Зах руу явахаа больё: Хүнсийг үйлдвэрээс шууд хаалган дээр тань

Бямба гарагийн өглөө. Захын үүдэнд машины дараалал үргэлжилж, зогсоол олдохгүй. Худалдан авагчид шуудай гурил, будаа, тос үүрсээр дараалан алхаж харагдана. Нийслэлийн олон зуун мянган өрхийн хувьд энэ бол сард нэг, хоёр удаа заавал давтагддаг ажил: нэг удаагийн явалтад гурваас таван цаг зарцуулж, И-баримтгүй худалдан авалт хийж, ядарсаар гэртээ ирдэг. Энгийн л нэг худалдан авалт мэт.

Гэвч үүнийг нарийвчлан задлаад үзвэл бидний ихэнх нь анзаардаггүй хэд хэдэн зүйл бий. Хүнсээ ийм замаар цуглуулах нь барааны үнээс гадна цаг, мөнгө, хүч хөдөлмөрийн далд зардлыг дагуулдаг.

Нэг удаагийн явалт хэд вэ?

Энгийн жишээ авъя. Захаас 2–3 км зайд амьдардаг, сард нэг удаа зах ордог өрх байна гэж бодъё. Барааныхаа үнийг тооцохгүйгээр зөвхөн явалтын зардлыг тоолбол:

Үүн дээр захад очиход худалдагч бүрийн үнэ өөр өөр байдаг тул хайж, харьцуулах гэж дахин цаг алдана. Ихэнх лангуу И-баримт өгдөггүй. Худалдан авалтаа хийсний дараа овортой, хүнд бараагаа машиндаа ачиж, гэртээ хүргээд, өөрөө өргөж оруулна.

Сард нэг удаа явахад л энэ далд зардал жилд 324,000 төгрөг, 36–60 цаг болж хуримтлагдана. Сард хоёр удаа явдаг өрхийн хувьд 648,000 төгрөг, 72–120 цаг буюу бүтэн долоо хоногийн ажлын цагтай тэнцэхүйц хугацаа.

Барааны үнэ өөрөө ч олон давхар. Үйлдвэрлэгч, импортлогч бараагаа зах руу тээвэрлэж, ачиж буулгана. Захын худалдагч лангууны түрээс, татвар, тээврийн зардал, өөрийн ашгаа нэмнэ. Дэлгүүр түүн дээр дахин нэмэгдэл тавина. Эцэст нь хэрэглэгч эдгээр бүх нэмэгдлийн нийлбэрийг нэг үнэ болгон төлдөг.

Ерөнхийд нь харвал бөөний худалдаанаас зах руу шилжихэд үнэ ойролцоогоор 20 хувиар, захаас дэлгүүрт очиход дахин 25 хувиар өсдөг. Тээвэр, ачилт буулгалтын зардлыг нэмбэл хэрэглэгч үйлдвэрийн үнээс 45–55 хувиар илүү төлж байна гэсэн үг.

УЛАМЖЛАЛТ НИЙЛҮҮЛЭЛТИЙН ГИНЖ

Нийт нэмэгдэл: +45–55% · И-баримт ихэнхдээ байхгүй · 3–5 цаг зарцуулна

Далд зардлыг бууруулах шийдэл

Энэ асуудлыг шийдэх нэг хувилбар нь нийслэлд үйлчилж эхэлсэн OLI MAX платформ юм. OLI MAX аппликейшнийг Текбайс ХХК хөгжүүлж байна. Санаа нь энгийн: үйлдвэрлэгч болон импортлогчоос барааг шууд авч, дундын дамжлагыг алгасаад хэрэглэгчийн хаалган дээр хүргэх.

Үйлчилгээний гол зорилго нь хэрэглэгчийн анзаардаггүй, үрэгдэж буй далд зардлыг бууруулах. Нэгдүгээрт, захын дамжлагын нэмэгдэл байхгүй тул барааны үнэ буурна. Хоёрдугаарт, бензин, зогсоол, замын хоол, алдсан цаг зэрэг явалтын 27,000 ₮-ийн зардал барааны хэмжээнээс үл хамаарах 10,000 ₮-ийн хүргэлтийн төлбөрөөр солигдоно. Гуравдугаарт, хүнд бараагаа өөрөө зөөх шаардлагагүй болж, И-баримтаа авна.

Захиалгаас хүргэлт хүртэл

OLI MAX аппликейшнээр ажилладаг. Хэрэглэгч гурил, будаа, ургамлын тос, майонез, мөн саяхнаас нэмэгдсэн хүнсний ногоогоо утаснаасаа захиалж, QPay-ээр төлнө. Захиалга өгөхөд хэдхэн минут л зарцуулна.

Хүргэлтийн төлбөр нь барааны хэмжээнээс үл хамааран 10,000 ₮. Нэг шуудай гурил захиалсан ч, байгууллагын сарын хүнсээ бүтнээр нь захиалсан ч төлбөр ижил. Захиалсан бараа хаалган дээр тань шуурхай хүргэгдэнэ. Жолооч нар захиалгыг Uber-ийн загвартай системээр хүлээн авч, маршрутаа төлөвлөдөг.

Байгууллагуудад ямар ач холбогдолтой вэ?

Ресторан, цайны газар, сургууль, цэцэрлэг, эмнэлэг, ажилчдын хоолны газрын хувьд асуудал бүр том. Тэд сард дунджаар 4–10 сая төгрөгийн хүнс худалдан авдаг ч захаас авсан бараанд И-баримт авах боломж хязгаарлагдмал тул зардлаа нягтлан бодох бүртгэлд зөв тусгахад хүндрэлтэй.

Ийм байгууллагуудын хувьд И-баримттай, тогтмол хуваарьтай нийлүүлэлт нь үнийн хэмнэлтээс дутахгүй чухал. Тогооч, нярав захаар явж цагаа үрэхгүй, нягтлан бодогч баримтаа цэгцтэй авна. Эмнэлэг, ресторан зэрэг байгууллагууд энэ үйлчилгээг аль хэдийн ашиглаж эхэлжээ.

Үйлдвэрлэгч, импортлогчдод ч ашигтай

OLI MAX зөвхөн хэрэглэгчийн талд бус, нийлүүлэлтийн гинжийн нөгөө үзүүрт байгаа үйлдвэрлэгч, импортлогчдод ч шийдэл санал болгож байна. OLI MAX апп нь тэдэнд өрх рүү хүргэх B2C болон байгууллага руу хүргэх B2B хүргэлтийн шийдлийг нэг дор олгодог.

Өнөөдөр үйлдвэрлэгч, импортлогч бараагаа хэрэглэгчид хүргэхийн тулд зах, бөөний төв, дэлгүүр гэх олон зуучид түшиглэдэг. Бараагаа зах руу тээвэрлэх, ачиж буулгах, олон жижиг худалдагчтай тооцоо нийлэх нь тэдний хувьд ч мөн нэмэлт зардал. Өөрийн хүргэлтийн парк, борлуулалтын сүлжээ байгуулах нь бүр ч өндөр өртөгтэй.

OLI MAX-аар дамжуулан үйлдвэрлэгч, импортлогч өөрийн хүргэлтийн парк, жижиглэн худалдааны сүлжээгүйгээр эцсийн хэрэглэгч болох өрх, ресторан, сургууль, эмнэлэгт шууд хүрэх боломжтой болж байна. Дундын дамжлага цөөрөх тусам тээвэр, ачилт буулгалт, зуучлалын зардал буурч, үйлдвэрлэгч ч зардлаа хэмнэнэ. Үр дүнд нь хэрэглэгч хямд үнэ, нийлүүлэгч тогтвортой борлуулалттай болж, хоёр тал хоёулаа хождог загвар бий болж байна.

Анхаарах зүйлс:

Шинэ үйлчилгээ бүрийн адил анхаарах зүйл бий. Монгол хэрэглэгч хүнсээ «нүдээр харж, гараар сонгож» авах дадалтай тул онлайн захиалгад итгэл бий болоход цаг хугацаа шаардлагатай. Хүнсний ногоо зэрэг шинэ бүтээгдэхүүний чанарыг хүргэлтээр хэрхэн баталгаажуулах нь хэрэглэгчдийн хамгийн их сонирхох асуулт байх болов уу.

Зах зээлд хүнс, хоол хүргэлтийн үйлчилгээ олон бий. Харин OLI MAX бөөний хэмжээний үндсэн хүнсийг үйлдвэрийн үнэд ойр хүргэх чиглэлээрээ бусдаас ялгарч байна.

Нийслэлд улсын хүн амын бараг тал нь амьдарч, замын түгжрэл жил ирэх тусам нэмэгдсээр байна. Ийм нөхцөлд хүнсээ авах гэж хэдэн цаг зарцуулах нь өрх, байгууллагын аль алинд улам үнэтэй болж байна.

Дараагийн удаа зах руу гарахаасаа өмнө нэг асуулт тавиад үзээрэй: энэ явалт надад үнэндээ хэдэд тусаж байна вэ? Хариулт нь таныг гайхшруулж магадгүй. Харин захын дараалал, түгжрэл, баримтгүй худалдан авалтын оронд утасны хэдэн товшилтоор хүнсээ хаалган дээрээ авах сонголт аль хэдийн бий болжээ.