Интерполоор эрэн сурвалжилж байгаа 17 монгол иргэн БНСУ-д оршин сууж байна

БНСУ-ын Цагдаагийн байгууллагаас энэ наймдугаар сарын 12-ны өдрийн байдлаар гадаад улсад гэмт хэрэг үйлдсэн гэх үндэслэлээр олон улсын хэмжээнд эрэн сурвалжлагдаж буй 110 гадаадын иргэн БНСУ-д оршин сууж байгааг мэдээлсэн бөгөөд тэдний 17 нь Монгол Улсын иргэн юм.

Энэ үзүүлэлтээр Монгол Улс Узбекистаны дараа 3-р байрт орж байгаа бөгөөд нийт эрэн сурвалжлагдаж буй гадаадын иргэдийн 15.5 орчим хувийг Монголын иргэд эзэлж байна.

Харьцуулбал:

 Хятад — 40

 Узбекистан — 19

 Монгол — 17

 Вьетнам — 13

 Казахстан — 8

 ОХУ — 7

 Киргизстан — 2

 Ямар хэргээр эрэн сурвалжилж байна вэ?

Нийт 110 хүний дунд хамгийн олон нь:

 Залилан — 47

 Мансууруулах бодистой холбоотой хэрэг — 7

 Хулгай — 5

 Замын хөдөлгөөнтэй холбоотой зөрчил — 5

 Бие махбодод гэмтэл учруулсан — 5

 Хүч хэрэглэсэн хэрэг — 5

 Энэ онд гадаадын улс орнуудад оргон зайлсан, эрэн сурвалжлагдаж байсан нийт 37 этгээдийн байршлыг тогтоож Монгол Улсад авчирсан бөгөөд үүнээс 16 иргэнийг БНСУ-аас авчирсан. Дээрх яллагдагч этгээдүүдэд холбогдох хэргүүдийн мөрдөн шалгах ажиллагаа үргэлжилж байна. Цаашид Интерполын шугамаар эрэн сурвалжлагдаж буй этгээдүүдийн БНСУ-д байршлыг тогтоох, холбогдох мэдээллийг шуурхай солилцох, баривчлуулах болон Монгол Улсад шилжүүлэн авах ажиллагааг тус улсын Интерполтой хамтран тогтмол хэрэгжүүлнэ гэлээ.