"Oli Max": Яагаад өөрөө зөөх ёстой гэж. Монголын овортой хүнд бараа худалдан авах хэв маягийг хэрхэн өөрчилж байна вэ?

Гурил, будаа, мах, тос гээд өргөн хэрэглээний бараа бүтээгдэхүүнээ та бид амралтаа өдрийнхөө талыг зарцуулан байж цуглуулдаг. Тэгвэл эл ажлыг хөнгөвчлөх, түгжрэлд цагаа зарцуулахгүйгээр шийдэх сайхан боломжийг "Oli Max" аппликейшн шийдэж өгч байна. Уг аппликейшн нь хүн бүрийн үнэнч туслах хэдийнээ болжээ.

"Oli Max"-ыг зах зээлд нэвтрүүлсэн шалтгаан, компанийн цаашдын зорилгынх нь талаар "Techbase" ХХК-ийн захирал О.Данзанравжаатай ярилцлаа.

-Oli Max-ыг яагаад зах зээлд нэвтрүүлэх болов?

-Та бүхэнд энэ өдрийн мэнд хүргэе. Өнөөдөр хувь хүн болон бизнесүүд өдөр тутмын хэрэгцээт бараа худалдан авахдаа маш их цаг, мөнгө зарцуулдаг.

Монголчууд бид нэг онцлог зан заншилтай ард түмэн. Тухайлбал, гурил, будаагаа 10, 25 килограммаар нь нөөцөлж авдаг. Энэ нь хэмнэлттэй бөгөөд хог хаягдал бага гардаг зэрэг зөв тогтолцоо гэж хардаг. Хэрэв та зөвхөн 25 килограмм будаагаа нэг удаа нөөцөлбөл, түүний цаана ямар хэмнэлт, байгаль дэлхийд ямар ач тустай болохыг сайн бодох хэрэгтэй. 5 килограммаар савлагдсан будааг 5 удаа авахын оронд нэг удаа 25 килограмм авбал зөвхөн байгальд хаягдах хог, сав баглаа, боодол буурна. Мөн та 5 удаа зах, дэлгүүрт орсноор ямар хэмжээний зардал, дундын шимтгэл гарч байгааг ихэнх хүн тооцоолон бодож үзээгүй байдаг.

Тиймээс Oli Max нь яг энэ өвөрмөц барааны хүргэлтийг зардал багатайгаар хийх зорилготойгоор бүтээгдсэн апп юм. Хэрэв танд 10-25 килограмм гурил, будаа, мах, тос зэрэг хэрэгтэй бол зах руу машинаар явж, түгжрэлд орж, зогсоол хайж, бараагаа ачиж, дараа нь гэр эсвэл ажил руугаа тээвэрлэх шаардлага үүсдэг. Энэ хугацаанд түгжрэлд орж стресстэх нь энүүхэнд байдаг. 

Бүтээгдэхүүн өөрөө үнэтэй биш байж болно, гэвч түүнийг худалдан авах далд зардал их байгааг бид олж хараад Oli Max-ыг яг энэ асуудлыг шийдэхээр зах зээлд нэвтрүүлсэн.

-Oli Max гэж юу вэ?

-Oli Max бол "Techbase" ХХК-ийн хөгжүүлсэн хүргэлтийн платформ бөгөөд хэрэглэгчид өдөр тутмын болон бөөний бараагаа аппликейшнаар захиалж, шууд хүргүүлэх боломжтой. Та хүнд бараа зөөхийн тулд цаг, шатахуунаа зарцуулах шаардлагагүй. Мөн сүүлийн үед тулгуур эрхтний асуудалтай хүмүүс ч ихсэх болсон. Эдгээр хүмүүсийн гам барилт нь хүнд юм өргөж болохгүй гэдэг. Тэгэхээр энэ хүмүүст ч бас туслах зорилготой. Өөрөөр хэлбэл, Oli Max нь хэрэглэгчийг нийлүүлэгчидтэй холбох гүүр нь юм.

-Яагаад хүнд овортой бараан дээр анхаарлаа хандуулж байна вэ?

-Үнэндээ манайх гэлтгүй Монголын айл бүрт сард нэг удаа, эсвэл хоёр долоо хоног тутамд заавал зах, дэлгүүр орох шаардлага үүсдэг. Надад тохиолдсон нэг явдлаас энэ санаа төрсөн гэхэд ч болно.

Амралтын өдөр товлоод эхнэртэйгээ хүүхдүүдээ орхиод зах руу гарна. Түгжирсэн замаар явж очоод мах, гурил, будаагаа авна. Хажуугаар нь өлссөндөө нэг юм идээд, буцаад л дахин түгжирч ирнэ. Амралтын өдрийн тал хугацаагаа энэхүү үйл явцад зарцуулчихаж байгаа юм. Утасны дата, бензин үрэгдэхээс гадна хүүхдүүдтэйгээ хамтдаа өнгөрөөх амралтын өдрийн цаг хугацаагаа бас алдчихаж байгаадаа харамссан л даа.

Түүнчлэн настай хүмүүс овор ихтэй бараагаа гэртээ хэрхэн зөөж оруулдаг вэ? гэдэг бас нэг асуудал. Ажилтай хүмүүс эцэг, эхдээ гурил, будаа хүргэж өгөх завгүй байдаг тохиолдол ч маш олон. Манай  аппликейшн дээр олон настай хэрэглэгчид баярласан мессеж илгээж байсан нь бидэнд үнэхээр урам өгдөг.

Бид овор ихтэй, хүнд барааг уламжлалт худалдааны хамгийн их шинэчлэл шаардлагатай хэсэг гэж үздэг. Жишээ нь, хэдэн уут гурил, будаа, мах, тос худалдаж авахаар төсөөлье. Та нийлүүлэгч эсвэл үйлдвэрлэгч гэж өөрийгөө төсөөл, зах руу түгээлтийн машинаар явж, шатахуун зарцуулж, түгжрэлд цагаа алдаж, бараагаа ачиж, тээвэрлэж, буулгаж, нэмэлт хүн хүч ашигладаг.

Хэрэглэгч эдгээр бүхнийг "төлдөг". Oli Max энэ бүх процессыг хүргэлтийн хялбар системд шилжүүлсэн гэж ойлгоход болно.

Логикоор бодоход ч энэ маш ойлгомжтой жин, овор ихтэй бараа өөрөө хүнд, зөөвөрлөхөд хэцүү учраас яг ийм төрлийн бараанд хямд өртөгтэй хүргэлт хамгийн их хэрэгтэй байдаг. Учир нь хэрэглэгч хамгийн их цаг, хүч, зардлаа яг л ийм овортой, хүнд ачаа зөөхөд алддаг. Тиймээс бид овор ихтэй, хүнд барааны хүргэлтийн зардлыг аль болох бага байлгахад анхаарлаа хамгийн ихээр хандуулж байгаа. Хэмжээ харгалзахгүйгээр 10 мянган төгрөгөөр бид хотын хаана ч хүргэлт хийж байгаа.

 

-Oli Max уламжлалт худалдаанаас юугаараа ялгаатай вэ?

-Уламжлалт худалдаа ихэвчлэн: хэрэглэгч → тээврийн хэрэгсэл → түгжрэл → зах/нийлүүлэгч → ачилт → тээврийн хэрэгсэл → түгжрэл → гэр/ажлын байр гэсэн урт хэлхээгээр явагддаг.

Oli Max нь энэ процессыг: Нийлүүлэгч → Oli Max → Хэрэглэгч гэсэн шууд хэлхээ болгон хувиргахаар зохион бүтээгдсэн. Энэ нь шаардлагагүй явалтыг бууруулж, худалдан авах бүхэл процессыг илүү үр ашигтай болгож чадна.

-Та супермаркет, уламжлалт захуудыг орлохыг зорьж байна уу?

-Үгүй. Зорилго нь уламжлалт захуудыг зүгээр орлох биш, харин бараа нийлүүлэгчээс хэрэглэгч рүү хэрхэн шилжиж байгааг сайжруулах юм. Хүмүүс өөрсдөө зах, супермаркет гэх мэт очихыг хүсдэг газрууд үргэлж байх л болно. Гэхдээ хүнд, овортой, бөөнөөр худалдан авах тохиолдолд хүргэлт хамаагүй үр ашигтай. Бид хэрэглэгчдэд өөр нэг сонголт өгөхийг л хүсэж байна.

-"Импортлогч эсвэл үйлдвэрээс шууд" гэдэг нь юу гэсэн үг вэ?

-Бидний нэг чухал чиглэл бол хэрэглэгчдийг импортлогч, үйлдвэрлэгч, томоохон нийлүүлэгчидтэй илүү шууд холбох явдал юм. Олон шат дамжлагаар шаардлагагүй хөдөлгөөн үүсгэхийн оронд бид боломжтой бүх тохиолдолд нийлүүлэлтийн сүлжээг илүү шууд болгохыг эрэлхийлж байгаа. Энэ нь шаардлагагүй явалт багасах, шатахуун хэмнэх, цаг хэмнэх, хог хаягдал багасах, нийт худалдан авалтын зардал буурах үр дүнтэй.

-Oli Max бизнесүүдэд хэрхэн тусладаг вэ?

-Ялангуяа ресторан, кафе, оффис, зочид буудал зэрэг байгууллагуудад чухал, учир нь тэд байнга их хэмжээгээр бараа худалдан авдаг. Бизнесийн хувьд цаг бол мөнгө. Хэрэв ажилчид бараа авахаар ажлын байрнаасаа гарах шаардлагатай бол компани зөвхөн барааны төлбөрийг бус, ажилтны цаг, шатахуун, тээврийн хэрэгслийн зардал, түгжрэлд алдсан цаг, ачиж буулгах ажил, тээвэрлэлт, захиргааны хүчин чармайлт зэргийг мөн "төлдөг". Oli Max энэ дамжлагыг бизнесүүдэд хөнгөвчлөх, ажилтнууд өөрсдийн ажил дээрээ анхаарлаа хандуулах боломжийг олгодог.

-Oli Max-ын алсын хараа юу вэ?

-Бидний алсын хараа зүгээр л хүнсний бараа хүргэхээс хамаагүй том. Бид нийлүүлэгчээс хэрэглэгч рүү дамжлага багатайгаар хүргэх, илүү үр ашигтай эцсийн хэрэглэгч болон нийлүүлэлтийн сүлжээний систем бий болгохыг хичээж байгаа. Технологи нь захиалга, нийлүүлэгч, хүргэлтийн машин, хэрэглэгчийг нэг систем дотор зохион байгуулах боломжийг бидэнд олгодог. Урт хугацааны зорилго маань хог хаягдлыг багасгах, зардал бага, хүмүүс болон бизнесүүдэд илүү их цаг болон хэмнэлтийг өгөх явдал юм.

Мөн бид Oli Max аппликейшныг өдөр тутам зогсолтгүй хөгжүүлсээр байгаа бөгөөд олон гоё, шинэлэг санааг цаашид хэрэгжүүлэхээр ажиллаж байна. Тэдгээрийн нэг нь бид удахгүй хурдан хүргэлттэй "Явуулын дэлгүүр" гэсэн шинэ концепцийг хэрэглэгчиддээ хүргэхээр ажиллаж байгаа. Энэ бол зөвхөн эхлэл гэдгийг би онцолмоор байна.

-Oli Max-ыг ямар технологи дэмждэг вэ?

-Oli Max-ыг "Techbase" ХХК хөгжүүлсэн бөгөөд орчин үеийн логистикийн технологи ашиглан хүргэлтийн үйл ажиллагааг зохицуулдаг. Бидний технологийн дэд бүтцэд Fleetbase pte ltd орно. Энэ нь логистик болон хүргэлтийн үйл ажиллагааг удирдахад тусалдаг. Онцлон хэлэхэд, Fleetbase-ийн үүсгэн байгуулагч бөгөөд CTO Ronald Richardson бол мөн "Techbase" ХХК/ Oli Max-ийн хувьцаа эзэмшигч бөгөөд CTO юм. Энэ нь бидний технологийн платформыг дэлхийн стандартад нийцүүлэн хөгжүүлэхэд асар том давуу тал болдог. Технологи бол хэрэгсэл, үр ашиг бол зорилго.

-Та яагаад үүнийг Монголд бүтээхээр шийдсэн бэ?

-Монгол улс өвөрмөц тээврийн орчинтой. Улаанбаатарын түгжрэл, өдөр тутмын их хэмжээний тээвэрлэлт удаашралтай байдаг. Үүний зэрэгцээ олон зайлшгүй хэрэгцээт бараа хүнд овортой бөгөөд их хэмжээгээр худалдан авагддаг. Энэ нь логистикийн технологид маш практик боломж бий гэж бид үзэж байгаа. Бид гадаадын бизнес загварыг зүгээр хуулбарлахыг хүсэхгүй байна. Бид Монголын өөрийн тээвэр, худалдан авалтын асуудлыг шийддэг бүсчлэлийн системд тулгуурласан аппликейшн бий болгохыг зорин ажиллаж байна.

-Та хэрэглэгчид Oli Max-ын талаар юу ойлгуулахыг хүсэж байна вэ?

-Бид хүмүүсийг худалдан авалтын зардлын тухай өөрөөр бодуулахыг хүсэж байна. Та 100 мянган төгрөгийн бараа авахад бодит зардал нь 100 мянган төгрөг биш байж болно. Та мөн шатахуун, зогсоол, хүн хүч, утасны дата, түгжрэлд цагаа зарцуулж байгаа. Эдгээр зардал нь танд нэг их мэдэгдэхгүй ч бодит зардал юм. Oli Max эдгээр шаардлагагүй зардлыг арилгахыг зорьж байна. "Энэ бараа хэдэн төгрөг үнэтэй вэ?" гэж асуухын оронд бид хэрэглэгчдээс "Үүнийг өөрөө очиж авахад надад хэдэн төгрөг зарцуулагдах бол?" гэж асуухыг хүсдэг. Энэ бол бидний шийдвэрлэхийг зорьж буй асуудал.

 

 

OLI MAX — БАГА ХОГ ХАЯГДАЛ. БАГА ЗАРДАЛ. ИЛҮҮ ЦАГ. Нийлүүлэгчээс таны гарт

Фэйсбүүк хуудас: OLI MAX app Mongolia

Вэб сайт: www.oli.mn