VIP Ярилцлага

Б.Бямбабаяр: Мэргэжлийн хөгжмөө хөгжүүлье, дэлхийд гаргая гэж бодож байвал үнэлэмжээ нэмэх хэрэгтэй11 сар 18. 17:00

Хөгжмийн зохиолчдын холбоо, Монголын Зохиолчдын эвлэл, Монголын Урчуудын эвлэл гэдэг улсыг хөтөлж явдаг оюуны гурван салбарыг ТББ болгочихсон. Зүгээр л нэг гуталчдын, талхчдын холбоо гэдэг шиг болгочихсон учраас энэ гурван байгууллагын үүрэг алга болсон. Дээрээс нь Соёлын яамгүй болчихлоо. Тиймээс бүх нийтийн хөгжмийн боловсрол гэдэг юм Монголд уначихсан. 

П.Оюун-Эрдэнэ: "Жинжиймаа" киноны Хонгорзулын дүрд 18 жилийн өмнө тоглож байсан11 сар 18. 8:10

ЖИНЖИЙМАА кино одоогоос 18 жилийн өмнө олон нийтийн хүртээл болсон. Олон хүнд уярал, ухаарал хайрласан тус киногоор олонд танигдсан алаг нүдэн Хонгорзулыг бид энэ удаагийн ярилцлагын буландаа онцоллоо. Тавхан настай байхдаа Хонгорзулын дүрийг бүтээж олон түмний хайр хүндэтгэлийг хүлээж байсан алаг нүдэн охин өдгөө 23 нас хүрч, мэргэжлийн жүжигчин болоод амжжээ.

Б.Пүрэвсүрэн: Мөнгөө төлөхгүй л бол дан хөгжим бичээд миний аялгууг хэн ч тоглохгүй, урлаг ийм болчихсон11 сар 11. 8:00

Монгол түмэн миний дууг дуулж байгааг бодохоор би аялгуутай дуу хийж байгаа болов уу гэж боддог.

С.Соронзонболд: Филармони, дуурийн театр чинь монгол уран бүтээлчид мөнгө хаяхаа больчихсон11 сар 8. 8:00

Тэгээд л Б.Шарав багш өөрийнхөө хажууд авч, намайг бэлтгэсээр байгаад хойшоо сургуульд явуулж өгсөн. Тэгэхээр хойшоо сургуульд явахад анх хөл залгуулсан хүн нь Ц.Энхманлай байсан юм.

П.Баатар: Хойд хөрштэйгээ хамтарч ажиллавал Байгаль нуурт нөлөөгүй усан цахилгаан станц барих бүрэн боломжтой10 сар 15. 8:40

вропт Дунай мөрөн 10 гаруй орны нутаг дэвсгэрийг дамжиж урсдаг. Улс болгон өөрийнхөө хэсэгт усан цахилгаан барьчихсан. Болж л байна. Орос, Монгол хоёр энэ мэт харилцан ойлголцоод,  хамтраад усан цахилгаан станцууд барьж болно доо. Төмөр зам шиг хамтын УЦС байж болох юм.

Ц.Даваасүрэн: Бид хоорондоо тэмцэлдэх биш дэлхий рүү гарч, бусад улсын тамирчидтай өрсөлдөх хэрэгтэй9 сар 30. 11:55

Болгар улсын Пловдив хотноо наймдугаар сарын 24-30-нд  болсон таеквон-догийн мастеруудын ДАШТ-д эрэгтэйчүүдийн 80 кг-ын жинд мөнгөн медаль хүртсэн Ц.Даваасүрэнтэй ярилцлаа.

Зүгээр сууж байхад чинь ч таны бүтээл Amlilt.com сайтад зарагдаж та орлого олно4 сар 20. 18:32

ТА AMJILT.COM САЙТАД МЭДЛЭГЭЭ ХУВААЛЦАЖ, БАС ЗАРЖ МӨНГӨ ОЛООРОЙ   Дэлхий дээр Alibaba.com сайтын гүйлгээ секундэд хэдэн зуун мянгаараа хийгдэж, энэ вэбсайтад хэдэн тэрбум доллар эргэлддэг. Яг үүн шиг мэдлэгийн солилцоо зай завсаргүй явагдаж, хөгшин залуу, баян ядуу хэн ч бай мэдлэгээ түгээж, мэдлэгийн наймаа хийж, заавал их сургуулийн хаалга онголзуулахгүйгээр өөрт шаардлагатай мэдлэгийг олж авч байдаг тийм талбар Монголд бий болжээ. Тэр бол Amjilt.com юм. Alibaba.com эд бараа арилждаг бол Amjilt.com оюуны, мэдлэгийн наймаа, солилцоо хийдэг үндэсний хэмжээний вэбсайт боллоо. Олон жилийн мөрөөдлийнхөө үр дүнгээр монголчууддаа цоо шинэ үндэсний сошиал сүлжээ, шинэхэн платформыг бий болгоод байгаа залууг Ж.Шижир гэдэг. Түүний ярианаас та энэхүү талбарыг нь хэрхэн ашиглахаа, яаж мөнгө олж бодит орлоготой болох, ямар чиглэлээр өөрийгөө хөгжүүлэх зэргээ мэдэж авах болно.   AMJILT.COM БОЛ ХҮН БҮР ХЭРЭГЛЭХЭД ХЯЛБАР СУРГАЛТЫН ПЛАТФОРМ -Amjilt.com сайтыг хүн бүр мэддэг. Гэвч өнөөдрийн сайт маань өмнөхөөсөө огт өөр болжээ. Энэ өөрчлөлтийн талаар сонирхуулаач? Яагаад ийм болгож орхив? -Өмнө нь би сургалтуудынхаа болон хүүхэлдэйн киноныхоо талаар яриа өгч байсан ч Amjilt.com сайтаа нэг ч ярьж байгаагүй юм байна. Сайт маань анх дуу, хөгжим татдаг байж байгаад удалгүй мэдээний сайт болсон. Нийтлэгдсэн мэдээнээс болж хэдэн жилийн өмнө эрх баригчид манай вэбсайтыг богино гэж хэлэхээргүй хугацаагаар хааж байлаа. Манай сэтгүүлч тухайн үед Ерөнхий сайд байсан Н.Алтанхуягтай хамааралтай “Хаан жимс” амралтын газрын бохирын асуудлыг хөндсөнөөс Харилцаа холбооны зохицуулах хороо Amjilt.com сайтыг үг дуугүй хааж, бид хэвлэлийн эрх чөлөөний төлөө тэмцэлд нэгдэж байв. Хэдий

Х.Юүлэхорол: Яг одоо бүжигт ид шунан дурлаж байна4 сар 13. 14:50

/Ази, Номхон далайн бүс нутгийн улсуудын олон улсын мэргэжлийн бүжигчдийн уралдааны Гран при шагналт, Ардын жүжигчин, Төрийн шагналт, ХХ зууны манлай бүжиг дэглэгч Ц.Сэвжидийн нэрэмжит мэргэжлийн бүжигчдийн уралдааны тэргүүн болон дэд байрын шагналт/ ЦДБЭЧ-ын гоцлол бүжигчин, Соёлын тэргүүний ажилтан, ахлагч Х.ЮҮЛЭХОРОЛ   Ярилцлагынхаа эхэнд Таны нэрийн тухай асуумаар санагдаад. Их өвөрмөц, содон

С.Ганболд: Квантун бол Кантагон хэмээх газрын нэр юм4 сар 13. 11:15

Халхын голын байлдаан судлалаараа монголдоо тэргүүлэгч эрдэмтэн, доктор(Ph.D), бэлтгэл хурандаа С.Ганболдтой уулзаж, Халхын голын байлдааны өмнөх болон хойших үеийн тухайд ярилцсанаа уншигч Танаа болгооё.   Халхын гол орчимд байлдаан болсон гол шалтгаан нь юу вэ?   -Тухайн үеийн ЗХУ-ын эрдэмтдийн тодорхойлсноор Халхын голын байлдаан бол япончуудын түрэмгий бодлого байсан гэж үздэг. Япончууд 1938 онд ЗХУ руу довтлох “Байлдааны ажиллагаа №8”-ыг боловсруулсан

Д.Цоодол: Эх орон, өвөг дээдэстээ хэчнээн хайртайг шүлэг, дуулиуд минь нотлох биз ээ4 сар 8. 14:51

Ардын уран зохиолч Дөнгөтийн Цоодол гуайтай уулзаж ярилцахаар тохиролцон нийслэлийн төвөөс 20 орчим километр зайтай Бэлхийг зорилоо. Гэрийнх нь хаягийг тодотгосон боловч нэлээд мунгинав, хэд дахин залгаж утсаар “хөтлүүлж” байж сая нэг олж очлоо

Ц.Цолмон: Хань минь ухааны найруулагч, хүний хайлан байсан юм3 сар 22. 14:00

Нэрт найруулагч Г.Доржсамбуу агсны мэндэлсний 70 насны ой өнөөдөр тохиож байна. УДЭТ-аас эрхэм найруулагчийг дурсаж “Тэнгэр мэднэ” хүндэтгэлийн тоглолтыг зохион байгуулах юм. Энэ үеэр найруулагчийн гэр бүлээс олгодог “Арслан” цомыг уран бүтээлчдэд гардуулах ажээ. Г.Доржсамбуу агсны гэргий, Соёлын тэргүүний ажилтан, жүжигчин Ц.Цолмонг ярилцлагынхаа хойморт урилаа.   -Өнөөдөр таны ханийн төрсөн өдөр тохиож байна. Энэ өдөртэй холбоотой олон сайхан дурсамж танд байдаг байх. Тэртээд үлдсэн дурсамжаас тань яриагаа эхэлье гэж бодлоо?   -Хэрэв хань минь байсан бол 70 нас хүрэх байлаа. Бид чацуу л даа. Өнөөдөр хамтдаа өнгөрүүлсэн дурсамж бүхнээ бодож сууна. Бид 26 жилийг хамтдаа өнгөрүүлж, гурван хүүхдийн эцэг эх болсон. Зөвхөн төрсөн өдөр ч биш баяр бүхнийг ширээ засч, гэр бүлээрээ тэмдэглэдэг байсан үе сэтгэлд тод үлдсэн байна. Бид хоёулаа уран бүтээлч байсан учир шинэ бүтээлийн нээлтээс эхлээд есдүгээр сарын 1, хүүхдүүдээ пионерт элсэхэд хүртэл гэр бүлийн хэмжээнд бяцхан баяр хийдэг байлаа.   -1995 оноос та санаачилж “Арслан” цомыг тухайн жилийн шилдэг уран бүтээлчид өгдөг болсон санагдаж байна. Энэ уламжлал хэдийнэ 24 жил болжээ?   -Манай хүн уран бүтээл хийж байхдаа Буриадын театртай харилцаа холбоотой, ойр дотно байсан юм. Тэгсэн өнгөрөөд жил болж байхад нь тус театраас Г.Доржсамбууд зориулсан дурсамж тоглолт хийсэн. Тэндээс би хүний нутагт миний ханийг ингэж дурсч, хүндэлж байхад бид яагаад эх орондоо байж, хүндэтгэл үзүүлж болохгүй гэж гэдэг санаа авсан юм. Тиймээс 1995 онд “Арслан” театрыг байгуулж, “Арслан” цомыг гардуулах болсон. Сүүлдээ улам өргөжөөд долоон төрлөөр шилдгүүдэд гардуулдаг боллоо. Гэхдээ шагналынхаа үнэ цэнийг бодоод, гурван хүүхдийг нь, тулгын гурван чулууг бэлгэдээд гурван жилд нэг удаа хийхээр төлөвлөсөн юм. Харин сүүлийн жилүүдэд уралдаан тэмцээн олон болсон учир таван жилд нэг удаа хийж байна. Өмнө нь 65 насных нь ойгоор хүндэтгэлийн тоглолт хийж, уран бүтээлчдэд цомоо гардуулсан.   -Г.Доржсамбуу агсны бүхий л уран бүтээлийнх нь ард таны үнэтэй зөвлөгөө дэм болж байсан байх. Гэртээ байхдаа уран бүтээлийн тухай хэр ярилцдаг байв?   -Бидний залуу нас театрт л өнгөрсөн. Би Хүүхэд залуучуудын театрт жүжигчин байлаа. Харин хань минь УДЭТ-т олон уран бүтээл хийсэн дээ. Орой гэртээ ядарчихсан уулзана. Гэхдээ өглөө бүр эртлэн сэрээд орноосоо босолгүй, хоёр цаг уран бүтээл болон гэр бүлийнхээ тухай ярьдагсан. Г.Доржсамбуу манай театрт дөрвөн жүжиг тавьсан байдаг. Харин хэзээ ч надад шууд гол дүр өгч байгаагүй. Хүмүүс эхнэртээ гол дүр өгчихлөө гэх вий гэж эмээдэг байсан байх. Тухайн үед дүр авахын тулд уран сайхны зөвлөлөөр ордог байсан юм. Уран сайхны зөвлөл болохоор энэ дүрийг чинь Ц.Цолмонд л өгнө гээд байдаг. Ингээд би өөрийнх нь саналаар биш уран сайхны зөвлөлийн гишүүдийн дэмжлэгээр ханийнхаа тавьсан жүжгүүдэд гол дүр бүтээх эрхтэй болдог байлаа.   -Нөхрийн хувиар биш найруулагчийн зүгээс та ханиа хэрхэн дүгнэдэг байв. Тухайн үед хамт ажиллаж байсан уран бүтээлчид нь Г.Доржсамбуу гуайгаас их сүррдэг байсан гэх юм билээ?   -Манай зарим найруулагч бэлтгэлийн явцад загнана, уурлана.  Харин Г.Доржсамбуугийн хувьд олон юм ярьдаггүй байсан. Бэлтгэлийн үед дуугүй л харж сууна. Гэхдээ өөрийн арга барилаар жүжигчиддээ санаагаа ойлгуулчихдаг. Тиймээс жүжиг бүрээс нь жүжигчин төрдөг байлаа.   -Ханьтайгаа нэг тайзан дээр найруулагч, жүжигчний хувиар ажиллана гэдэг бас л хүн бүрт тохиохгүй ховор хувь заяа, сонин мэдрэмж байх даа?   -Театр найруулагч хаан байдаг. Жүжигчин түүний хэлснээр л тухайн бүтээлд тоглох ёстой. Тэгэхээр гэр бүлийн хоёр нэг бүтээлд ажиллах их хэцүү. Миний хувьд гэртээ байдаг шигээ чөлөөтэй харьцах эрхгүй. Бас найруулагчаа гээд гүйгээд байх утгагүй. Тиймээс тунг нь тааруулаад л уран бүтээлдээ ажилладаг байлаа.   -Уран бүтээлийнх нь хамгийн анхны үзэгч нь та байсан байх?   -Уран сайхны зөвлөлд үзүүлэхээс өмнө надад үзүүлдэг байсан юм. Би жүжигчин хүн учир сэтгэл хөдлөл ихтэй. Ц.Цолмон аль хэсэгт нь уйлж, инээж байна гээд танддаг байсан гэж хожим нөхөд нь надад дурсамж болгон ярьж билээ.   -Жүжигчнээ ерөөсөө магтдаггүй онцлогтой найруулагч байсан гэдэг?   -Жүжигчнээ хажууд нь ер магтдаггүй байсан. Харин гэртээ ирэхээрээ надад их магтана. Би бодохдоо тэр урмын үг, магтаалаа надад ярихын оронд өөрт нь очоод хэлбэл өнөөх жүжигчинд нь сайхан байхдаа гэж бодох. Гэвч жүжигчнээ хурцлах гэдэг юм уу хажууд нь магтаал урсгадаггүй байсан юм. Найруулагчийн л жүжигчинтэйгээ харьцах арга барил нь байсан байх.   -Ард түмний сэтгэлд Арслангийн дүрээр мөнхөрсөн хүн бол таны хань. Та ч ялгаагүй энэ дүрд нь хайртай байх?   -Б.Балжинням гуай эхнээсээ Арслангийн дүрээ Г.Доржсамбууд зориулсан юм. Харин найруулагч Р.Доржпалам эхэндээ “Тэр чинь хотын хүүхэд. Нээх урт сахал самбаатай энэ дүрд тохирохгүй” гэсэн гэдэг. Манай хүн чинь натурт гарчихсан байхад араас нь очсон. Эхний зураг авалтаар Р.Доржпалам гуайн өнөөх эргэлзээ тайлагдсан гэсэн. Арслан хөдөөний хээгүй, тракторчин. Г.Доржсамбуугаас их хол дүр л дээ. Гэхдээ үзэгчид Арслангаар нь таньж, хүндэлдэг. Энэ хүндлэл л энэ дүрийг хэрхэн бүтээснийх нь том илрэл юм болов уу.   -“Говийн зэрэглээ” киноны натур дээр та очиж байсан уу?   -Тухайн үед кино одооных шиг амархан бүтдэггүй байлаа. Их урт хугацаагаар натурт явна. Би нэг удаа жаахан юм бэлдээд зураг авалт дээр нь очсон. Намайг ирсэн сургаар бүгд цуглаад л. Нэг оройг хөгжилтэй өнгөрүүлсэн санагдаж байна. Б.Балжинням тэр хоёр нэг байранд байсан. Манай хүн хүмүүс гарсны дараа ширээн дороос савтай мах гаргаад ирлээ. Би ч махаа нууж байгаад л надад өгч байгаа юм байх гэж бодсон. Идсэн чинь нэг л зөөлөн. Асуусан чинь ангийн мах гэж байна шүү. Тэгэхээр нь идэхгүй гээд суучихлаа. Тэгсэн Балжаа уурлаад л “Идэхээр яачихаад байгаа юм. Ангийн мах гэж хэлэхгүй л өгчихгүй” гээд нэг их уурлаж билээ. Хөөрхий хань минь надад ховрын юм л амсуулах гэж хадгалсан байж.   -Урлаг та хоёрыг учруулсан гэдэг. Магадгүй тэр өдөр та театр ороогүй бол ханьтайгаа учрахгүй байсан ч юм бил үү. Хүний хувь тавилан гэдэг сонин юм шүү?   -Тухайн үед би оюутан байсан. Тэр өдөр УДЭТ-аас хувцас авахаар очихдоо анх харж билээ. Театрын хувцасны нярав байдаггүй. Үүдэнд хүлээгээд сууж байтал цагаан цувтай залуу дуу аялаад буугаад ирсэн. Би чинь бараг театрын ард өссөн хүүхэд. Тухайн үед театрын уран бүтээлчдийг бүгдийг нь таньдаг байсан. Гэтэл зүс үзээгүй залуу. Жүжигчин С.Сэлэнгэ эгчээс “Энэ хэн бэ” гэж асууж байхыг сонсчихсон юм билээ. Орой нь утас дуугарахаар нь автал “Сайн байна уу Г.Доржсамбуу байна” гэхээр би таньдаггүй. “Ямар Г.Доржсамбуу, би тийм хүн танихгүй” гэтэл “Өдөр чи С.Сэлэнгээ эгчээс намайг театрт шинээр орсон юм уу” гээд асуугаад байсан биз дээ гэж билээ. З.Жарантав гуайгаас манай гэрийн утасны дугаарыг авчихсан байж. Тэр өдрөөс хойш өдөр бүр ярьж, уулзсаар жилийн дараа нэг гэрт орсон доо.   -Таныг хадамдаа нэртэй, ачлалтай сайн бэр байсан гэж хүмүүс ярихыг олон удаа сонсч байлаа?   -Би насаараа хадмындаа амьдарсан хүн. Хадам аав минь манай талийгчаас 10 гаруй жилийн өмнө бурхны оронд одсон юм. Би ханьтайгаа 26 жил амьдарсан хэрнээ хадам ээжтэйгээ 40 жилийг үдсэн. Ээж минь их сургуулийн хажууханд цайны газар ажилладаг байлаа. Хүү нь юу гэж хэлнэ үгээр нь л байдаг байсан даа. Эцсийн амьсгал хураах хүртлээ миний хажууд байсан. Гурван сайхан үрийг минь хүн болгож өгсөн буянтай буурал байлаа.   -Г.Доржсамбуу агсан айлын ганц хүү болж өссөн. Аав ээж нь их эрхлүүлдэг байсан уу?   -Миний хань чинь уг нь таван хүүхэдтэй айлын хоёр дахь нь болж мэндэлсэн юм билээ. Төөрөг тавилангаар л өсгөсөн ижий аавдаа ирж элгийг нь дэвтээсэн гэдэг. Хадам ээж минь гурван удаа төрсөн боловч тогтоогүй юм гэсэн. Тиймээс нутгийнхаа айлаас Г.Доржсамбууг есөн сартай байхад нь ёс журмын дагуу өргөж авсан байдаг. Их хөөрхөн бандгар цагаан хүү байсан гэж дурсдаг байсан. Ямар сайндаа л бид хоёр нэг гэрт ороод том хүүхэд нь төрчихөөд байхад “Эвий миний муу бандгар хүү” гэж ирээд л тэр том залууг чинь эрхлүүлж, үнсэнэ. Эхэндээ би их гайхдаг байсан. Хоёр хөгшин маань газар дээрх ганц нар нь юм шиг л их нандин өсгөсөн юм билээ.   -Анхны хүүхэд төрөхөд шөнө хуурайлахаас эхлээд айл гэрт аз жаргал, ажил нэмэгдэнэ. Хань тань хэр тусладаг байв?   -Хүүхдээ уйлахад сэрнэ. Гэхдээ тэр бүр босохгүй шүү. Би ч босгоё гэж боддоггүй байлаа. Манай гурван хүүхэд театр болон эмээгийнхээ гар дээр л өссөн. Ээжид Г.Доржсамбуу нандин байсан шиг манай гурав ч эмээдээ эрхэм. Цэцэрлэгт ч явуулахгүй гээд өөрөө хардаг байлаа.   -Ханийнхаа ямар зан чанарыг илүү үнэлж, хүндэлдэг байв?   -Ямар ч үед өөрийнхөөрөө байдаг. Хүнийг хайрласан бол хайрласан шиг хайрлаж чаддаг байлаа. Нэг удаа гудамжинд хамт явж байсан чинь нэг согтуу хүнтэй мэндэлж байна. Би гайхаад “Энэ хэн бэ” гэсэн чинь “Миний найз” гэж хариулж билээ. Тийм л энгийн, хүн шиг хүн байсан. Шинэ жил дөхөөд ирэхээр бүтэн цалинтай ирнэ гэж байхгүй. Ихэнхийг нь айлын хүүхдийн ёолкон дээр тавьчихаад инээгээд ороод ирнэ. Намайг баярлуулах их дуртай. Би жимсэнд дуртай. Нэг амралтын өдөр орноосоо босдоггүй. “Хоёулаа босох уу” гэхээр “Босноо” л гэх юм. Гэтэл цонхны хөшиг тогтоодог хэсэгт хэдэн усан үзэм тохчихсон байж л дээ. Түүнийгээ надад харуулах гээд хэвтээд байсан юм билээ.   -Г.Доржсамбуу агсан гэртээ эгэл жирийн аав, их наргианч хүн байсан гэж таны хүү Д.Цогт ярьж байсан?   -Ядарсан нэгнийг хараад өрөвдөөд уйлна шүү дээ. Тэр том биетэй, насанд хүрсэн эр хүн уйлж байна гэхээр сонин санагдах байх. Их өрөвчхөн байсан юм. Хүнийг хэзээ ч ялгаж байгаагүй. Орцны жижүүрээс эхлээд  сайд даргатай ч адилхан нөхөрлөнө. Харин хэлье гэснээ хэнээс ч айхгүй хэлчихдэг шударга хүн байсан даа. Хүүхдүүддээ, оюутнууддаа үргэлж “Хүнтэй муудалцахдаа хүртэл зүрхэндээ эргээд эвлэрэх зай үлдээ” гэж захьдаг байсан. Аавыгаа амарсан өдөр хүүхдүүдийн минь нар нь гарна. Манайх гэж бужигнасан айл байдаг байлаа. Өглөөнөөс эхлээд л хоёр хүүтэйгээ барилдана, ноцолдоно. Манайх анх том өрөөгөөр дамжаад унтлагын өрөөнд ордог байртай байсан юм. Тэр нь дээрээ жижигхэн цонхтой. Тэр цонхоор хүүхэлдэй тоглуулна. Шинэ жилээр өөрөө өвлийн өвгөн болоод бэлэг өгнө. Эргээд бодоход бидний хамт өнгөрүүлсэн 26 жил богинохон юм шиг хэрнээ олон сайхан дурсамжийг сэтгэлд минь үлдээжээ.   -Гэрийнхнийгээ гарынхаа хоолоор дайлдаг байв уу?   -Ер нь намайг байгаа үед гал тогоо руу орохгүй. Харин цуйванг их гоё хийнэ, өөрөө ч дуртай. Гэтэл би дургүй байсан. Өнгөрсөн хойно нь ханьдаа олон сайхан хоол хийж өгсөн хэрнээ ганц удаа ч болтугай дуртай цуйванг нь хийгээд өгчихгүй дээ гэж нэг их харамсч билээ. Манай хүн жилдээ ганц, нэг удаа гал тогоо руу орно. Тэр үедээ их сүртэй. Пирошки, хуушуур хайрах гэж байгаа бол үсээ боогоод л. Хиншүүний үнэр оруулахгүй гэж байгаа юм. Гэхдээ сонгино хэрчихээс эхлээд бүгдийг нь биднээр бэлдүүлнэ. Тэгэхээр нь би “Чи хамаг юмаа надаар бэлдүүлчихээд ямар хоол хийсэн болж байгаа юм” гэж асууна. “Энэ чинь найруулагчийн ажил. Найруулагч хүн тайз, хувцас, хөгжим гээд бүх зүйл бэлэн болсон хойно найруулгаа хийж эхэлдэг биз дээ” гээд хошигнодог байж билээ.   -Одоог хүртэл таны хань сэтгэлд тань их том орон зайг эзэлсээр байгаа юм байна. Таны дурсамж болон нулимснаас мэдрэгдэж байна?   -Одоог хүртэл би ханийнхаа тухай ярихдаа хоолой чичирч, нулимс урсгадаг. Нэг л мэдэхэд бурхны оронд очоод 25 жил болжээ. Энэ хугацаанд надад өөр амьдрал зохиох бодол, хүсэл төрсөнгүй. Яагаад ч юм Г.Доржсамбуу мартагддаггүй хүн юм шиг ээ. Өнөөдрийг хүртэл бодол сэтгэлд минь амьд сэрүүн хэвээр байна. Хань минь уран бүтээлчийнхээ хувьд ухааны найруулагч, хүний хайлан байсан юм. Хүн гэдэг хайртай хүнээ алдсан үедээ л ямар агуу хүн байсныг мэдэрч, үгүйлэх юм даа.     Ч.Гантулга Эх сурвалж: “Зууны мэдээ” сонин

С.Сэрчмаа: Валентины баяраар хүмүүсийн сэтгэлд хоногшсон бүтээлээсээ хүргэнэ2 сар 13. 13:05

Гэгээн хайрын баяраар хосууддаа уран бүтээлээ хүргэхээр зэхэж буй поп дива С.Сэрчмаатай цөөн хором ярилцлаа. “Freezone” хамтлагийн дуучин Э.Энхтөртэй хамтарсан тоглолтоо хийх гэж буй тэрбээр саяхан хөгжмийн зохиолч, гитарчин Д.Өлзий-Оршихын үг, ая “Үгүйлэх сэтгэл” дууг сэргээн сонсогч фэнүүддээ хүргэсэн юм.   -Хоёр хоногийн дараа болох тоглолтынхоо сонин сайхнаас хуваалцана уу?   -Гэгээн хайрын баяр буюу хоёрдугаар сарын 14-нд “Freezone” хамтлагийн дуучин Э.Энхтөртэй АСА циркэд хамтарсан тоглолтоо хийхэд бэлэн болоод байна

Т.Өсөх-Ирээдүй: Сар шинийн барилдаанд сайн барилдвал тухайн жилдээ өнгөтэй байдаг2 сар 2. 16:05

БХЯ-ны харьяа “Алдар” спорт хорооны Биеийн тамир, чийрэгжүүлэлтийн төвийн дарга, Монгол улсын харцага, дэд хурандаа Т.Өсөх-Ирээдүйтэй ярилцлаа.   “Алдар” спорт хороотой яаж холбогдсон талаар ярилцлагаа эхлүүлье...   -1998 онд Сэлэнгэ аймгийн ЕБС-ийг төгсөж, Улаанбаатар хотод ирэхдээ “Алдар” спорт хорооны дасгалжуулагч, МУГТ Г.Жамсран багшийнхаа удирдлагад бэлтгэл сургуулилтаа хийх болсон юм. Дугуйланд хамрагдахаасаа өмнө самбо, жүдо бөхийн өсвөрийн улсын аварга шалгаруулах тэмцээнээс алт, мөнгөн медаль хүртчихсэн, чамгүй амжилт үзүүлсэн жил байлаа

Б.Одончимэг: Би аав, багш хоёрынхоо заасан замаар л амьдарч байгаа2 сар 2. 13:55

Энэ удаагийн дугаарын зочноор УДЭТ-ын жүжигчин, Соёлын тэргүүний ажилтан Б.Одончимэгийг урилаа. Тэрээр саяхан Энэтхэгт болсон Физикл жүжгийн тэмцээнд тэргүүн байр эзэлсэн юм.   -Олон улсын фестивалиас тэргүүн байрын шагнал авсанд тань уншигчдынхаа өмнөөс баяр хүргэе?   -Энэтхэгийн Колката хотод болсон “International Theatre 2019” наадамд эхний шатанд бичлэгээ явуулж тэнцсэн

М.Анхцэцэг: "Аливаа юмны шинэ хуудсыг нээнэ гэдэг өөрөө Их хувь зохиол"2018, 12 сар 3. 16:58

Өнөөдөр буюу арванхоёрдугаар сарын 3-ы өдөр Монголын хүндийн өргөлтийн спортын баярын өдөр билээ. Учир нь 2017 оны энэ өдөр алсын Амeрикт Мөнхжанцангийн Анхцэцэг хүндийн спортын түүхэнд шинэ түүх бичиж байлаа

М.Нандинцэцэг "Багшийнхаа хөдөлмөрийг үнэлүүлэхсэн гээд боксдоо өдий болтол үнэнч явж ирлээ2018, 11 сар 30. 16:54

Монгол Улсад боксын спорт үүсэж хөгжсөний 70 энэ жил тохиож байна. Түүхт ойн жилдээ ОУХМ М.Нандинцэцэг Энэтхэг улсад зохиогдсон эмэгтэйчүүдийн ДАШТ-ээс АНХНЫ хүрэл медалийн эзэн болж түүхт ойдоо бэлэг барилаа. 

Мөнгөн мөрдөстэй хосууд2018, 11 сар 24. 11:46

“Цагдаа” эмхтгэлийн 2018 оны 3 дугаарын улирлын дугаарын ярилцлага, нийтлэлүүдээс та бүхэндээ цуврал болгон хүргэж байгаа билээ. Сэтгүүлийнхээ “Харих болоогүй аав” буландаа цаг завгүй ажилладаг цагдаагийн алба хаагчдынхаа төлөөллийг урьдаг

Ж.Сүххуяг: Хүний хайрыг дааж амьдрах ёстойг Даян хааны дүр надад ойлгуулсан2018, 11 сар 20. 12:40

Ард түмэндээ Даян хаан хэмээн хүндлүүлсэн Монгол Улсын гавьяат жүжигчин Ж.Сүххуягтай ярилцлаа. Тэрбээр Н.Островскийн "Болд хэрхэн хатаагдсан нь" жүжгийн Павел Корчагины дүрээр драмын урлагт алтан үсгээр нэрээ бичүүлсэн бол "Мандухай сэцэн хатан" киноны Батмөнх Даян хааны дүрээр кино дэлгэцэнд мөнхөрсөн уран бүтээлч. "Урлаг бол шорлог биш, урлан бол жорлон биш" гэсэн нэгэн аугаа хүмүүний үг бол жүжигчин Ж.Сүххуягийн зарчим юм. Тэрбээр Б.Сумхүү, Ж.Бунтар, Д.Жигмид, Б.Балжинням, Г.Жигжидсүрэн, Ж.Сэлэнгэсүрэн, Г.Доржсамбуу, Мөнхдорж, Б.Баатар нарын үе үеийн шилдэг найруулагчийн бүтээлийг үзэгчдийн сэтгэлд хоногштол бүтээсэн жүжигчин билээ.   -Ард түмний сэтгэлд хоногшсон Батмөнх Даян хааны дүрийг та шалгаруулалтгүй бүтээсэн гэдэг. Энэ сайхан дурсамжаасаа ярилцлагаа эхлүүлье?   -Батмөнх Даян хааны дүрийг 26 настайдаа бүтээж байлаа. Театрт И.Нямгаваа найруулагчийн талархаж явдаг. Шулуухан хэлэхэд драмын урлагт Павел Корчагин, кино урлагт Батмөнх Даян хааны дүр надад жүжигчний алдрыг олгосон. Багш минь шавь нарынхаа уран бүтээлээс гадна амьдралд нь тус дэм болохсон гэж хичээдэг байлаа. Би кино, драмын ангид сурч байхдаа эх орны алтан гурав л авдаг байлаа. Харин дипломын хамгаалалтаа анх "Хайрыг хайрла" жүжгийн гол дүрийг бүтээж байхдаа нэг удаа Г.Доржсамбуу багштай Төв шуудангийн урд таартал "Сүххуяг аа, чи Б.Балжинням найруулагчтай уулз. Чамд тохирох дүр байна" гэв. "Мандухай сэцэн хатан" гэдэг түүхэн кино хийхээр болсон тухай мэдэж байсан. Би "Д.Жигжид найруулагч надад Сатай сайдын туслах, ордны номын санчийн дүр өгнө гэсэн. Театрт гол дүртэй юм чинь кино бригадаар явахгүй" гэлээ. Уг нь "Мандухай сэцэн хатан" киног Төрийн шагналт, найруулагч Д.Жигжид гуай найруулахаар судалгаа хийж байсан билээ. Гэхдээ Б.Балжинням гуай багшийнхаа үйл хэргийг үргэлжлүүлж, сайн найруулсныг хэлэх хэрэгтэй. Би багшийнхаа шахалтаар Б.Балжинням найруулагчтай уулзаж, Батмөнх Даян хааны дүрд шалгаруулалтгүй тоглосон. Хожим сонсох нь ээ, Г.Доржсамбуу багш "Батмөнх Даян хаан манай театрт дүрээрээ ажиллаж байна. Чи Сүххуягийг ав" гэж Б.Балжинням гуайд хэлсэн байсан.   -Уран сайхны кинонд анхны гол дүр бүтээхэд тань Г.Доржсамбуу гуай чухал үүрэг гүйцэтгэсэн байх нь ээ?   -Улсын багшийн дээд сургуулийн кино, драмын ангийн гуравдугаар дамжааны оюутан байхад Г.Доржсамбуу багш уран чадварын хичээл орж билээ. Багш минь ЗХУ-ын Киев хотын Театр, урлагийн дээд сургуулийг төгсч ирээд байв. Би тэр үед онгироо "Би мундаг" гэж цээжээ дэлдсэн нэгэн байлаа. Миний тэр овлигогүй занг Г.Доржсамбуу багш мэдэрч "Энэ хүүхдийг хэрхэн хүмүүжүүлэх вэ" гэж бодсон гэдэг. Багш минь театрын ёс зүйг чанд баримталдаг, шинэ залуу уран бүтээлчдийг үгээрээ биш үйлдлээрээ хүмүүжүүлдэг "ясны" уран бүтээлч байсан. Тухайн үед Монголд байтугай гадаадын их сургууль төгссөн оюутнууд театрт гэрэлтүүлэгч, тайзны туслах ажилтнаар ордог атал би 1982 онд кино, драмын ангийг төгсөөд жүжигчнээр ажилд орж, Н.Островскийн "Болд хэрхэн хатаагдсан нь" жүжгийн Павел Корчагины дүрийг бүтээсэн юм. Энэ дүрээрээ Соёлын яамцы Урлагийн ажилтны холбооноос олгодог "Шилдэг дүр"-ийн шагналыг 1983 онд авсан. Төрийн шагналт, Ардын жүжигчин Э.Оюун гуайн гарын үсэгтэй "Шилдэг дүр"-ийн батламжаа нандигнан хадгалдаг. Надад итгэж гол дүр өгсөн багшдаа удаа онц хамгаалсан даа.   -Ардын жүжигчин Н.Сувд Мандухай хатны дүрээр Төрийн шагнал хүртсэн. Та Даян хааны дүрийг үзэгчдийн сэтгэлд хүртэл бүтээж, 1980-ад онд тайз, дэлгэцийг эзэгнэж явсан атлаа яагаад гавьяат аваагүй юм бэ?    -Тухайн үед гавьяат авах уу, байр авах уу гэж асуусан. Би хоёр өрөө байрыг нь сонгосон юм. "Мандухай сэцэн хатан" кинонд гол дүр бүтээснийхээ төлөө XI хороололд хоёр өрөө байраар шагнуулснаа алдчихгүй амьдарч байна. Намайг архинд ороод байраа алдсан гэж ярьдаг юм билээ. Тийм юм байхгүй. Тухайн үед би "Хэрвээ би гавьяат авбал Г.Доржсамбуу багшийгаа шагнуулна" гэж олон юм ярьсан удаатай. Миний багш Д.Сэдэд, Б.Мөнхдорж, Б.Балжинням, Ж.Бунтар гээд олон хүн байсан. Би алтан үеийн багш нарынхаа хормойноос нь зүүгдэж жүжигчин болсон. Батмөнх Даян хааны дүрээр олны танил болсон. Би өөрийгөө кино од гэж бодож байгаагүй. Театрын эгэл жүжигчин. Гавьяат жүжигчин цолыг 2009 онд авсан. Өөрийгөө хождож гавьяат болсон гэж боддоггүй. Би чинь тэтгэвэрт гараад удаагүй, залуу байна шүү дээ.   -Батмөнх Даян хааны дүрээс гарахад амаргүй байвуу ?   -Хүн бүр л Даян хаан аа гэдэг байлаа. Энэ хүндлэл надад сайныг ч авчирсан, саараар ч нөлөөлсөн. Гэхдээ би уруу татагдсанаа Батмөнх Даян хааны дүрдээ тохох дургүй. Хүний хайрыг дааж амьдрах ёстойг Даян хааны дүр надад ойлгуулсан. Натурт гараад удаагүй байтал Б.Балжинням найруулагч нэг өглөө "Энэ чиний цэргүүд" гээд хуяг дуулга нь гялалзсан 5000 цэрэг заахад би өөртөө ч итгээгүй. Цэргүүдийн дундуур морьтойгоо давхихад "Уухай" хэмээн хашгирч байсан тэр мэдрэмжээр Батмөнх Даян хааны дүрийг бүтээсэн. Энэ киног бүтээхэд хоёр жил зарцуулсан юм. Дүрийн судалгаа хийхэд нэг жил зарцуулсан. Батмөнх Даян хаан гэж ямар хүн байсан талаар эрдэмтэн судлаачид түүх, угсаатны зүй, зан заншил, зэр зэвсэг гээд бүх талын хичээл зааж, тухайн үед гарч байсан гадаадынхны бүтээсэн Монголын тухай түүхэн сэдэвт киног бидэнд үзүүлдэг байлаа. "Мандухай сэцэн хатан" киноны уран бүтээлчдээс насаар хамгийн залуу нь байсан ч бүгд намайг хааны хэмжээнд хүндэлж, дүрдээ ороход сэтгэл зүйгээр дэмжсэн.   -Та театрт хэдэн жил ажиллаж, хэчнээн дүр бүтээв?   -Намайг өдий зэрэгтэй жүжигчин болоход театр нөлөөлсөн. Би 30 орчим жүжигт дүр бүтээсэн. байдаг. Кино, жүжиг гэлтгүй бүгд хамтын бүтээл байдаг болохоор миний бүтээсэн дүр бол хамт олны бүтээл. Тэдгээрээс Павел Корчагины дүрдээ хайртай. Доржоо багш минь намайг хүнд өвчтэй байхад эргэж ирээд "Миний Корчагин үхэж болохгүй" гэж бичээд өгсөн нь зарлиг мэт санагддаг. Би "Мандухай сэцэн хатан" киноны дараа 1987 онд "Хайрыг хайрла" жүжигт тоглож байтал тайз нурж, хүнд бэртсэн. Хэвлийдээ дөрвөн удаа мэс засал хийлгэсэн юм. Гэмтлийн эмнэлэгт жил гаруй хэвтэхэд минь Г.Доржсамбуу, Б.Балжинням, Б.Мөнхдорж, Н.Сувд багш нар минь "Энэ хүн Монголын кино урлагт хэрэгтэй шүү" хэмээн эргэж ирдэг байлаа. Манай урлагийнхан "Чи хөл дэрээ босно шүү. Урлагт хэрэгтэй байна" гэсэн болохоор би сэтгэлийн тэнхээтэй байсан. Театраас гараад гурван сар болж байтал Б.Балжинням багш яриад "Чингис хааны тухай "Мөнх тэнгэрийн хүчин дор" киноны Чилүгэнд тогло. Энэ дүрийг миний хүү л гаргаж чадна" гэв. Харамсалтай нь, би Чилүгэнийг багшийнхаа сэтгэлд хүртэл бүтээж чадаагүй гэж өөрийгөө зэмлэдэг. Харин өөрийнхөө сэтгэлд хүртэл тоглосон. "Мөнх тэнгэрийн хүчин дор" киноны хоёрдугаар найруулагчаар Доржоо багш минь ажиллаж билээ. Одоо намайг гавьяат жүжигчин Ж.Сүххуяг гэж залуучууд таньдаггүй. Би гавьяатын тэмдгээ зүүгээд явахыг хүсдэггүй юм. Хүнээрээ л байхыг хүсдэг. Бидний мэргэжил бол хүн судлал.   -Нийгмийн шуурганд өртөж, Монголд урлаг хэсэг хугацаанд үнэгүйдсэн. Харин одоо сэргэж байна. Энэ хугацаанд урлагаас холдсон шалтгаан тань юу байв?   -Би урлагаас холдоогүй, урлаг ч надаас хөндийрөөгүй. Намайг чимээгүй байсан гэж хүмүүс ярьдаг. Чимээгүй байснаа би тайлбарлах албагүй. Алсаас ажиглаж байсан юм. Урлаг тэр үед золиосонд гарсан шүү дээ. Магадгүй ард түмэнтэйгээ уулзаж, ойр байж чадаагүй байхгүй юу. Зах зээлийн нийгмийн эхэн үед талх хэдэн төгрөг, урлаг хэдэн төгрөг байлаа. Хэн нэгэн шиг "гахай үүрч" ганзгын наймаа хийлгүй урлагийн дуу хоолойг хүмүүст өөрийнхөөрөө хүргэж байсан. Хэвлэлээр миний тухай янз бүрээр л бичлээ. Муу дүрд тоглосон гэж ч муу хэлүүлж үзлээ. Би үр хүүхдийнхээ төлөө зүтгээд, хүн чанараа гээлгүй амьдарсаар ирсэн. Гэхдээ авьяас хэзээ ч тэтгэвэрт гардаггүй. Надад нэг хүн "Урлаг бол шорлог биш, урлан бол жорлон биш" гэж хэлж байлаа. Тийм болохоор би шорлог, жорлон болохыг хүсдэггүй. 1991 онд "Шинэ кино" компанийг байгуулаад найруулагч Ж.Отгонбиндэртэй хамтран найман кинонд туслах найруулагчаар ажилласан. Хөдөө гадаа их явсан. Би урлагаас хөндийрч чадахгүй юм билээ.   -Монголын орчин үеийн кино урлагийг та хэрхэн дүгнэдэг вэ?   -Урлагийг цаг хугацаа, жүжигчдийн үеэр дүгнэдэг. Гэхдээ орчин үед хальсны уран бүтээл дээр ажиллаж үзээгүй залуучууд өөрсдийгөө "Кино хийж байна" гэж ярих нь өрөөсгөл санагддаг. Жүжигчид байна. Гэхдээ сайн зохиол алга. Техникийн суурь болсон боловсруулдаг үйлдвэрээ татан буулгачихаар гар, хөлөө тайруулсан тахир дутуу хүн шиг юмыг кино биш теле зохиомж гэвэл онох биз. Заримдаа сонирхогчийн камераар авсан юм уу гэлтэй хэцүүхэн "кинонцор" кино театраар гарах юм. Нөгөө талаар залуучуудыг буруутгах аргагүй мэт. Киноны павильон, натур байхгүй учраас залуучууд айлын гэрт зураг авахаас өөр яах вэ. Кино бол хөрөнгө, санхүү шаарддаг урлаг.   -Аль ч салбарт нэгэн үеийнхэн гэж бий. Кино, драмын ангийг хамт төгссөн үеийнхнийхээ талаар та дурсамж дэлгэнэ үү?   -Манай ангийг авьяастай, чадварлаг уран бүтээлчид төгссөн. Тухайлбал, Төрийн шагналт, жүжигчин Д.Сосорбарам, Урлагийн гавьяат зүтгэлтэн, найруулагч Ч.Найдандорж, нэрт найруулагч Э.Санчигдан, "Гарын таван хуруу" киноны Сүрэн буюу Я.Оюунцэцэг, мөн уг киноны том ахад тоглосон Баярсайхан бид нэг ангийнхан. Бид Монголын урлагт арав гаруй жил ноёлсон нэг ангийнхан. Одоо ч манайхан эзэгнэж байна. "Намрын халуун өдрүүд" кинонд ангиараа тоглож байснаа мартдаггүй. Багш нар минь биднийг хүн байх урлагт сургасан. Ангийнхан маань одоо ч цөөрч дээ.   -Таныг оюутан байхдаа олон кинонд туслах дүр бүтээсэн гэдэг. "Тань руу нүүж явна" кинонд оюутан байхдаа тоглосон уу?   -Би оюутан байхдаа "Цэрэг эрсийн жирийн өдрүүд", "Үүрийн цолмон", "Хатанбаатар" кинонд туслах дүр бүтээсэн. "Тань руу нүүж явна" кинонд их сургуулиа төгсөөд 1983 онд тоглосон. Төрийн шагналт Бэгзийн Балжинням найруулагчийн бүтээл шүү дээ. Би Б.Балжинням гуайн олон сайхан кинонд гол болон туслах дүр бүтээсэн. Би Б.Балжинням гуайг багш аа, багш намайг миний хүү гэж дууддаг байсан.   -Та Ж.Бунтар, Д.Жигжид, Б.Балжинням тэргүүтэй олон сайхан найруулагчтай ажилласан. Тэдний тухай сайхан дурсамжаасаа хуваалцахгүй юү?   -Би Монголын кино, театрын сор болсон найруулагч, багштай ажилласан азтай хүн. Б.Сумхүү, Ж.Бунтар, Д.Жигжид, Б.Балжинням, Г.Жигжидсүрэн, Ж.Сэлэнгэсүрэн нарын домог болсон найруулагчийн кинонд тоглох хувьтай байжээ. Урлагийн гавьяат зүтгэлтэн Жамьянгийн Бунтар гуай 1977 онд миний тоглосон анхны кино болох "Давааны цаана даваа"-г найруулсан юм. Энэ кинонд тохиолдлоор туслах дүр бүтээсэн. Дараа нь Ж.Бунтар багшийнхаа "Үүрийн цолмон" кинонд тоглож байлаа. 1981 онд "Хатанбаатар" кинонд тоглож байхдаа Урлагийн гавьяат зүтгэлтэн Г.Жигжидсүрэн найруулагчид "Гэрлээс гарлаа" гэж загнуулсан минь санаанаас гардаггүй юм. Найруулагчдаа алгадуулж, үсдүүлэх үе бишгүй бий. Д.Сэдэд багшийнхаа отгон шавь. Багш маань олон шавьтай байсан ч намайг сүүлчийн шавиа гэдэг байлаа. Харин театрт Б.Мөнхдорж, Г.Доржсамбуу, И.Нямгаваа, Б.Баатар, Ч.Найдандорж нарын найруулагчтай хамтран ажилласан. Би Ардын жүжигчин Б.Мөнхдорж найруулагчийн гарын шавь.   -Гарын шавь бэлтгэхсэн гэж боддог уу?   -Өөрөө чадахгүй байж хүнд заана гэж юу байх вэ. Би өөрийгөө ямагт голдог. Урлагийн сургуулиудад цагаар багшлах санал ирдэг л юм. Миний багш Д.Сэдэд гуай "Чи багшлах хэрэггүй" гэж хэлдэг байсан.   -Та сүүлийн үеийн жүжигчдээс хэнийг үнэлж, тоодог вэ?   -Сайн жүжигчин олон байна. Ялангуяа манай драмын театрын жүжигчин, Монгол Улсын гавьяат жүжигчин Ж.Оюундарь, Соёлын тэргүүний ажилтан С.Болд-Эрдэнэ, Г.Амгаланбаатар, Г.Эрдэнэбилэг, найруулагч Н.Наранбаатар нарыг дотроо үнэлж явдаг.     Х.Эрдэнэзаяа Эх сурвалж: "Монголын үнэн" сонин

Өөр өнцгөөс: О.Насанбурмаа "Барилдах бүртээ аавынхаа нэрийг дуудуулах сайхан"2018, 11 сар 15. 17:00

Унгар улсын нийслэл Будапешт хотноо болсон чөлөөт бөхийн ДАШТ-ээс Монгол тамирчин анх удаагаа дөрвөн медалийн эзэн боллоо. Энэхүү бахдам амжилтын эзэн бол Очирбатын Насанбурмаа юм

Р.Оюун: Өрсөлдөөний давуу талаа тодорхойлох нь оршин тогтнох зам2018, 10 сар 21. 13:14

Жижиг, дунд бизнес эрхлэгч, бизнесийн удирдлагууд, бизнес эрхлэхийг хүсч буй хэн бүхэн хийх гэж байгаа ажлынхаа талаар зураглал хийж, ямар ажлыг шат дараатай хийвэл үр ашгаа өгч хөгжих боломжтой гэдгийг төлөвлөдөг. Энэхүү бизнесийн стратеги төлөвлөлт, маркетинг харилцаа, удирдлагын чиглэлээр жижиг, дунд аж ахуйн нэгжүүд болон ашгийн бус байгууллагуудад зөвлөх үйлчилгээ үзүүлнэ гэдэг маш  чухал ажил билээ.

Шинэ мэдээ

“Уур амьсгалын төлөөх жагсаал”-д хэдэн мянган хүн оролцжээ12 сар 7. 15:00Байгууллагын баярын арга хэмжээн дээр баримтлах 10 дүрэм12 сар 7. 14:55АНУ Иракийн гурван иргэний эсрэг хориг арга хэмжээ авчээ12 сар 7. 14:50Зөгийн бал хэмээх шидэт идээний ашиг тус…12 сар 7. 14:45ФОТО: “Face Geniuses” буюу Солонгосын шилдэг нүүр царайгаар шалгарсан эрэгтэй кпоп одод12 сар 7. 14:40"Анхдагч" ах нар12 сар 7. 14:35Нийслэлийн бүсэд баавгай орж иржээ12 сар 7. 14:34Өвөрмөц авьяастай 15 алдартан12 сар 7. 14:30Их Британид 121 граммын цул алт олджээ12 сар 7. 14:25Ардчилсан хувьсгалын 30 жилийн ойн барилдааны түрүү бөхийг 8 сая төгрөгөөр шагнана12 сар 7. 14:22Англи хэлээр аль орны хүмүүс хамгийн сайн ярьдаг вэ12 сар 7. 14:20Дэвид Бекхэм замын хөдөлгөөний дүрэм зөрчжээ12 сар 7. 14:15Volkswagen шинэ үеийн Golf машинаа худалдаалж эхэллээ12 сар 7. 14:10Валютын ханш12 сар 7. 14:05Дэлхийн улс орнуудад цайны мөнгө хэрхэн өгдөг вэ12 сар 7. 14:00Таеквондогийн "Москва гран при финал-2019"12 сар 7. 13:55Видео: 2019 оны хамгийн шилдэг зургаан кпоп дуу12 сар 7. 13:50Брэд Питт: Би 20 жил нэг ч уйлаагүй12 сар 7. 13:45Нийт газар нутгийн 70 хувьд зудын эрсдэл үүсэх төлөвтэй байна12 сар 7. 13:40Halsey болон “BTS”-ын Suga нар хамтарсан дуу гарлаа12 сар 7. 13:35УИХ-ын байнгын хороод ирэх долоо хоногт...12 сар 7. 13:30“Нийслэлийн хүүхдийн шүд угаалтын аварга шалгаруулах тэмцээн” боллоо12 сар 7. 13:25Мелания Трамп импичментийн талаар анхныхаа "МЭДЭГДЭЛ"-ээ хийлээ12 сар 7. 13:202018 онд улаан бурхан өвчний улмаас 140 мянга гаруй хүн амиа алджээ12 сар 7. 13:15Онгоцонд ашигласны дараа идэж болох аяганд кофе хийж өгдөг болно12 сар 7. 13:10БНХАУ-ын ӨМӨЗО-ны Шилийн гол аймагт бүртгэгдсэн тарваган тахал өвчний талаарх албан мэдээлэл12 сар 7. 13:05УИХ дахь намын бүлэг, зөвлөл, ажлын хэсгүүд ирэх 7 хоногт...12 сар 7. 13:00Миссээ дэмжих үү12 сар 7. 12:55Б.Буджаргал Ази тивд анх удаа болсон 6 өдөр, 6 шөнийн гүйлтэд түрүүллээ12 сар 7. 12:50ФОТО: “Face Geniuses” буюу Солонгосын шилдэг нүүр царайгаар шалгарсан эмэгтэй кпоп одод12 сар 7. 12:45
© 2008 - 2019 он. Зохиогчийн эрх хуулиар хамгаалагдсан.