Италийн дизайны чиг хандлагаас сэдэвлэсэн 40 гаруй шинэ загварыг Kitchen ALL танилцуулж байна

Италийн дизайны чиг хандлагаас сэдэвлэсэн 40 гаруй шинэ загварыг Kitchen ALL танилцуулж байна

Өнгө, материал, хийцийн сонголтоор гэрийн орон зайгаа өөрчлөхийг хүсэж буй хүмүүст Kitchen ALL брэнд шинэ загваруудаа танилцуулж байна. Тус брэндийн Тавилга Плазагийн 2–3-р давхарт байрлах шинэ шоурумд 2026 онд Италид танилцуулагдсан загваруудаас сэдэвлэсэн, орчин үеийн чиг хандлагыг тусгасан 40 гаруй шинэ загварыг дэлгэжээ.

Дизайны санааг бодитоор харах орон зай

Зураг дээр таалагдсан өнгө, материал бодит орчинд хэрхэн харагдах вэ? Өөр өөр гадаргуу, хийцийг хамтад нь сонговол ямар зохицол үүсэх вэ? Шинэ шоурумд хэрэглэгчид эдгээрийг биечлэн харьцуулж, гал тогоо болон өрөөний тавилгын шийдлүүдийг ойроос үзэх боломжтой.

Загварыг бүхэлд нь харахын зэрэгцээ материалын өнгө, гадаргуу, хийцийн ялгааг ажиглах нь гэртээ хэрэгжүүлэх санаагаа тодруулахад тусална. Мэргэжлийн зөвлөхтэй ярилцан, сонирхсон загвараа өрөөний хэмжээ, өдөр тутмын хэрэглээндээ хэрхэн нийцүүлэхийг төлөвлөх боломжийг ч бүрдүүлжээ.

Цувралаар танилцуулах шинэ загварууд

Kitchen ALL шинэ шоурумынхаа загварын сонголтыг цаашид ч өргөжүүлж, олон шинэ загварыг цувралаар танилцуулахаар төлөвлөж байна. Ингэснээр хэрэглэгчид гэрийнхээ орон зайд тохирох шийдлийг шинэ загваруудтай харьцуулан сонгох боломжтой болох юм.

Тус брэнд 2001 онд тавилгын худалдаанаас үйл ажиллагаагаа эхлүүлж, улмаар дизайн хөгжүүлэлт, үйлдвэрлэл, угсралтыг нэгтгэсэн үндэсний үйлдвэрлэгч болон өргөжжээ. Тус брэнд 25 жилийн ойгоо тохиолдуулан шинэ шоурумынхаа албан ёсны нээлтийг өнөөдөр буюу аравдугаар сарын 30-нд хийхээр болжээ.

Шинэ шоурум: Тавилга Плаза, 2–3-р давхар.