2111-р сар, 2026Бямба гараг

МАН-ын Э.Болормаа, АН-ын Ч.Лодойсамбуу хоёрын “мэдэгдэл” юу өгүүлж байна вэ?

8 сар 29. 11:103 мин унших



УИХ улс төрийн намын хоёр том бүлэгтэй. МАН-ын бүлэг 68, АН-ын бүлэг 42 гишүүнтэй. УИХ-ын 110 гишүүн нь энэ хоёр намынх гэсэн үг. Тэр утгаараа, төрийн эрх барих дээд байгууллага УИХ-аас гарах шийдвэр үндсэндээ энэ хоёр намынх болж таарч байгаа юм.

Гэхдээ, МАН үнэмлэхүй эрх баригч, АН хүчтэй сөрөг хүчний байр суурьтай. Тиймээс, АН-ынхан байсгээд “Засгийн газрыг унагая” гээд гарын үсэг цуглуулдаг. Өдгөө 2025-2026 он дамнуулж цуглуулсан гарын үсэгтэй Засгийн газрыг унагах бичгээ өргөн барихаар зэхэж байгаа аж. АН-ын дарга, УИХ дахь АН-ын бүлгийн дарга О.Цогтгэрэл 2026 оны наймдугаар сарын 20-нд “Засгийн газрыг унагах бичигт бүлгийн 42 гишүүнээс 40 нь гарын үсэг зурсан. Ж.Баясгалан гишүүн хувийн шалтгаантай байгаа. Намын нэгдмэл бодлого, байр суурь гэж зүйл бий. Тодорхой хүмүүст хариуцлага тооцох асуудлыг санал гаргана” гэж мэдэгдсэн. Хоёр гишүүний нэг нь Ж.Баясгалан, нөгөө нь Ч.Лодойсамбуу байж таарсан. АН-ын даргын мэдэгдлийн дараа УИХ-ын гишүүн Ч.Лодойсамбуу “Засгийн газрыг унагах бүлгийн гурван одтой шийдвэр гараагүй байж надад хариуцлага тооцно гэх намын даргын мэдэгдлийг гайхсан. УИХ-ын 126 гишүүн улс төр хийе гэж тангараг өргөөгүй. АН-ыг төр түшилцдэг бодлоготой, ухаалаг сөрөг хүчин байгаасай гэж хүсэж байна. Н.Учрал Ерөнхий сайдыг унагах бичигт гарын үсэг зураагүй нь улс төрийн биш шалтгаантай. Бид төр түшиж байгаа гэдгээ ухамсарлах ёстой. Тусгаар тогтносон төрт УИХ-ын гишүүдийн хувиар бид улс төржиж болохгүй сэдэв дээр ухамсартайгаар зогсож чаддаг байх үүрэгтэй. Тийм тангарагтай. Бид яаж ч тийчлээд өнөөдөр МАН засаглаж байна. Тэднийг хуйгаар нь солих хүртлээ улсаа бүрэн сүйрүүлчхээс нь аль чадхаараа сэргийлэх ёстой. Улам муутгаж яавч болохгүй. Хохирогч нь монголчууд шүү дээ тэр нам биш” гэсэн юм. Ер нь бол АН-д одоогийн даргаа үгүйсгэх хандлага газар авсан. Түүний нэг илрэл нь энэ. Нөгөөтэйгүүр, АН лидергүй болсныг гэрчилж байгаа л явдал юм.

Түүнчлэн, энэ сарын 25-нд УИХ дахь МАН-ын бүлэг Их тэнгэрт ээлжит бусаар хуралдлаа. Хурлаар 2026 оны төсвийн тодотголын талаар ярьжээ. Мөн “МАН-ын бүлэг Засгийн газрыг унагахгүй, тогтвортой ажиллуулах асуудлаар талууд ойлголцсон” гэх мэдээлэл улс төрийн хүрээнд тарсан. МАН-ын бүлгийн гишүүд Засгийн газрыг унагахгүй байхаар ярилцаж, гарын үсэг зурцгаасан байна. Тодруулбал, олон улсын байдал, бусад шалтгаанаар улс орны эдийн засгийн нөхцөл сайнгүй байгаа ийм үед төрийг тогтворгүй байдал руу түлхэх нь зохимжгүй гэж МАН-ын гишүүд үзсэн байгаа юм. Гэвч, МАН-ын дотоод асуудлаас болж, жилийн өмнөөс УИХ-ын гишүүд нь 30:33-аараа хуваагдсан нь өнөөг хүртэл үргэлжилж байгаа бололтой. МАН-ын бүлгийн Их тэнгэр дэх хуралдааны мэдээлэл түгсний дараа УИХ-ын гишүүн Э.Болормаа “100 хувь санал нэгдээгүй” гэж цахим сүлжээгээр мэдэгдсэн.

Ингэж МАН-ын бүлгийн мэдээлэл, АН-ын бүлгийн мэдэгдэл нь араасаа залуу гишүүдийнхээ үгүйсгэсэн мэдэгдэлтэй тулав. Товчхондоо, энэ нь УИХ дахь эрх баригч, сөрөг хүчний бүлгүүд дотоод эв нэгдэл сайнгүй, цул биш байгааг харуулж байгаа хэрэг. Уг нь, өдгөө МАН-ын, АН-ын дотоод зөрчлийг жүжиг ший мэт харах бус 2026 он гарснаас хойш “зовлон” болж байгаа шатахуун, удахгүй тулах эрчим хүчний асуудлаар толгойгоо гашилгах нь эрх баригчдын ч, сөрөг хүчний ч үүрэг байх учиртайг олон нийт сануулаад байгаа билээ.

 

Б.ГАРЬД

Эх сурвалж: “Зууны мэдээ” сонин

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

598

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

782400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

567


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.