2211-р сар, 2026Ням гараг

Батлуттай дайнд орвол 30 минут л тэсэх юм байна

10 сар 7. 11:053 мин унших

Бүгд Найрамдах Өмнөд Судан Улсад явагдаж буй НҮБ-ын мандаттай энхийг сахиулах ажиллагаанд үүрэг гүйцэтгэх Монголын багийнхан замдаа гацаж, онгоцондоо 48 цаг сууж байгаад буцаж ирсэн талаар бид өмнө нь мэдээлсэн билээ. Хэдийгээр одоо тэр багийнхан Суданд очоод байгаа боловч наана нь яагаад ийм хэрэг явдал болсон талаар таг чиг. Бараг нуугаад өнгөрч байгаа бололтой.

Албаны эх сурвалжаас асууж тодруулахад “Тухайн бүс нутгийн цаг агаарын нөхцөл байдал эсвэл МИАТ болон НҮБ-ын нислэгийн зөвшөөрөл, зохицуулалтаас шалтгаалсан саатал гарч болно. Агаарын хилийн зөвшөөрөл ирээгүй байсан. Энхийг сахиулагчдад хүндрэл бэрхшээл гараагүй. Өмнө нь ийм тохиолдол огт гарч байгаагүй. Энхийг сахиулагчдын ээлж солилцох, ажиллагааны бүс рүү зорчих хөдөлгөөн нь НҮБ-ын нэгдсэн зохион байгуулалт, батлагдсан төлөвлөгөө, нислэгийн хуваарийн дагуу явагддаг. Зэвсэгт хүчний жанжин штаб болон Батлан хамгаалах яамнаас энэ тал дээр тогтмол хяналт тавин ажиллаж байгаа” гэсэн байсан. Бараг л сүртэй юм болоогүй гэсэн янзтай.

Гэтэл бүхэл бүтэн онгоц дүүрэн энхийг сахиулах багийнхан өөр улсын хил дээр 48 цаг саатна гэдэг Монгол Улсын Батлан хамгаалах яам ямархуу янз төрхтэй ажиллаж байгаагийн тод баримт юм. Арав гаруй цаг онгоцоор нисэж очоод, өөр улсын хил дээр онгоцноосоо ч буулгүй 48 цаг сууна гэдэг энгийн хүнд бол сэтгэл санаа, бие физиологид маш хүнд тусна. Харин үүнийг “Энхийг сахиулагчдад бол хүндрэл бэрхшээл биш” гэж албаныхан үздэг юм байна.

Тэгвэл цэрэг, армийн бүх ажиллагаа нь тогтсон дэг сургуультай, түүнийг ягштал биелүүлэх дүрэм заавартайгаа байдаг биз дээ. Ялангуяа олон улсын энхийг сахиулах ажиллагаанд оролцох баг бүрэлдэхүүн гэнэтийн ийм байдалд орж, 48 цаг онгоцондоо гацна гэдэг Батлан хамгаалах яамныхан, түүнийг толгойлж байгаа сайд Д.Батлут нь ажлаа хийж чадаагүйн баталгаа болж байна. Энхийг сахиулах багийнхны Судан хүртэлх хугацааг цаг минутаар нь төлөвлөж, гарч болох хүндрэл бэрхшээлийг урьдчилан тооцож, асуудлыг шийдэх баг бүрэлдэхүүн, авах хэмжээний хурд Д.Батлут сайд болон албатуудад нь алга. Өнгөрсөн борооны араас цув нөмрөв гэгчээр бүх зүйл болж дууссаны дараа яам нь сүрхий хяналт тавин ажиллаж байгаа юм байна.

Ийм Батлан хамгаалахын сайд, ийм яамны албаттай байхын хэрэг байна уу. “Өмнө нь ийм тохиолдол огт гарч байгаагүй” гэж гайхуулсан байх юм. Өмнө нь ч, одоо ч, дараа нь ч ийм байдал гаргахгүйн төлөө ажиллах ёстой баймаар. Нэг зүйлийг олон удаа хийхээр бүр л төгс төгөлдөр болдог атал манайд эсрэгээрээ болох юм. “Ирж л байдаг, явж л байдаг энхийг сахиулагчид” гэдэг байдлаар ажилдаа хайнга ханджээ. Өнөө сүрхий цэргийн хяналт, төлөвлөлт хаана байна вэ. Эсвэл Д.Батлут сайдын өнгөн дээр батлан хамгаалах салбарын ажил ингэтлээ, уланд ортлоо унав уу.

Энэ янзаараа бол муу зүйл боллоо гэхэд Д.Батлуттай дайнд орвол 30 минут л тэсвэл их юм байна.

Д.Ариун

ӨДРИЙН СОНИН

Энэ мэдээ танд ямар мэдрэмж төрүүлж байна?

Санал болгох

ЗГХЭГ-ын даргаар яригдаж буй Б.Бат-Эрдэнэ: Би туршлагатай тул ажилтайгаа танилцаж хугацаа алдахгүй, шууд ажилдаа орно

МАН-ын Удирдах зөвлөл өчигдөр /2026.11.19/ цахимаар хуралдаж, ЗГХЭГ-ын даргад УИХ-ын гишүүн Б.Бат-Эрдэнийг дэмжсэн талаар бид өмнө мэдээлсэн билээ. Тэрээр цаг үеийн асуудлаар өнөөдөр /2026.11.20/ сэтгүүлчдэд мэдээлэл өглөө. Засгийн газрын Хэрэг эрхлэх газар нь Засгийн газраас хэрэгжүүлж буй бодлого, хөтөлбөрийг ард иргэдэд зөв, оновчтой хүргэх үүрэгтэй. Өнөөдөр Засгийн газраас олон шийдвэр гаргаж, төсөв хөрөнгийг нь баталж, хууль эрх зүйн орчныг нь бүрдүүлж байгаа ч тэдгээрийн хэрэгжилтийг хангах асуудал хамгийн чухал байна. Ерөнхий сайдын дэвшүүлж буй "Чөлөөлье" бодлого, концепцийн хувьд маш зөв гэж анхнаасаа үзэж ирсэн

1 417

С.Бямбацогт: Ерөнхийлөгчийн сонгуульд нэр дэвшихгүй гэдгээ УИХ-ын дарга болохдоо тодорхой хэлсэн

УИХ-ын дарга С.Бямбацогт "Монгол Улсын Ерөнхийлөгч У.Хүрэлсүх өөрийн хүсэлтээр ажлаа хүлээлгэн өглөө. Үүнтэй холбоотойгоор 1993 онд батлагдсан Ерөнхийлөгчийн тухай хуульд холбогдох заалтууд бий. Мөн Үндсэн хуульд ч энэ асуудлыг зохицуулсан холбогдох заалтууд байдаг. Үүний дагуу УИХ-ын дарга Ерөнхийлөгчийн үүрэгт ажлыг түр орлон гүйцэтгэхээр хуульчилсан байдаг

1 539

ФОТО: Монгол Улсын Ерөнхийлөгчийг үдэн гаргах ёслол боллоо

Ийнхүү өнөөдөр /2026.11.20/ Ерөнхийлөгч асан Ухнаагийн Хүрэлсүх УИХ-ын дарга С.Бямбацогтод Төрийн тамгыг хүлээлгэн өглөө. Мөн жанжин Д.Сүхбаатарын талбайд түүнийг хүндэтгэн үдэх ёслолын арга хэмжээ боллоо.

1 518

“Эмээгийн алдар” одонтой болъё

Монголын нийгэм дэх эмэгтэй хүний үүрэг, хариуцлага, гавъяа, зүтгэлийн талаар л ярилцъя: Эмэгтэйчүүд маань - Хүүхэд насандаа, охин цагаасаа л ээжийнхээ туслах, баруун гар нь, гэр орны бүх ажилд оролцно. Сурагч, оюутан насандаа ч мөн л тийм

704

С.Бямбацогтыг хэн гэж дуудах вэ, бас намаасаа татгалзчихлаар яах вэ

УИХ-ын дарга Ерөнхийлөгчийн бүрэн эрхийг хэрэгжүүлнэ гэж зааснаас бус Ерөнхийлөгч УИХ-ын чуулганыг удирдана гэдэг заалт байхгүй. Тийм учраас Ерөнхийлөгчийн бүрэн эрхийг хэрэгжүүлж байгаа УИХ-ын дарга Ерөнхийлөгчийнхөө бүрэн эрхийг хэрэгжүүлээд явж болно. УИХ-ыг хоёр дэд даргын нэг удирдаад явах нь Үндсэн хуультай зөрчилдөхгүй” гэв. Тэгэхлээр бараг л шууд ерөнхийлөгч болох нь гэсэн үг байх нь. УИХ-тай хамаарахгүй болж хувирах аж.

784


Сэтгэгдэл 0

550

Хууль зүйн болон ёс суртахууны хэм хэмжээг баримтална уу. Ёс бус сэтгэгдлийг админ устгана. Сэтгэгдэлд манай байгууллага хариуцлага хүлээхгүй.

Одоогоор сэтгэгдэл алга. Анхны сэтгэгдлийг та бичээрэй.

google+

© 2007 - 2026 он. MGL Media Group бүтээсэн.