2111-р сар, 2026Бямба гараг

Даварсан шатахуун импортлогчид Г.Дамдинням сайдаас дахин юу шаардаад шатахуунаа “дарсан” бэ?

8 сар 18. 9:173 мин унших

Олон жил яригдаж байгаа нэг үнэн байдаг. “Монголын төр шатахуун дээр тогтдог” гэдэг. Тэгсэн мөртлөө, нөгөөх шатахууныг нь хэдэн монопол компани дамлаж авчирч зардаг. Тэр утгаар нь хөөвөл, Монголын төр шатахуун импортлогчдын атганд байгааг харуулна. Үүнийгээ шатахуун импортлогчид мэдэхийн дээдээр мэддэг бололтой. Төрд шахалт үзүүлж өндөр дүнтэй татаас авна. Нийлж хуйвалдаж байгаад үнээ нэмнэ. Н.Алтанхуягийн Засгийн газрын үед О.Магнай ШӨХТГ-ын дарга болоод хуйвалдаж үнэ нэмсэн шатахуун импортлогчдыг торгож барин цочроо өгч байв. Торгуулж ч үзэлгүй дураараа ашиг хийдэг бизнес байв шүү дээ. Түүнээс өмнө Монголын төрд эрхэлдэг байсан. Ялангуяа С.Баярын үед бол “бандайтал” даварсан гэдэг. Н.Алтанхуягийн үед О.Магнайгаас тэгж нэг цочоод, түүнээс хойш Ч.Сайханбилэг, Ж.Эрдэнэбат, У.Хүрэлсүх, Л.Оюун-Эрдэнэ, Г.Занданшатар, одоо Н.Учрал нарт шантааж шахалт үзүүлсээр ирсэн гэдэг. Үнэнийг хэлэхэд, шатахуун тасарвал ард түмэн бухимдана. Ард түмэн бухимдах нь эрх барьж байгаа улстөрч, улс төрийн хүчинд халтай. Тиймээс, шатахуун импортлогчдын шаардсаныг биелүүлж, санаснаар нь хийнэ. Энэ зуны баяр наадмын өмнө ч ийм л үйл явдал болсон. Шатахуун импортлогчдын шахалтаар шатахууны агуулах сав барих мөнгө хөрөнгийг улсын төсөв буюу та бидний төлсөн татвараас төллөө. Уг нь шатахууны тусгай зөвшөөрлийг агуулахтай аж ахуйн нэгж авах тухай хууль журамд нь заасан байдаг. Мөн шатахууны үнийг литр тутамд дахин дахин нэмүүлсээр лав 500 төгрөгөөр ахиулчихлаа. Үүнээс гадна шатахуун, шатах тослох, дагавар бүтээгдэхүүний гаалийн татварыг тэглэчихлээ. Монголын төр шатахуун импортлогчдын үүнээс өөрөөр яаж тултал дэмжих билээ дээ. Засгийн газраас өнгөрсөн долоо хоногийн сүүлчээр “Шатахууны хангамж сайжирсан, дугаарлуулахгүй олгодог болно” гэж мэдэгдээд байсан ч байдал хэвээрээ долоо хоногийг эхлүүлэв. Гэтэл тэд ханаагүй бололтой. Засгийн газарт дахин шаардлага тавьсан байж магадгүй байна. Учир нь АҮЭБ-ийн сайд Г.Дамдинням өчигдөр бухимдаж “Ерөнхий сайд, АҮЭБ-ийн сайд, төрийн бүх агентлагууд шатахуун импортлогчдыг гадаад улсаас төрийн шугамаар хөөцөлдөж экспортын квот авч өгөхөөс аваад татвар, гааль, тээвэр гээд дэмжиж болох бүх талаар дэмжиж байна. Гэтэл зарим аж ахуйн нэгж шатахуунтай байж зарахгүй, 24 цагаар ажиллахгүй, ганцхан хошуугаар олгож ард иргэдийг бухимдуулж байна. Хямралын үед онцгой горимоор ажиллаж төрийн өмнө ард иргэдэд үйлчлэх гэрээгээр хүлээсэн үүргээ биелүүлж чадахгүй бол торгоно, тусгай зөвшөөрлүүдийг нь цуцална” гэж мэдэгдэв. Сайдын хэлснээс “Зарим аж ахуйн нэгж шатахуунтай байж зарахгүй байна” гэдэг үг маш ноцтой. Үнэхээр ч хот тойрсон, томоохон аймгийн агуулахууд олон улсад нэрээ дуурсгасан “нефтийн магнат”-ын мэдэлд очсон. 2-3 жилийн өмнө худалдаад авчихсан. Тэр л тэдгээр савандаа шатахуун хадгалж байгаа гэх мэдээлэл гадуур дотруур яригдаад байгаа юм. Тэр этгээд зарим том компанийг ч өөрийн болгосон. Үнэ нэмэх, татвар тэглэх, агуулах барих бүгд түүнд ашигтай. Ер нь бол Монголын нийт импортын шатахууныг дээр хэлснээс гадна 2-3 хүн л мэддэг. Тэд аятайхан байвал үнэ тогтвортой, хангамж хэвийн байна. Хэрэв дургүй нь хүрвэл өнөөдрийн энэ эмгэнэлт байдал үүснэ. Тиймээс “Даварсан шатахуун импортлогчид Г.Дамдинням сайдаас дахин юу шаардаад шатахуунаа дарсан бэ” гэдэг анхаарал татаж байна.

Б.БАЯР

Эх сурвалж: “Зууны мэдээ” сонин

2026 ОНЫ НАЙМДУГААР САРЫН 18. МЯГМАР ГАРАГ. № 153 (7895)

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.