гүйцлээ” гэсэн машинтай иргэдийн жагсаалыг мөнөөх “Херо” хэмээх Б.Баатарыг зохион байгуулсан гэж үзэн баривчилжээ. Дээрээс нь залилах, мөнгө угаах болон үндэсний эв нэгдлийг бусниулах зохиомол ажиллагаа зохион байгуулсан гэх үндэслэлүүдээр яллагдагчаар татаж, 2026 оны аравдугаар сарын 5-ны өдрөөс эхлэн 30 хоногийн хугацаатай цагдан хорих шийдвэрийг шүүхээс гаргасан байна.

1 038

АПУ-гийн хувийг эзэмшдэг УИХ-ын гишүүн П.Батчимэг архичдад “агсам” тавив

Одоогийн УИХ-ын 126, тэр дундаа эмэгтэй гишүүд дундаа цэгцтэй, тулхтай, зөв гишүүдийн нэгээр УИХ-ын гишүүн П.Батчимэг нэрлэгддэг. Тэрээр Орос хэлний багшийн дээд сургуулийг дүүргээд Цагдаагийн академид багшилсан. Удирдлагын академийг төгсөөд БСШУЯ-нд мэргэжилтнээр ажилласан

2 759

Говь-Алтайн Засаг дарга Г.Чинбат ААН-ийн өр төлбөрийг барагдуулаагүйгээс болж ирэх өвөл аймгийн төв бүхэлдээ хөлдөх эрсдэл нүүрлэжээ

“Сүүлийн жилүүдэд Говь-Алтай аймагт “Хууль засаглах биш, хэдхэн хүний үг хууль болсон хаанчлал тогтчихлоо” гэж орон нутгийн иргэд халаглан ярьцгааж байна. Тэнд эрх мэдэл, албан тушаал хэрхэн ноёлж, хувийн хэвшлийг хааж боодог тухай мэдээлэл бидэнд орон нутгаас олонтаа ирж байв

2 129


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.