2111-р сар, 2026Бямба гараг

Газрын тосны хайгуулын компанийн гадаад ажилчид руу халдсан иргэдийг эрүүгийн хэрэгт яллагдагчаар татаж, 30 хоног цагдан хорьсон

8 сар 19. 12:423 мин унших

Газрын тосны хайгуулын компанийн гадаад ажилчид руу халдсан иргэдийг эрүүгийн хэрэгт яллагдагчаар татаж, 30 хоног цагдан хорьсо

Цагдаагийн байгууллагаас “...Сүхбаатар аймагт нэр бүхий иргэдээс газрын тосны хайгуулын үйл ажиллагааг эсэргүүцсэн” гэх хэргийн талаар өнөөдөр тайлбар мэдээлэл өглөө. 

Энэ талаар ЦЕГ-ын Мөрдөн шалгах албаны хэлтсийн дарга, цагдаагийн хурандаа Б.Батдэлгэр "Сүхбаатар аймгийн цагдаагийн газарт 2026 оны наймдугаар сарын 15-ны өдөр “Монголиа файсон энержи” компаниас Сүхбаатар аймгийн Сүхбаатар сумын 5 дугаар багийн нутаг дэвсгэрт түр байрлуулсан ажилчдын байр луу нэр бүхий иргэд зөвшөөрөлгүй нэвтэрч, эрх чөлөө, эд хөрөнгөд халдаж, дураар авирлаж байна гэх мэдээлэл ирүүлснийг Сүхбаатар аймгийн цагдаагийн газраас хүлээн авч, мөрдөн ажиллагааг явуулж байна. 

Монгол Улсын Засгийн газрын 2024 оны арваннэгдүгээр сарын 21-ний өдрийн 131 дүгээр тогтоолоор Дорнод аймгийн Баянтүмэн, Булган, Матад, Хөлөнбуйр болон Сүхбаатар аймгийн Сүхбаатар суманд газрын тос эрэн хайх эрх олгосны дагуу гадаадын хөрөнгө оруулалттай "Монголиа файсон энержи” компани нь 2026 оны долоодугаар сарын 4-ний өдрөөс газрын тос эрэн хайх чиглэлээр үйл ажиллагаа явуулж эхэлсэн. 

Дээрх компаниас Дорнод аймгийн Матад сумын Хэрлэн тохой гэдэг газарт газрын тос эрэн хайх чиглэлээр үйл ажиллагаа явуулах чиглэлээр  2026 оны наймдугаар сарын 7-ны өдөр Сүхбатаар аймгийн Сүхбаатар сумын хоёрдугаар багийн нутаг дэвсгэрт хайгуулын тоног төхөөрөмж, ажилчдын зөөврийн кемпийг түр байршуулсан байна.

Нэр бүхий иргэд түр байршуулсан тоног төхөөрөмж, кемп рүү зөвшөөрөлгүй газрын тос олборлох гэж байна гэх шалтгаанаар нутгийн иргэдийг уриалан 2026 оны наймдугаар сарын 14, 15-ны өдөр Дорнод, Сүхбаатар аймгийн нутаг дэвсгэрт байрлах “Монголиа файсон энержи” компанийн ажилчдын кемп рүү хууль бусаар нэвтэрч зөвшөөрөлгүй дүрс бичлэг хийж, хэрүүл маргаан үүсгэсэн асуудалд цагдаагийн байгууллагаас мөрдөн шалгах ажиллагааг үргэлжлүүлэн явуулж байна. 

Нэр бүхий иргэдийг Эрүүгийн хуулийн тусгай ангийн тодорхой зүйл ангиудад заасан хэргүүдээр эрүүгийн хэрэг үүсгэж яллагдагчаар татсан. Мөн дөрвөн иргэнийг хойшлуулшгүйгээр 48 цагийн хугацаатай баривчилсан. Өчигдөр буюу наймдугаар сарын 18-ны өдөр нэг иргэнийг шүүхийн захирамжаар 30 хоногийн хугацаатай цагдан хорьсон. Үлдсэн гурван иргэнд таслан сэргийлэх арга хэмжээ авах асуудал өнөөдөр харьяалагдах шүүхийн байгууллагаар шийдвэрлэгдэнэ" гэв

Цагдаагийн байгууллагаас “...Төв аймгийн нутаг дэвсгэрт гадаад улсын иргэд шонхор шувууг барьж байгаа” гэх асуудлаар өнөөдөр тайлбар мэдээлэл өглөө. 

Энэ талаар Экологийн цагдаагийн албаны Мөрдөн шалгах хэлтсийн дарга, дэд хурандаа Д.Нямрагчаа "Монгол Улсын Засгийн газрын 2026 оны 263 дугаар тогтоолоор энэ онд гадаад улсад тусгай зориулалтаар гаргахаар нийт 350 шонхор шувууг барих зөвшөөрлийг нийт 11 аймаг, гадаадын дөрвөн улсын 24 иргэнд зөвшөөрөл олгосон. 

Энэ хүрээнд 11 аймагт отог байгуулах зөвшөөрөл олгосон. Уг отгын үйл ажиллагаанд хяналт тавихыг тухайн аймаг орон нутгийн Засаг даргын захирамжаар байгуулагдсан ажлын хэсэг болон байгаль орчны эрх бүхий албан тушаалтнууд хяналт тавихаар зохицуулсан. Гурван хоног тутамд шонхор шувууг барих отогт хяналт шалгалт хийж, гарал үүслийн бичиг үйлдэж олгохоор хуульчлагдсан. 

Сүүлийн үед Төв аймгийн нутаг дэвсгэр дээр гарсан иргэн Э-д холбогдох үйлдэлд гадаадын иргэнээс гаргасан гомдлын дагуу Төв аймгийн цагдаагийн газраас бусдын орон байранд хууль бусаар нэвтэрсэн үйлдэлд Эрүүгийн хуулийн тусгай ангийн 13.6-д заасны дагуу мөрдөн шалгах ажиллагаа явуулж байна.

Энэ онд нийт 11 аймагт шонхор барих зөвшөөрөл олгогдсоны нэг нь Төв аймагт үйл ажиллагаа явуулж буй гадаад улсын иргэдийнх байна. Үүнтэй холбоотой иргэнээс хууль бусаар отог байгуулсан, шонхор барьсан гэх асуудлаар цагдаагийн байгууллагад гомдол гаргасан. Аль аль талын гомдлыг цагдаагийн байгууллага бүртгэлд аваад шалгаж байна" гэв. 

 

 

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.