2111-р сар, 2026Бямба гараг

Монгол Улсад айлчилж буй Монтенегро Улсын Ерөнхийлөгч Яков Милатович гэж хэн бэ?

9 сар 8. 9:254 мин унших

Монгол Улсад айлчилж буй Монтенегро Улсын Ерөнхийлөгч Яков Милатович гэж хэн бэ?

Европын хамгийн залуу төрийн тэргүүнүүдийн нэг, Оксфордын боловсролтой эдийн засагч, Европын сэргээн босголт, хөгжлийн банкны мэргэжилтнээс Ерөнхийлөгчийн суудалд хүрсэн улс төрч бол Монтенегро Улсын Ерөнхийлөгч Яков Милатович юм.

Тэрбээр 1986 оны арванхоёрдугаар сарын 7-нд Монтенегрогийн нийслэл Подгорицад төржээ. Төрөлх хотдоо ерөнхий боловсролын сургууль болон Монтенегрогийн их сургуулийн Эдийн засгийн факультетийг төгссөн бөгөөд оюутан байх үеэсээ гадаадын олон тэтгэлэгт хөтөлбөрт хамрагдсан байна. АНУ-ын Засгийн газрын тэтгэлгээр Иллинойс мужийн их сургуульд нэг хичээлийн жил суралцаж, Австрийн Засгийн газрын тэтгэлгээр Венийн Эдийн засаг, бизнесийн их сургуульд, Европын комиссын дэмжлэгээр Ромын Ла Сапиенза их сургуульд тус тус суралцжээ. Улмаар Их Британийн Засгийн газрын тэтгэлгээр Оксфордын их сургуульд эдийн засгийн чиглэлээр магистрын зэрэг хамгаалсан байна.

 

Милатович улс төрд орохоосоо өмнө банк, санхүүгийн салбарт ажиллаж байв. Ажлын гараагаа Подгорица дахь NLB банкнаас эхлүүлж, улмаар Германы Франкфурт хот дахь Deutsche Bank-д Төв болон Зүүн Европын орнуудын зээлийн эрсдэлийн чиглэлээр ажиллажээ.

 

2014 оноос Европын сэргээн босголт, хөгжлийн банк буюу EBRD-д ажиллаж, Зүүн өмнөд Европ болон Баруун Балканы орнуудын эдийн засаг, улс төрийн нөхцөл байдалд дүн шинжилгээ хийх болсон байна. 2018-2020 онд Бухарест хотод суурилан Румын, Болгар, Хорват, Словени зэрэг Европын Холбооны гишүүн орнуудыг хариуцсан ахлах эдийн засагчаар ажиллажээ. Яков Милатовичийн улс төрийн замнал харьцангуй богино. 2020 оны арванхоёрдугаар сард Монтенегрогийн Засгийн газрын Эдийн засгийн хөгжлийн сайдаар томилогдсоноор мэргэжлийн эдийн засагчаас улс төрч болох замнал нь эхэлсэн юм.

 

Сайдаар ажиллахдаа тухайн үеийн Сангийн сайд Милойко Спайичийн хамт иргэдийн орлогыг нэмэгдүүлэх, хөдөлмөрийн татварын ачааллыг бууруулахад чиглэсэн “Europe Now!” эдийн засгийн шинэчлэлийн хөтөлбөрөөр олонд танигдсан. Улмаар 2022 оны зургаадугаар сард тэд “Europe Now!” буюу “Европ одоо!” улс төрийн хөдөлгөөнийг байгуулжээ.

 

Шинэ хөдөлгөөн богино хугацаанд Монтенегрогийн улс төрийн томоохон хүчин болон гарч ирэв. Милатовичийн удирдсан жагсаалт нийслэл Подгорицагийн орон нутгийн сонгуульд амжилт үзүүлсэн нь түүнийг Ерөнхийлөгчийн сонгуульд өрсөлдөх улс төрийн тавцанд гаргасан байна. 2023 оны Ерөнхийлөгчийн сонгууль түүний төдийгүй Монтенегрогийн орчин үеийн улс төрийн түүхэнд томоохон эргэлт авчрав. Милатович сонгуулийн хоёрдугаар шатанд тус улсын улс төрд 30 гаруй жилийн турш голлох нөлөө үзүүлсэн Мило Жукановичийг ялж, 36 настайдаа Монтенегрогийн Ерөнхийлөгчөөр сонгогджээ. Тэрбээр 2023 оны тавдугаар сарын 20-нд албан тушаалдаа орсон юм. Энэ ялалт нь нэг улстөрч нөгөөгөө ялсан жирийн сонгуулиас илүү утга агуулж байлаа. Мило Жуканович 1990-ээд оноос хойш Ерөнхийлөгч, Ерөнхий сайдын албан тушаалыг ээлжлэн хашиж, Монтенегрогийн улс төрийн гол дүр байв. Тиймээс Милатовичийн ялалт тус улсын улс төрд үе солигдсоны нэгэн бэлгэдэл болсон юм.

 

Милатовичийг уламжлалт утгаар баруун эсвэл зүүний улс төрч гэхээс илүү эдийн засгийн шинэчлэл, институцийн хөгжил, Европын интеграцыг гол зорилгоо болгосон шинэ үеийн улс төрч гэж тодорхойлж болно. Түүний гадаад бодлогын хамгийн том зорилтын нэг нь Монтенегрог Европын Холбоонд элсүүлэх явдал юм.

 

Тэрбээр Монтенегрог 2028 онд Европын Холбооны 28 дахь гишүүн улс болгох зорилтыг дэвшүүлээд байна. 2026 оны есдүгээр сард Милатович улс орон нь ЕХ-ны гишүүн болоход урьд өмнөхөөсөө илүү ойртсон ч үүний тулд хүчирхэг институц, хууль дээдлэх ёсыг бэхжүүлэх шаардлагатайг онцолжээ. Милатовичийн улс төрийн замналын хамгийн сонирхолтой тал нь түүний хурдтай өсөлт юм. Тэрбээр 2020 он хүртэл олон улсын байгууллагад ажилладаг мэргэжлийн эдийн засагч байлаа. 2020 онд сайд, 2022 онд улс төрийн хөдөлгөөн үүсгэн байгуулагч, 2023 онд Ерөнхийлөгч болов. Өөрөөр хэлбэл, үндэсний хэмжээний улс төрд орсноосоо хойш ердөө гурван жилийн дотор төрийн тэргүүний суудалд хүрсэн байна.

 

Өдгөө Милатович Монтенегрог Европын Холбоонд нэгтгэх, институцийн шинэчлэлийг үргэлжлүүлэх, эдийн засгийн өсөлтийг иргэдийн амьжиргаатай холбохыг улс төрийнхөө гол зорилтуудын нэг болгож байна.

 

Оксфордын боловсролтой эдийн засагч, EBRD-ийн шинжээчээс эхэлсэн түүний замнал ийнхүү Балканы улсын төрийн тэргүүний суудалд хүрчээ. Харин Яков Милатовичийн улс төрийн жинхэнэ өвийг тодорхойлох гол шалгуур нь Монтенегрог Европын Холбоонд элсүүлэх зорилгоо биелүүлж чадах эсэх байх болно. Яков Милатович англи, итали, испани хэлтэй. Гэр бүлтэй, гурван хүүхдийн эцэг юм. Тэрээр Монгол Улсын Ерөнхийлөгч Ухнаагийн Хүрэлсүхийн урилгаар гэргий Милена Милатовичийн хамт 2026 оны 09 дүгээр сарын 08-10-ны өдрүүдэд манай улсад төрийн айлчлал хийж байна.

М.Чойжал

сонин.мн

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

393

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

559

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

597

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

542

БАЙР СУУРЬ: Монгол улсыг Ерөнхийлөгчгүй болгосон 25 сая ам.долларын талаар тэд юуг өгүүлэв

УИХ-ын Эдийн засгийн байнгын хороо өнөөдөр /2026.11.19/ хуралдав. Хуралдааны үеэр УИХ-ын гишүүн Ч.Лодойсамбуу Монголбанкны ерөнхийлөгч С.Наранцогтоос Бодь групптэй холбоотой гэх 110 сая ам.долларын гүйлгээний талаар тодруулж асуулаа. Тэрбээр уг мөнгө банкнаас гарсан эсэх, үүний 25 сая ам.доллар Монгол Улсын Ерөнхийлөгчид очсон гэх мэдээллийн үнэн, худлыг тодрууласан юм. УИХ-ын гишүүн Ч.Лодойсамбуу: Өнөөдөр Монгол Улс Ерөнхийлөгчгүй болох гэж байна. Шалтгаан нь Бодь группын 110 сая ам.доллар банкнаас гараад явсан, үүний 25 сая ам.доллар нь Ерөнхийлөгчид очсон гэдэг мэдээлэл

781400256365b9db8d707224

У.Хүрэлсүх: Намайг Ерөнхийлөгчөөр сонгож, хамт байсан ард түмэндээ чин сэтгэлийн талархал илэрхийлье

Монгол Улсын Ерөнхийлөгч У.Хүрэлсүх өөрийн хүсэлтээр чөлөөлөгдөх хүсэлтийг УИХ-ын чуулганы хуралдаанаар хэлэлцэж байна. УИХ-ын гишүүд асуулт, тодруулга авсны дараа Ерөнхийлөгч үг хэлсний дараа санал хурааж, Монгол Улсын Ерөнхийлөгч У.Хүрэлсүхийг хуралдаанд оролцсон гишүүдийн 92 хувийн саналаар чөлөөлөхийг дэмжив

566


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.