VIP Ярилцлага

С.Сэрчмаа: Валентины баяраар хүмүүсийн сэтгэлд хоногшсон бүтээлээсээ хүргэнэ2 сар 13. 13:05

Гэгээн хайрын баяраар хосууддаа уран бүтээлээ хүргэхээр зэхэж буй поп дива С.Сэрчмаатай цөөн хором ярилцлаа. “Freezone” хамтлагийн дуучин Э.Энхтөртэй хамтарсан тоглолтоо хийх гэж буй тэрбээр саяхан хөгжмийн зохиолч, гитарчин Д.Өлзий-Оршихын үг, ая “Үгүйлэх сэтгэл” дууг сэргээн сонсогч фэнүүддээ хүргэсэн юм.   -Хоёр хоногийн дараа болох тоглолтынхоо сонин сайхнаас хуваалцана уу?   -Гэгээн хайрын баяр буюу хоёрдугаар сарын 14-нд “Freezone” хамтлагийн дуучин Э.Энхтөртэй АСА циркэд хамтарсан тоглолтоо хийхэд бэлэн болоод байна

Т.Өсөх-Ирээдүй: Сар шинийн барилдаанд сайн барилдвал тухайн жилдээ өнгөтэй байдаг2 сар 2. 16:05

БХЯ-ны харьяа “Алдар” спорт хорооны Биеийн тамир, чийрэгжүүлэлтийн төвийн дарга, Монгол улсын харцага, дэд хурандаа Т.Өсөх-Ирээдүйтэй ярилцлаа.   “Алдар” спорт хороотой яаж холбогдсон талаар ярилцлагаа эхлүүлье...   -1998 онд Сэлэнгэ аймгийн ЕБС-ийг төгсөж, Улаанбаатар хотод ирэхдээ “Алдар” спорт хорооны дасгалжуулагч, МУГТ Г.Жамсран багшийнхаа удирдлагад бэлтгэл сургуулилтаа хийх болсон юм. Дугуйланд хамрагдахаасаа өмнө самбо, жүдо бөхийн өсвөрийн улсын аварга шалгаруулах тэмцээнээс алт, мөнгөн медаль хүртчихсэн, чамгүй амжилт үзүүлсэн жил байлаа

Б.Одончимэг: Би аав, багш хоёрынхоо заасан замаар л амьдарч байгаа2 сар 2. 13:55

Энэ удаагийн дугаарын зочноор УДЭТ-ын жүжигчин, Соёлын тэргүүний ажилтан Б.Одончимэгийг урилаа. Тэрээр саяхан Энэтхэгт болсон Физикл жүжгийн тэмцээнд тэргүүн байр эзэлсэн юм.   -Олон улсын фестивалиас тэргүүн байрын шагнал авсанд тань уншигчдынхаа өмнөөс баяр хүргэе?   -Энэтхэгийн Колката хотод болсон “International Theatre 2019” наадамд эхний шатанд бичлэгээ явуулж тэнцсэн

Зурхайч А.Эрдэнэбат: Ерөнхийдөө жилийн ноён нуруу гайгүй гарч байгаа, жилдээ ялимгүй хямралтай1 сар 23. 0:20

Ноён хутагт Д.Данзанравжаагийн нэрэмжит Үржан Шаддүвлин хийдийн зурхайч А.Эрдэнэбаттай ярилцлаа.

Д.Сайнтогтох: Чингис хаан наран тамгыг дээдэлдэг байсан1 сар 15. 12:30

“Урлан” булангийн энэ удаагийн зочноор уран сийлбэрч, багш Д.Сайнтогтохыг урилаа. Тэрээр тамгаа монгол бичгээр сийлж, эвхмэл бичгээр тайлбарлажээ.   -“Монголын сайхан бичигтэн” улсын уралдаанд ирсэн бүтээлээс таны сийлбэрүүд их содон юм аа?   -Би энэ уралдаанд бүтээлийн бус төрөлд оролцож, шагналт байранд шалгарсандаа баяртай байна

Н.Сүхдорж: Соёл, уламжлалаа хадгалж яваарай гэсэн санааг зохиолдоо шингээдэг1 сар 9. 16:07

МЗЭ-ийн шагналт зохиолч, яруу найрагч Нямжавын Сүхдорж  утга зохиолын шилдэг бүтээлд олгодог  “Алтан-Өд”  шагналыг хоёр дахь удаагаа  хүртлээ. Тэрээр 2015 онд “Галдан бошгит” түүхэн зохиолоороо энэ шагналыг хүртэж байсан бол энэ жил   хүүрнэл зохиолын томоохон хэмжээний төрөлд “Өндөр хөхийн унага” роман нь шилдгээр шалгарсан юм

М.Анхцэцэг: "Аливаа юмны шинэ хуудсыг нээнэ гэдэг өөрөө Их хувь зохиол"2018, 12 сар 3. 16:58

Өнөөдөр буюу арванхоёрдугаар сарын 3-ы өдөр Монголын хүндийн өргөлтийн спортын баярын өдөр билээ. Учир нь 2017 оны энэ өдөр алсын Амeрикт Мөнхжанцангийн Анхцэцэг хүндийн спортын түүхэнд шинэ түүх бичиж байлаа

М.Нандинцэцэг "Багшийнхаа хөдөлмөрийг үнэлүүлэхсэн гээд боксдоо өдий болтол үнэнч явж ирлээ2018, 11 сар 30. 16:54

Монгол Улсад боксын спорт үүсэж хөгжсөний 70 энэ жил тохиож байна. Түүхт ойн жилдээ ОУХМ М.Нандинцэцэг Энэтхэг улсад зохиогдсон эмэгтэйчүүдийн ДАШТ-ээс АНХНЫ хүрэл медалийн эзэн болж түүхт ойдоо бэлэг барилаа. 

Мөнгөн мөрдөстэй хосууд2018, 11 сар 24. 11:46

“Цагдаа” эмхтгэлийн 2018 оны 3 дугаарын улирлын дугаарын ярилцлага, нийтлэлүүдээс та бүхэндээ цуврал болгон хүргэж байгаа билээ. Сэтгүүлийнхээ “Харих болоогүй аав” буландаа цаг завгүй ажилладаг цагдаагийн алба хаагчдынхаа төлөөллийг урьдаг

Ж.Сүххуяг: Хүний хайрыг дааж амьдрах ёстойг Даян хааны дүр надад ойлгуулсан2018, 11 сар 20. 12:40

Ард түмэндээ Даян хаан хэмээн хүндлүүлсэн Монгол Улсын гавьяат жүжигчин Ж.Сүххуягтай ярилцлаа. Тэрбээр Н.Островскийн "Болд хэрхэн хатаагдсан нь" жүжгийн Павел Корчагины дүрээр драмын урлагт алтан үсгээр нэрээ бичүүлсэн бол "Мандухай сэцэн хатан" киноны Батмөнх Даян хааны дүрээр кино дэлгэцэнд мөнхөрсөн уран бүтээлч. "Урлаг бол шорлог биш, урлан бол жорлон биш" гэсэн нэгэн аугаа хүмүүний үг бол жүжигчин Ж.Сүххуягийн зарчим юм. Тэрбээр Б.Сумхүү, Ж.Бунтар, Д.Жигмид, Б.Балжинням, Г.Жигжидсүрэн, Ж.Сэлэнгэсүрэн, Г.Доржсамбуу, Мөнхдорж, Б.Баатар нарын үе үеийн шилдэг найруулагчийн бүтээлийг үзэгчдийн сэтгэлд хоногштол бүтээсэн жүжигчин билээ.   -Ард түмний сэтгэлд хоногшсон Батмөнх Даян хааны дүрийг та шалгаруулалтгүй бүтээсэн гэдэг. Энэ сайхан дурсамжаасаа ярилцлагаа эхлүүлье?   -Батмөнх Даян хааны дүрийг 26 настайдаа бүтээж байлаа. Театрт И.Нямгаваа найруулагчийн талархаж явдаг. Шулуухан хэлэхэд драмын урлагт Павел Корчагин, кино урлагт Батмөнх Даян хааны дүр надад жүжигчний алдрыг олгосон. Багш минь шавь нарынхаа уран бүтээлээс гадна амьдралд нь тус дэм болохсон гэж хичээдэг байлаа. Би кино, драмын ангид сурч байхдаа эх орны алтан гурав л авдаг байлаа. Харин дипломын хамгаалалтаа анх "Хайрыг хайрла" жүжгийн гол дүрийг бүтээж байхдаа нэг удаа Г.Доржсамбуу багштай Төв шуудангийн урд таартал "Сүххуяг аа, чи Б.Балжинням найруулагчтай уулз. Чамд тохирох дүр байна" гэв. "Мандухай сэцэн хатан" гэдэг түүхэн кино хийхээр болсон тухай мэдэж байсан. Би "Д.Жигжид найруулагч надад Сатай сайдын туслах, ордны номын санчийн дүр өгнө гэсэн. Театрт гол дүртэй юм чинь кино бригадаар явахгүй" гэлээ. Уг нь "Мандухай сэцэн хатан" киног Төрийн шагналт, найруулагч Д.Жигжид гуай найруулахаар судалгаа хийж байсан билээ. Гэхдээ Б.Балжинням гуай багшийнхаа үйл хэргийг үргэлжлүүлж, сайн найруулсныг хэлэх хэрэгтэй. Би багшийнхаа шахалтаар Б.Балжинням найруулагчтай уулзаж, Батмөнх Даян хааны дүрд шалгаруулалтгүй тоглосон. Хожим сонсох нь ээ, Г.Доржсамбуу багш "Батмөнх Даян хаан манай театрт дүрээрээ ажиллаж байна. Чи Сүххуягийг ав" гэж Б.Балжинням гуайд хэлсэн байсан.   -Уран сайхны кинонд анхны гол дүр бүтээхэд тань Г.Доржсамбуу гуай чухал үүрэг гүйцэтгэсэн байх нь ээ?   -Улсын багшийн дээд сургуулийн кино, драмын ангийн гуравдугаар дамжааны оюутан байхад Г.Доржсамбуу багш уран чадварын хичээл орж билээ. Багш минь ЗХУ-ын Киев хотын Театр, урлагийн дээд сургуулийг төгсч ирээд байв. Би тэр үед онгироо "Би мундаг" гэж цээжээ дэлдсэн нэгэн байлаа. Миний тэр овлигогүй занг Г.Доржсамбуу багш мэдэрч "Энэ хүүхдийг хэрхэн хүмүүжүүлэх вэ" гэж бодсон гэдэг. Багш минь театрын ёс зүйг чанд баримталдаг, шинэ залуу уран бүтээлчдийг үгээрээ биш үйлдлээрээ хүмүүжүүлдэг "ясны" уран бүтээлч байсан. Тухайн үед Монголд байтугай гадаадын их сургууль төгссөн оюутнууд театрт гэрэлтүүлэгч, тайзны туслах ажилтнаар ордог атал би 1982 онд кино, драмын ангийг төгсөөд жүжигчнээр ажилд орж, Н.Островскийн "Болд хэрхэн хатаагдсан нь" жүжгийн Павел Корчагины дүрийг бүтээсэн юм. Энэ дүрээрээ Соёлын яамцы Урлагийн ажилтны холбооноос олгодог "Шилдэг дүр"-ийн шагналыг 1983 онд авсан. Төрийн шагналт, Ардын жүжигчин Э.Оюун гуайн гарын үсэгтэй "Шилдэг дүр"-ийн батламжаа нандигнан хадгалдаг. Надад итгэж гол дүр өгсөн багшдаа удаа онц хамгаалсан даа.   -Ардын жүжигчин Н.Сувд Мандухай хатны дүрээр Төрийн шагнал хүртсэн. Та Даян хааны дүрийг үзэгчдийн сэтгэлд хүртэл бүтээж, 1980-ад онд тайз, дэлгэцийг эзэгнэж явсан атлаа яагаад гавьяат аваагүй юм бэ?    -Тухайн үед гавьяат авах уу, байр авах уу гэж асуусан. Би хоёр өрөө байрыг нь сонгосон юм. "Мандухай сэцэн хатан" кинонд гол дүр бүтээснийхээ төлөө XI хороололд хоёр өрөө байраар шагнуулснаа алдчихгүй амьдарч байна. Намайг архинд ороод байраа алдсан гэж ярьдаг юм билээ. Тийм юм байхгүй. Тухайн үед би "Хэрвээ би гавьяат авбал Г.Доржсамбуу багшийгаа шагнуулна" гэж олон юм ярьсан удаатай. Миний багш Д.Сэдэд, Б.Мөнхдорж, Б.Балжинням, Ж.Бунтар гээд олон хүн байсан. Би алтан үеийн багш нарынхаа хормойноос нь зүүгдэж жүжигчин болсон. Батмөнх Даян хааны дүрээр олны танил болсон. Би өөрийгөө кино од гэж бодож байгаагүй. Театрын эгэл жүжигчин. Гавьяат жүжигчин цолыг 2009 онд авсан. Өөрийгөө хождож гавьяат болсон гэж боддоггүй. Би чинь тэтгэвэрт гараад удаагүй, залуу байна шүү дээ.   -Батмөнх Даян хааны дүрээс гарахад амаргүй байвуу ?   -Хүн бүр л Даян хаан аа гэдэг байлаа. Энэ хүндлэл надад сайныг ч авчирсан, саараар ч нөлөөлсөн. Гэхдээ би уруу татагдсанаа Батмөнх Даян хааны дүрдээ тохох дургүй. Хүний хайрыг дааж амьдрах ёстойг Даян хааны дүр надад ойлгуулсан. Натурт гараад удаагүй байтал Б.Балжинням найруулагч нэг өглөө "Энэ чиний цэргүүд" гээд хуяг дуулга нь гялалзсан 5000 цэрэг заахад би өөртөө ч итгээгүй. Цэргүүдийн дундуур морьтойгоо давхихад "Уухай" хэмээн хашгирч байсан тэр мэдрэмжээр Батмөнх Даян хааны дүрийг бүтээсэн. Энэ киног бүтээхэд хоёр жил зарцуулсан юм. Дүрийн судалгаа хийхэд нэг жил зарцуулсан. Батмөнх Даян хаан гэж ямар хүн байсан талаар эрдэмтэн судлаачид түүх, угсаатны зүй, зан заншил, зэр зэвсэг гээд бүх талын хичээл зааж, тухайн үед гарч байсан гадаадынхны бүтээсэн Монголын тухай түүхэн сэдэвт киног бидэнд үзүүлдэг байлаа. "Мандухай сэцэн хатан" киноны уран бүтээлчдээс насаар хамгийн залуу нь байсан ч бүгд намайг хааны хэмжээнд хүндэлж, дүрдээ ороход сэтгэл зүйгээр дэмжсэн.   -Та театрт хэдэн жил ажиллаж, хэчнээн дүр бүтээв?   -Намайг өдий зэрэгтэй жүжигчин болоход театр нөлөөлсөн. Би 30 орчим жүжигт дүр бүтээсэн. байдаг. Кино, жүжиг гэлтгүй бүгд хамтын бүтээл байдаг болохоор миний бүтээсэн дүр бол хамт олны бүтээл. Тэдгээрээс Павел Корчагины дүрдээ хайртай. Доржоо багш минь намайг хүнд өвчтэй байхад эргэж ирээд "Миний Корчагин үхэж болохгүй" гэж бичээд өгсөн нь зарлиг мэт санагддаг. Би "Мандухай сэцэн хатан" киноны дараа 1987 онд "Хайрыг хайрла" жүжигт тоглож байтал тайз нурж, хүнд бэртсэн. Хэвлийдээ дөрвөн удаа мэс засал хийлгэсэн юм. Гэмтлийн эмнэлэгт жил гаруй хэвтэхэд минь Г.Доржсамбуу, Б.Балжинням, Б.Мөнхдорж, Н.Сувд багш нар минь "Энэ хүн Монголын кино урлагт хэрэгтэй шүү" хэмээн эргэж ирдэг байлаа. Манай урлагийнхан "Чи хөл дэрээ босно шүү. Урлагт хэрэгтэй байна" гэсэн болохоор би сэтгэлийн тэнхээтэй байсан. Театраас гараад гурван сар болж байтал Б.Балжинням багш яриад "Чингис хааны тухай "Мөнх тэнгэрийн хүчин дор" киноны Чилүгэнд тогло. Энэ дүрийг миний хүү л гаргаж чадна" гэв. Харамсалтай нь, би Чилүгэнийг багшийнхаа сэтгэлд хүртэл бүтээж чадаагүй гэж өөрийгөө зэмлэдэг. Харин өөрийнхөө сэтгэлд хүртэл тоглосон. "Мөнх тэнгэрийн хүчин дор" киноны хоёрдугаар найруулагчаар Доржоо багш минь ажиллаж билээ. Одоо намайг гавьяат жүжигчин Ж.Сүххуяг гэж залуучууд таньдаггүй. Би гавьяатын тэмдгээ зүүгээд явахыг хүсдэггүй юм. Хүнээрээ л байхыг хүсдэг. Бидний мэргэжил бол хүн судлал.   -Нийгмийн шуурганд өртөж, Монголд урлаг хэсэг хугацаанд үнэгүйдсэн. Харин одоо сэргэж байна. Энэ хугацаанд урлагаас холдсон шалтгаан тань юу байв?   -Би урлагаас холдоогүй, урлаг ч надаас хөндийрөөгүй. Намайг чимээгүй байсан гэж хүмүүс ярьдаг. Чимээгүй байснаа би тайлбарлах албагүй. Алсаас ажиглаж байсан юм. Урлаг тэр үед золиосонд гарсан шүү дээ. Магадгүй ард түмэнтэйгээ уулзаж, ойр байж чадаагүй байхгүй юу. Зах зээлийн нийгмийн эхэн үед талх хэдэн төгрөг, урлаг хэдэн төгрөг байлаа. Хэн нэгэн шиг "гахай үүрч" ганзгын наймаа хийлгүй урлагийн дуу хоолойг хүмүүст өөрийнхөөрөө хүргэж байсан. Хэвлэлээр миний тухай янз бүрээр л бичлээ. Муу дүрд тоглосон гэж ч муу хэлүүлж үзлээ. Би үр хүүхдийнхээ төлөө зүтгээд, хүн чанараа гээлгүй амьдарсаар ирсэн. Гэхдээ авьяас хэзээ ч тэтгэвэрт гардаггүй. Надад нэг хүн "Урлаг бол шорлог биш, урлан бол жорлон биш" гэж хэлж байлаа. Тийм болохоор би шорлог, жорлон болохыг хүсдэггүй. 1991 онд "Шинэ кино" компанийг байгуулаад найруулагч Ж.Отгонбиндэртэй хамтран найман кинонд туслах найруулагчаар ажилласан. Хөдөө гадаа их явсан. Би урлагаас хөндийрч чадахгүй юм билээ.   -Монголын орчин үеийн кино урлагийг та хэрхэн дүгнэдэг вэ?   -Урлагийг цаг хугацаа, жүжигчдийн үеэр дүгнэдэг. Гэхдээ орчин үед хальсны уран бүтээл дээр ажиллаж үзээгүй залуучууд өөрсдийгөө "Кино хийж байна" гэж ярих нь өрөөсгөл санагддаг. Жүжигчид байна. Гэхдээ сайн зохиол алга. Техникийн суурь болсон боловсруулдаг үйлдвэрээ татан буулгачихаар гар, хөлөө тайруулсан тахир дутуу хүн шиг юмыг кино биш теле зохиомж гэвэл онох биз. Заримдаа сонирхогчийн камераар авсан юм уу гэлтэй хэцүүхэн "кинонцор" кино театраар гарах юм. Нөгөө талаар залуучуудыг буруутгах аргагүй мэт. Киноны павильон, натур байхгүй учраас залуучууд айлын гэрт зураг авахаас өөр яах вэ. Кино бол хөрөнгө, санхүү шаарддаг урлаг.   -Аль ч салбарт нэгэн үеийнхэн гэж бий. Кино, драмын ангийг хамт төгссөн үеийнхнийхээ талаар та дурсамж дэлгэнэ үү?   -Манай ангийг авьяастай, чадварлаг уран бүтээлчид төгссөн. Тухайлбал, Төрийн шагналт, жүжигчин Д.Сосорбарам, Урлагийн гавьяат зүтгэлтэн, найруулагч Ч.Найдандорж, нэрт найруулагч Э.Санчигдан, "Гарын таван хуруу" киноны Сүрэн буюу Я.Оюунцэцэг, мөн уг киноны том ахад тоглосон Баярсайхан бид нэг ангийнхан. Бид Монголын урлагт арав гаруй жил ноёлсон нэг ангийнхан. Одоо ч манайхан эзэгнэж байна. "Намрын халуун өдрүүд" кинонд ангиараа тоглож байснаа мартдаггүй. Багш нар минь биднийг хүн байх урлагт сургасан. Ангийнхан маань одоо ч цөөрч дээ.   -Таныг оюутан байхдаа олон кинонд туслах дүр бүтээсэн гэдэг. "Тань руу нүүж явна" кинонд оюутан байхдаа тоглосон уу?   -Би оюутан байхдаа "Цэрэг эрсийн жирийн өдрүүд", "Үүрийн цолмон", "Хатанбаатар" кинонд туслах дүр бүтээсэн. "Тань руу нүүж явна" кинонд их сургуулиа төгсөөд 1983 онд тоглосон. Төрийн шагналт Бэгзийн Балжинням найруулагчийн бүтээл шүү дээ. Би Б.Балжинням гуайн олон сайхан кинонд гол болон туслах дүр бүтээсэн. Би Б.Балжинням гуайг багш аа, багш намайг миний хүү гэж дууддаг байсан.   -Та Ж.Бунтар, Д.Жигжид, Б.Балжинням тэргүүтэй олон сайхан найруулагчтай ажилласан. Тэдний тухай сайхан дурсамжаасаа хуваалцахгүй юү?   -Би Монголын кино, театрын сор болсон найруулагч, багштай ажилласан азтай хүн. Б.Сумхүү, Ж.Бунтар, Д.Жигжид, Б.Балжинням, Г.Жигжидсүрэн, Ж.Сэлэнгэсүрэн нарын домог болсон найруулагчийн кинонд тоглох хувьтай байжээ. Урлагийн гавьяат зүтгэлтэн Жамьянгийн Бунтар гуай 1977 онд миний тоглосон анхны кино болох "Давааны цаана даваа"-г найруулсан юм. Энэ кинонд тохиолдлоор туслах дүр бүтээсэн. Дараа нь Ж.Бунтар багшийнхаа "Үүрийн цолмон" кинонд тоглож байлаа. 1981 онд "Хатанбаатар" кинонд тоглож байхдаа Урлагийн гавьяат зүтгэлтэн Г.Жигжидсүрэн найруулагчид "Гэрлээс гарлаа" гэж загнуулсан минь санаанаас гардаггүй юм. Найруулагчдаа алгадуулж, үсдүүлэх үе бишгүй бий. Д.Сэдэд багшийнхаа отгон шавь. Багш маань олон шавьтай байсан ч намайг сүүлчийн шавиа гэдэг байлаа. Харин театрт Б.Мөнхдорж, Г.Доржсамбуу, И.Нямгаваа, Б.Баатар, Ч.Найдандорж нарын найруулагчтай хамтран ажилласан. Би Ардын жүжигчин Б.Мөнхдорж найруулагчийн гарын шавь.   -Гарын шавь бэлтгэхсэн гэж боддог уу?   -Өөрөө чадахгүй байж хүнд заана гэж юу байх вэ. Би өөрийгөө ямагт голдог. Урлагийн сургуулиудад цагаар багшлах санал ирдэг л юм. Миний багш Д.Сэдэд гуай "Чи багшлах хэрэггүй" гэж хэлдэг байсан.   -Та сүүлийн үеийн жүжигчдээс хэнийг үнэлж, тоодог вэ?   -Сайн жүжигчин олон байна. Ялангуяа манай драмын театрын жүжигчин, Монгол Улсын гавьяат жүжигчин Ж.Оюундарь, Соёлын тэргүүний ажилтан С.Болд-Эрдэнэ, Г.Амгаланбаатар, Г.Эрдэнэбилэг, найруулагч Н.Наранбаатар нарыг дотроо үнэлж явдаг.     Х.Эрдэнэзаяа Эх сурвалж: "Монголын үнэн" сонин

Өөр өнцгөөс: О.Насанбурмаа "Барилдах бүртээ аавынхаа нэрийг дуудуулах сайхан"2018, 11 сар 15. 17:00

Унгар улсын нийслэл Будапешт хотноо болсон чөлөөт бөхийн ДАШТ-ээс Монгол тамирчин анх удаагаа дөрвөн медалийн эзэн боллоо. Энэхүү бахдам амжилтын эзэн бол Очирбатын Насанбурмаа юм

Ш.Дулмаа: Яруу найрагч шүлгэндээ гунигаа шингээгээд сэгсэрч хаях хэрэгтэй2018, 10 сар 15. 16:12

Хаан найргийн хатан эх Ардын уран зохиолч Ш.Дулмаа ахайтныд зочилж, шинэ оны босгон дээр гаргасан уран бүтээлийнх нь талаар хөөрөлдлөө. Яруу найрагчийн сэтгэлийн орон зай, хүн хүнээрээ байхын ач тусын тухай ч бидний ярилцлага өрнөсөн юм.-Шинэ оны босгон дээр шинэхэн бүтээлээ өлгийдөн авсан танаас уран бүтээлийн талаар асууж ярилцлагаа эхэлье?-Би “Амьдрал хайр дээр тогтдог” гэсэн нэртэй шүлгийн ном гаргалаа

Х.Зандраабайдий: Би арван боть номоо өлгийдөөд авчихсан, цаана нь таван боть хэвлэлтэд бэлэн2018, 10 сар 15. 10:55

Д.ЦЭРЭННАДМИД Монгол Улсын Соёлын гавьяат зүтгэлтэн, зохиолч Хоролын Зандраабайдийтай ярилцлаа.   –Таныг зохиолчдын байгууллагад хамгийн олон жил ажилласан хүн гэдэг юм билээ? -Тийм ээ. Аль 1960 онд Монголын зохиолчдын хороонд ирсэн хүн би мөнөөс мөн

О.Цагаанзам: Монголыг дэлхийд сурталчилдаг язгуур урлагаа төрөөс дэмжих хэрэгтэй2018, 10 сар 10. 12:32

Европын Монгол туургатан болох Халимагийн ард түмний төлөөлөл болсон, нэрт туульч О.ЦАГААНЗАМЫГ Улаанбаатар хотод саатаад буцахад нь уулзлаа. "Жангар" тууль, "Ээж минь" дуугаараа Монголчуудын эчнээ танил болсон түүнтэй туулийн ид шид, Халимагийн ард түмний зовлон жаргалын талаар ярилцсанаа хүргэж байна.   -Намрын налгар өдөр Монгол нутагт ямар хэрэг зоригоор ирэв?   -Элэг нэгт Монгол ахан дүүстээ намрын адаг сарын мэндийг дэвшүүлье

Монгол киноны дэлгээтэй судар буюу Гомбожавын Жигжидсүрэн2018, 10 сар 5. 14:15

  Цаг хугацааг хамгийн хөдөлмөрч бас оюунлаг хүмүүс л эзэгнэдэг гэдэг. Тэгвэл тэдний нэг нь “Хүмүүн судар”  булангийн маань хүндтэй зочин Гомбожавын Жигжидсүрэн мөнөөс мөн юмаа. Нарны хорвоод учир шалтгаангүй юм гэж үгүй

Ягаан сармисыг брэнд болгосон тариаланч Я.Банзрагч2018, 10 сар 1. 13:18

Д.ОЮУНЧИМЭГ Завхан аймгийн Улиастай сумын Улсын аварга тариаланч Я.Банзрагчийг энэ удаагийн “Амьдралын тойрог” буландаа урьсан юм. “Нүүдэл хийгээд тохижиж амжаагүй л байна

Б.Тунгалаг: Үе, үеийн Засгийн газар соёл урлагийг дээрэлхэж ирлээ2018, 9 сар 29. 11:51

 Монголын урлагийн ажилтны холбооны захирал, гавьяат жүжигчин Б.Тунгалагтай ярилцлаа.    –Монголын урлагийн ажилтны холбоо хэмээх нэгэн өрх гал голомтоо бадраагаад 40 гаруй жилийг үджээ? -Манай холбоо орон нутаг бүрт салбар­тай. Үргэлж оволзсон их ажилтай байдаг байгуул­лага

Монгол судлаач Бирталан Агнеш: Монгол бол Чингис хааны цагаан сэтгэлт ард түмэн2018, 7 сар 28. 12:25

Л.САЙХАНСАНАА  Соёл урлагийн их сургууль,  Олон Улсын Монгол Судлалын Холбоотой хамтран “Монголчуудын соёлын ёртөнц: Өв үнэт зүйл, урлаг” сэдэвт олон улсын  монголч эрдэмтдийн ээлжит хурлыг энэ сарын 23-24-ний өдрүүдэд зохион байгууллаа. Энэ үеэр  Олон Улсын Монгол Судлалын Холбооны ерөнхийлөгч, Унгарын Өтвөш Лоранд их сургуулийн Монгол Ба Төв Ази судлалын тэнхимийн эрхлэгч, доктор Бирталан Агнештай ярилцсан юм.  Монгол хэлээр  тод, цэвэрхэн ярьдаг энэ эмэгтэй  манай орныг судлах болсон 30 жилийн хугацаанд олон  удаа хүрэлцэн ирсэн монголчуудын хэзээний  танил билээ. -Таны монгол  судлаач болсон түүхээс ярилцлагаа эхэлье

О.Анужин: Балетгүйгээр би өөрийгөө төсөөлдөггүй2018, 7 сар 27. 11:40

УДБЭТ-ын гоцлол бүжигчин О.Анужинтай ярилцлаа. Үндэсний баяр наадмын өдрүүдэд энгэрээ цоолсон алдартнуудаас хамгийн залуухан гавьяат гэдгээрээ ялгарсан балетчин бүсгүй БНСУ-д 11 дэх удаагаа зохион байгуулагдсан “Korea International Ballet-2018” олон улсын тэмцээнд амжилттай оролцож, алтан медаль хүртээд ирсэн юм

Б.Янжмаа: Нэг аяга кофе нэг харааны бэрхшээлтэй хүнийг ажилтай болгоно2018, 7 сар 23. 7:00

Монголд анх удаа харааны бэрхшээлтэй бариста ажилладаг “Cafe More” кофе шоп саяхан үүд хаалгаа нээсэн юм. Хэдий нийгмийн цөөнх гэж яригддаг ч бусадтай адил чадварлаг ажиллаж, хөдөлмөрлөж чаддаг гэдгээ батлан харуулсан бариста Б.Янжмаатай ярилцлаа.

Шинэ мэдээ

“Оюу толгой” ХХК-ийн санхүүжилтээр барьсан Ханбогд-Оюу толгой чиглэлийн замын нээлт боллоо2 сар 19. 18:33Хамгийн ашигтай бөгөөд найдвартай хөрөнгө оруулалт юу вэ2 сар 19. 18:17Агаарын бохирдлыг бууруулах төлөвлөгөө танилцууллаа2 сар 19. 18:00Польшид Зөвлөлтийн дайчдын 100 орчим хөшөөг буулгажээ2 сар 19. 17:55Улаан дэнлүүний гудамжийг өөрчилнө2 сар 19. 17:50Оросын Приморскийн хязгаарт түймэртэй тэмцэх онцгой дэглэм тогтоожээ2 сар 19. 17:45Иракийн оршин суугч 7 ихэр төрүүлжээ2 сар 19. 17:40Буффон: Хүүе, Нэймараа чи надад тусална гэж амласан биздээ2 сар 19. 17:352021 онд гарах “Batman” кинонд Бен Аффлек тоглохгүй2 сар 19. 17:30Бүх цаг үеийн шилдэг 500 дуу: №370 The Beatles, ‘All You Need is Love’2 сар 19. 17:25Зогисуулах нь амьсгалын дутагдалд оруулж болно2 сар 19. 17:20​Австрали улс үр дүнтэй аргаар ундны усны бохирдолтой тэмцэж байна2 сар 19. 17:07Цаг агаарын урьдчилсан мэдээ2 сар 19. 16:49Мишель Обамагийн хэзээ ч мартахгүй дурсамжаас...2 сар 19. 16:36Маргааш товлогдсон МҮБХ-ны ээлжит “Их Эе” хойшилжээ2 сар 19. 16:36Төрийн албаны зөвлөлөөс уулзалт зохион байгуулж байна2 сар 19. 16:34С.Пүрэвсүрэн: Үл тасрах удам2 сар 19. 16:26М.Цэемаа: Аглагт2 сар 19. 16:26Агуу хүмүүс: Хөдөлмөрийн баатар Гомбын Лодойхүү2 сар 19. 16:11Жүжигчин Д. Ганцэцэг, А. Ганчимэг нар хамтран продакшн байгуулжээ2 сар 19. 16:00Иргэд гялгар уутны оронд "ЯМАР УУТ" хэрэглэхээ мэдэхгүй байна2 сар 19. 15:56Жүжигчин Батаа гурав дахь охиноо өлгийдөн авчээ2 сар 19. 15:4911 тахиа идсэн “хулгайч”-ийг суллажээ2 сар 19. 15:43Хаврыг улиралд арьс арчлах зөвлөгөө2 сар 19. 15:38Террорист халдлагын улмаас 9 хүн амь үрэгджээ2 сар 19. 15:32БНСУ-д оршин сууж буй иргэдийн анхааралд...2 сар 19. 15:27Э.Чулуунчимэг: Тоглолтынхоо дараа бүх аймгаар аялан тоглоно2 сар 19. 15:21NBA “Бүх оддын амралтын өдрүүд (All-star weekend)”-ийн эргэн тойронд2 сар 19. 15:15Уралдааны замд 20 машин оролцсон том осол гарлаа2 сар 19. 15:10Эко гэр2 сар 19. 15:05
© 2008 - 2019 он. Зохиогчийн эрх хуулиар хамгаалагдсан.