2111-р сар, 2026Бямба гараг

МУИС-ийн шалгалтын комисс олон хүүхдийн ирээдүй, хувь заяагаар тоглoж байна

8 сар 20. 9:562 мин унших

МУИС-ийн шалгалтын комисс олон хүүхдийн ирээдүй, хувь заяагаар тоглoж байна

МУИС-ийн бакалаврын хөтөлбөр хооронд шилжин суралцах шалгалт өнгөрсөн долоо хоногт боллоо. Харамсалтай нь уг шалгалт зохион байгуулалт муутай болж олон хүүхдийн ирээдүй хувь тавилангаар наадаж, МУИС-ийнхан хичнээн хариуцлагагүй гэдгээ дахин дахин батлав.

Тухайлбал, МУИС-ийн Сэтгэл судлалын анги руу шилжин суралцагчдаас 2026.08.14-ны өдөр шалгалт авав.

  • Шалгалт 11:00 цагт эхлэх ёстой байтал шалгалт авах ёстой хүмүүс нь цагтаа ирсэнгүй.
  • Шалглтын хуваарь эрт гарсан болохоор анги, танхим бэлэн байх ёстой атал цагаасаа хоцроод ч хамаагүй эхлүүлэх гэтэл ширээ сандалгүй  хоосон заалтай байв. Ингээд шалгалт зохион байгуулагчид ширээ сандалтай анги, танхим олох гэж багагүй хугацаа алдаж хичнээн хариуцлагагүй, зохион байгуулалт муутайгаа дахин батлав.
  • Шалгалтын өмнө хуулах хориотой гэж сануулсан. Гэтэл шалгалтын үеэр хэд хэдэн хүүхэд хуулсан бөгөөд тэдний заримд нь удаа дараа сануулж, зарим хүүхдийг өчиггүй хөөж гаргажээ.  Бүх хүүхдэд сануулсан бол тэгш эрхийн зарчим үйлчилж хуулсан л бол ахин дахин сануулахгүйгээр хөөж гаргах ёстой байв.
  • Шалгалтын дараа  шалгуулагчид гарахад зохион байгуулагчид хэд хэдэн хүүхдэд давуу байдал олгож, танхимд үлдээсэн байгаа юм.
  • Шалгалтын хариуг будлиантуулсан. Тэнцээгүй хүүхэд рүү “ТЭНЦСЭН” гэж залгаад, тэнцсэн хүүхэд рүү  “ТЭНЦЭЭГҮЙ” хэмээн залгаж, имэйл бичиж будлиан хутгасан.
  • Хариуг мэдээлэх ёстой сайт нь яагаад ч юм гэнэт ажиллахаа больчихсон.
  • Шалгалтын хариу тухайн өдрөө гарна гэсэн ч гаралгүй тав дахь өдрөө гарсан. Өөрөөр хэлбэл хэний хүүхдийг тэнцүүлж, хэний хүүхдийг тэнцүүлэхгүй байх “хор”-оо шалгалтын комисс хангалттай хутгаад амжсан бололтой.

Монгол улсын ууган их сургууль жилийн жилд энэ төрлийн шүүмжлэлд өртдөг ч энэ алдаагаа засдаггүй. Харин ч хээл, хахуулийг хөхүүлэн дэмжиж байгаа мэт энэ мэт хариуцлагагүй алдаагаа давтсаар байгаа.

Энэ мэт хариуцлагагүй олон алдаа гаргасан нь тэгш байх зарчим алдагдаж үр дүнд нь олон хүүхдийн ирээдүй, хувь заяагаар тоглoж байна.

Шалгалт өгсөн хүүхдүүд хариуцлагагүй байж болдог, тэгш бус байж болдог гэдгийг харж, сэтгэл зүйгээрээ тоглуулсан энэ үйлдэлд МУИС-ийн шалгалтын комисс хариуцлага хүлээх нь зүйн хэрэг биз.

Харин НОХОЙН ЖОГОРХОЙ ШИГ шалгалтаа хүчингүй болгож, дахин шалгалт явуулж, алдаа засахыг, бусдын боломжийг хулгайлсан үйлдэлдээ хариуцлага хүлээж, энэ төрлийн алдааг дахин давтахгүй байхад БОЛОВСРОЛЫН САЙД Л.Энх-Амгалан та анхаарна уу!!!

Бид МУИС-ийн шилжих шалгалтын тойрсон асуудлыг цувралаар хүргэх болно.

А.Баярмаа

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

669


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.