2111-р сар, 2026Бямба гараг

Охидоо эр хүнийг хүндэлдэг болгож өсгөе

8 сар 25. 9:422 мин унших

Охидоо эр хүнийг хүндэлдэг болгож өсгөе

Охиноо зөв хүн болгож өсгөнө гэдэг зөвхөн сайн сургуульд сургах, мэргэжил эзэмшүүлэх, өөрийгөө хамгаалж чаддаг болгохоор хязгаарлагдахгүй. Хамгийн чухал нь бусдыг, тэр дундаа амьдралынхаа хань болсон хүнийг хэрхэн хүндэлж, ойлгож, хайрлаж сурахыг нь заах хэрэгтэй.

Өнөөдөр охиддоо “чи хэнээс ч хамаарах ёсгүй”, “эрэгтэй хүн хэрэггүй”, “чи хүссэнээрээ л бай” гэж хэлэх нь элбэг болсон. Өөртөө итгэлтэй, бие даасан эмэгтэй болох нь мэдээж сайн. Гэхдээ бие даасан байна гэдэг бусдыг үл хүндэлнэ гэсэн үг биш. Эр хүнийг хүндэлнэ гэдэг сохроор захирагдах, хүчирхийллийг тэвчих, өөрийн эрх ашгийг золиослох тухай яриа огт биш. Харин хань ижлийнхээ хөдөлмөрийг үнэлэх, хэлсэн үгийг нь сонсох, хамтдаа шийдвэр гаргах, алдаа гаргавал доромжлохын оронд ярилцах, гэр бүлийнхээ төлөө хийж буй зүйлсийг нь анзаарах тухай юм. Охин хүүхэд эцгээсээ эр хүнийг хэрхэн хүндлэхийг хамгийн түрүүнд сурдаг. Аав нь ээжийг нь хэрхэн хүндэлж байна, ээж нь аавынх нь хөдөлмөрийг хэрхэн үнэлж байна гэдгийг харж өссөн хүүхэд гэр бүлийн харилцааны талаар маш хүчтэй ойлголттой болдог.

 

Тиймээс охиддоо “эрэгтэй хүнийг хүндэл” гэж зүгээр хэлэхээс илүү хүндлэл ямар байдгийг харуулах хэрэгтэй.

 

Аав нь охиндоо:

“Чи охин учраас эрэгтэй хүнийг хүндэл” гэж хэлэхээсээ өмнө,

“Ээжийг чинь би яагаад хүндэлдэг вэ гэдгийг хараарай” гэж үлгэрлэх нь илүү үнэ цэнтэй.

 

Мөн охиддоо нэг зүйлийг заавал ойлгуулах хэрэгтэй. Эр хүнийг хүндэлнэ гэдэг өөрийгөө дорд үзэх гэсэн үг биш. Өөрийгөө хүндэлдэг эмэгтэй л бусдыг зөв хүндэлж чадна. Сайн эр хүнийг муу эр хүнээс ялгаж сурах, эрхэм чанарыг нь үнэлэх, харин хүчирхийлэл, доромжлол, хуурч мэхлэлтийг хүлээн зөвшөөрөхгүй байх нь мөн адил чухал.

 

Охиндоо: “Чамайг хайрлаж, хамгаалж, чиний төлөө хичээж байгаа хүнийг битгий басамжил. Харин чамайг доромжилж, хүчирхийлж, эрхийг чинь зөрчиж байгаа хүнийг тэвчих албагүй” гэж заая.

 

Гэр бүл гэдэг эрх мэдлийн төлөөх тэмцээн биш. Хэн нь хэнийгээ дийлэхийн төлөөх өрсөлдөөн бүр ч биш.

 

Эр хүн эмэгтэйгээ халамжилж, эмэгтэй хүн эр хүнээ хүндэлж, хүүхдүүд нь тэр хүндлэлийг харж өсөх нь эрүүл гэр бүлийн үндэс. Тиймээс охидоо зөвхөн “өөртөө итгэлтэй эмэгтэй” болгохоос гадна хүндэлж чаддаг, талархаж чаддаг, хайрлаж чаддаг, сайн хүнийг таньж чаддаг эмэгтэй болгон өсгөцгөөе. Учир нь маргаашийн сайн эхнэр, сайн ээж, сайн хань өнөөдрийн хүмүүжлээс эхэлдэг. Охидоо эр хүнийг хүндэлдэг болгож өсгөе. Гэхдээ хамгийн түрүүнд эр хүнийг хүндлэхийн утгыг амьдралаараа үлгэрлэе.

 

Н.Отгончимэг

сонин.мн

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

543

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 361

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.