2111-р сар, 2026Бямба гараг

Хашаанаасаа Түрэгийн үеийн олдвор олж, зарахыг оролдсон этгээд 8 сая төгрөгөөр торгуулжээ

9 сар 4. 19:113 мин унших

                                                                  Мэдээний гэрэл зургийг төстэй эд зүйлсээр орлуулав

Иргэн Р хашаанаасаа Түрэгийн үеийн олдворт тооцогдох дөрөө, амгай, зуузай, төмөр цагираг олж, цахим сүлжээнд “Түрэгийн үеийн олдвор зарна” гэх зар байршуулжээ. Түүнийг соёлын биет өвийг хууль бусаар завших гэм буруутайд тооцож, торгууль ногдуулсан байна.

Байгалийн түүхийн музей, Чингис хааны музейд үзүүлтэл “Манайх худалдан авах боломжгүй. Харин та өөрийн нэр дээр хандиваар өгч болно шүү” гэлээ.

Тэрбээр мөрдөн шалгах ажиллагаанд өгсөн мэдүүлэгтээ  “...Би өөрийн амьдарч буй хашаа болох Б… дүүргийн Зүүн наран … гудамжны … тоотод муу усны нүхийг дөрвөн метр шахуу ухах явцдаа дөрөө, амгай гэх мэт эд зүйлс олсон. Тухайн эд зүйлсийг зарвал хэдэн төгрөгөөр үнэлэхийг мэдэхийн тулд Соёлын өвийн үндэсний төвийн археологийн мэргэжилтэн … гэдэг хүнд зургийг нь явуулсан. “Хэдэн оны, ямар учиртай зүйлс вэ” гэж асуухад “Түрэгийн үеийн гал тоногтой амгай, бөөрөнхий ултай дөрөө зэрэг байна” гэж хариулсан. Тэгэхээр нь “Эдгээрийг яаж зарах вэ” гэхэд “Чи музейгээс асуу” гэх зөвлөгөө өгсөн юм.

Байгалийн түүхийн музей, Чингис хааны музейд үзүүлтэл “Манайх худалдан авах боломжгүй. Харин та өөрийн нэр дээр хандиваар өгч болно шүү” гэлээ.

Би өөрийн ашигладаг …. гэх цахим хаягаасаа “Эртний эдлэл худалдаа, авна зарна” гэх бүлгэмд зар оруулахад нэг үл таних хаягаас “Найман сая төгрөгөөр худалдаж авъя” гэх санал тавьсан юм. Тэгэхээр нь арай бага үнээр зарах гээд байгаа юм шиг санагдаж, маргааш нь дахин зар оруултал 99…….. дугаараас залгаж уулзах санал тавьсан. Заасан хаягийн дагуу очиход цагдаа нар орж ирээд, баривчилсан” гэж мэдүүлжээ.

Мөн би зориулалтын дагуу хаана хүлээлгэж өгөхөө мэдэхгүй байсан гэх нэмэлт тайлбар өгчээ.

Иргэн Р-ийг Эрүүгийн хуулийн тусгай ангийн 25.3 дугаар зүйлийн 1 дэх хэсэгт заасан “Соёлын биет өвийг завших” гэмт хэрэг, 25.5 дугаар зүйлийн 1 дэх хэсэгт заасан “Соёлын биет өвийн худалдааг хууль бусаар явуулахыг завдах” гэмт хэрэг тус, тус үйлдсэн гэм буруутайд тооцжээ.

Шүүхээс уг иргэнийг  8,100,000 төгрөгийн торгох ялаар шийтгэсэн. Мөн дөрөө, хоёр зуузай, төмөр цагираг зэрэг эд зүйлсийг хадгалуулахаар Соёлын үндэсний төвд шилжүүлэх тогтоол гаргажээ.

Эрүүгийн хуулийн 25.3 дугаар зүйл. Соёлын биет өвийг завших, үрэгдүүлэх

1.Соёлын биет өвийг завшсан, үрэгдүүлсэн бол хоёр мянга долоон зуун нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.

25.5 дугаар зүйл. Соёлын биет өвийн хууль бус худалдааг зохион байгуулах

1.Соёлын биет өвийн худалдааг хууль бусаар явуулсан, зуучилсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
2.Энэ гэмт хэргийг зохион байгуулалттай гэмт бүлэг үйлдсэн бол хоёр жилээс найман жил хүртэл хугацаагаар хорих ял шийтгэнэ.

 

Эх сурвалж: Дүүргийн Эрүү, Иргэний хэргийн хялбар ажиллагааны анхан шатны тойргийн шүүх

Энэ мэдээ танд ямар мэдрэмж төрүүлж байна?

Санал болгох

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

Сангийн яам: KPMG аудитын компанийг үнэн, зөв аудит хийдэг эсэхийг шалгадаггүй, хөдөлмөрийн мөлжлөгийг нь мэдэхгүй байна

Дэлхийн санхүүгийн зах зээлд хамгийн өндөр нэр хүндтэйд тооцогддог аудитын компаниудын нэг KPMG Австрали салбар шүгэл үлээгчийн мэдээлэлтэй холбоотой томоохон дуулианд өртөж, гэмт үйлдлүүд нь нотлогдон засгийн газартаа 2027 он хүртэл бандуулаад байна. Өөрсдөө ч үүнийгээ хүлээн зөвшөөрч, удирдлагууд нь ажлаа өгч, олон арван хүн халагдан, Австралийн шалгалт зургаан төрлөөр одоо ч үргэлжилж байгаа аж. Том аудитын компанийн нэр хүнд “үнэн, зөв” гэсэн баталгаа биш 2001 онд АНУ-ын Enron корпораци санхүүгийн томоохон дуулианд өртөж, дампуурсан

1 360

ТАНИЛЦ: Нийтийн тээврийн шөнийн автобусны дөрвөн чиглэл

Нийтийн тээврийн шөнийн автобус дөрвөн чиглэлд үйлчилж байгааг мэдээлэв. Тодруулбал шөнийн цагийн хуваариар ажилладаг иргэдэд зориулан 22:00-02:00 цаг хүртэл автобус үйлчилж байгаа бөгөөд хот дотор зорчих төлбөр 1,000 төгрөг бол ШҮ:4 “Сүхбаатарын талбай-Чингис хаан ОУНБ” чиглэлд том хүн 15,000, хүүхэд 7,000 төгрөгөөр зорчино. Чиглэлүүд: ШҮ:1 “5 шар-Офицеруудын ордон” ШҮ:2 “Сүхбаатарын талбай-Нисэх” ШҮ:3 “Зунжин худалдааны төв – Сүхбаатарын талбай” ШҮ:4 (Сүхбаатарын талбай-Чингис хаан ОУНБ) Нийслэлийн нийтийн тээврийн 137 чиглэлд 1,185 автобус иргэдэд үйлчилж, өдөрт дунджаар 650 мянган зорчигч тээвэрлэдэг байна

668


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.